पत्र सूचना कार्यालय

প্লান্তেসনগী ৱার্করশিংগী হকশিং শেমদোক-চাউথোকহল্লবা অনৌবা লেবর কোদশিং

ৱাহৌদোক

প্লান্তেসন ৱার্কর অসি লৌউ-শিংউগী পোত্থোক, এক্সপোর্তা তানবা শেল অমসুং খুঙ্গংগী পুন্সি মহিং অসিবু ঙাক্লৌ পীরিবা ভারতকী লেবর ফোর্সকী মরুওইবা শরুক অমনি। চহী কয়া-কয়াফাওবা মখোয়না থবক শুবগী ফীভমশিং, য়ুম-কৈ, চাউখৎ-থৌরাং অমসুং হকশেলগী খুদোংচাবশিং অসি সেক্তর অসিদা ৱার্করশিং ঙাক-শেন্নবগীদমক্তা লিংখৎখিবা প্লান্তেসন লেবক এক্ত 1951 না শেমখি।

মরুওইবা ঙাক-শেনবগী ফংহল্লি অদুবু কোভরেজগী মতাংদা মসিগী ফ্রেমৱর্ক অকক্নবা অদুম্মক ওইরি, খুন্নাইগী ঙাক-শেনবগী থৌরাং অসি মপুং ওইনা মপুং ওইনা পুনশিন্নবা য়ারমদে অমসুং মতম-মতমগী ওইবা অমদি মাইগ্রেন্ত লেবরশিংগী শৌগৎপা য়াম্না ৱাৎলম্মী।  

অনৌবা লেবর কোদশিং মরুওইনা খুৎশুমনগী কোদ 2019 (দব্লয়ু.সি.), অসি শিনফমগী ওইনা ঙাক-শেনবগী, হকশেল অমদি থবক শুবগী মওংশিং 2020 (ও.এস.ঐচ.&দব্লয়ু.সি.) অমসুং খুন্নাইগী ঙাক-শেনবগী কোদ 2020 (এস.এস.) চৎনবগা লোয়ন-লোয়ননা প্লান্তেসন ৱার্করশিংগীদমক্তা থৌরাং য়াৎপা ফ্রেমৱর্ক অসি অনৌবা, পাক-চাওবা অমসুং হেন্না কনবা ওইরে। কোদশিং অসিদা লৈরিবা মতমগা চুনবা ঙাক-শেনবগী পাম্বৈশিং অসি অদুম্মক লেংদনা থম্বগা লয়ননা মখোয়শিং অদু হেন্না পাকথোক-চাওথোক্নবসু তৌদুনা মদুদগী অনৌবা লেবরগী মথৌতাবশিংগী মওংদা শেম্ননবা অমসুং প্লান্তেসন ৱার্কর অসি য়ুনিফাইদ নেস্নেল সেফতী সিস্তেমগী মনুং চলহন্নবনি। কোদশিং অি প্লান্তেসনগী ৱার্করশিংদা হকশেল, ঙাক-শেনবগী, চাওখৎ-থৌরাং, খুন্নাইগী ঙাক-শেনবগী অমসুং কান্নবশিংগী পোর্তেবিলিতী কবর তৌবা ঙম্বা অচৌবা অমসুং অপুনবা সিস্তেমদা পুনশিল্লী।

প্লান্তেসন ৱার্করগীদমক্তা হোংলক্লিবা ফীভম

প্লান্তেসন ৱার্কর এক্ত 1951 গী মখাদা ঙাক-শেনবা

প্লান্তেসন ৱার্কর এক্ত, 1951 না প্লান্তেসনশিংদা হেল্থ কেয়র, হাউসিং, কেন্তিন, ক্রেঞ্চ অমদি থবক শুবগী পুং/ছুতীগুম্বা ঙাক-শেনবগী চৎন-পথাপ অসি নিংথিনা চৎনহন্নবগীদমক্তা অহানবা ফ্রেমৱর্ক অসি শেমখি। তৌইগুম্বসুং মতমগী মতুং ইন্না মসিগী অৱাৎপশিং ময়েক শেংলকখি: অকক্নবা কোবরেজ, তোঙান-তোঙান খায়দোকপা খুন্নাইগী ঙাক-শেনবগী সিস্তেম অমসুং মতম-মতমগী ওইবা অমদি মাইগ্রেন্ত লেবরশিংগী ওইনা খ্বাইদগী তানা শোগৎলি। এক্ত অসিদা মখাদা পীরিবা থৌরাংশিং অসি য়াওরম্মী:

• ৱায়েল-পথাপকী চৎনগদবা মফম: মসিগী এক্ত অসি শুপ্নতগী লেবর 15 নত্রগা মসিদগী হেনবা লেবর লৈবা নত্রগা লম হেক্তর 5 নত্রগা মসিদগী হেনবা প্লান্তেসনশিংদা চৎনরম্মী।  
• খুদোংচাবশিং অমদি চাওখৎ-থৌরাংগা মরি লৈনবা থৌরাং: এমপ্লোয়রশিংনা প্লান্তেসনশিংদা হকশেলগী তেংবাং, থক্নবা ঈশিং, সেনিতেসন অমসুং য়ুম-কৈ ফংহনবগী মথৌ তারম্মী; চাওখৎ-থৌরাং খুদোংচাবশিংদা লেবর 150 ত্রগা মসিদগী হেনবা লেবরশিং লৈবা ইস্তাব্লিসমেন্তশিংগীদমক্তা কেন্তীন, নুপী লেবর 50 নত্রগা মসিদগী হেনবা ইস্তাব্লিসমেন্তকীদমক্তা ক্রেঞ্চ অমদি এজুকেসনগীদমক্তা ঙাক্লৌ পীবা য়াওরম্মী।
• থবক শুবগী পুংশিং, ছুতী অমদি খুন্নাইগী ঙাক-শেনবগী: ওভরতাইম অমসুং তোলোপ য়াওবা চহীগী ছুতিশিংগী থৌরাং য়াওনা নুমীৎ খুদিংগী/চয়োলগী থবক শুবগী পুংশিং লেপ্লম্মী। খুন্নাইগী ঙাক-শেনবা অসি শুপ্নতগী গ্রেচুএতী(চহী 5 গী মতুং) ফাওবদংগী অরেপ্পা ওইরম্মী অমসুং মেতরনিতী লিভ অসি তোঙানবা এক্ত অমগী মনুংদা লৈরম্মী। মসিদা নত্তনা এমপ্লোয়ী সেফতী ইন্সুরেন্স(ই.এস.ই.) অমসুং প্রোভিদেন্ত ফন্দ(পি.এফ.)কী থৌরাং অসি য়ুনিভর্সেল ওইনা চৎনরমদে। 

নুপী লেবর অমদি মাইগ্রেন্তশিং/মতম-মতমগী ওইবা লেবর: নুপীশিংনা নুমিদাং পুং 7 তগী অয়ুক্কী পুং 6 কী মনুংসিদা থবক শুবগী অয়াবা লৈরমদে, অমসুং মাইগ্রেন্তশিং/মতম-মতমগী ওইবা লেবরশিংগী ওইনা কান্নবশিংগী পোর্তেবিলিতী ফংহল্লমদে।  

• ত্রেনিং অমদি ঙাক-শেনবগী খল: কেমিকেলশিং হেন্দলিং তৌবগা মরি লৈনবা ত্রেনিং নত্রগা ঙাক-শেনবগী পাম্বৈশিংগা মরি লৈনবা থোইদোকপা চৎন-পথাপকী থৌরাং লৈরমদে।

অচৌবা ৱায়েল-পথাপকী মনুংদা কোবরেজ তৌবা অমসুং ঙাক্না চৎনবা

অনৌবা লেবর কোদশিংগা লোয়ননা প্লান্তেসনগী ৱার্করশিং ঙাক-শেনবগা মরি লৈনবা নিয়মশিং অসি অকক্নবা ওইরম্মী অমদি তোঙান-তোহানব খায়দোক্লবা ঙাক-শেনবগী পাম্বৈশিংদগী হেনবা অপুনবা, মরিক চুম্বা অমসুং চাওখৎ-থৌরাং-য়ুম্ফম ওইবা সিস্তেমদা শেমগৎখ্রে। কোবরেজ অসি পাকথোক-চাওথোক্তুনা মসিদা লেবর 10 নত্রগা মসিদগী হেনবনা থবক তৌবা নত্রগা মশাগী লম হেক্তর 5 ত্রগা মসিদগী হেন্না লৈবা প্লান্তেসনশিং খুদিংমক পুনশিনখ্রে।  

মসিদগী প্লান্তেসন ৱার্কর অসি তোলোপ, ঙাক-শেনবা, থবক তৌবগী মওংশিং, কান্নবা অমসুং খুন্নাইগী ঙাক-শেনবগুম্বা মরুওইবা ৱাফম খুদিংমক অমত্তা ওইনা শুনা য়াওরবা পুনশিল্লবা ইকোসিস্তেমগী মনুং চল্লি।

লেবর অমসুং মখোয়গী ইমুং-মনুংগী নুংঙাই-য়াইফবা হেনগৎহন্নবা লেবর কোদশিং

কোদশিং অসি চুমদ্রিংনা প্লান্তেসনগী ৱার্করশিং অমসুং মখোয়গী ইমুং-মনুংশিংগী পুন্সি মহিং ফগৎহনগদবা হকশেল অমসুং চাওখৎ-থৌরাং অসিনা অকনবা স্তেন্দর্দ ফংহল্লি। থৌরাং অসিনা মখোয়গী নুংঙাই-য়াইফবশিং অসি হেনগৎহল্লি অমসুং লেন্না ফবা চাউখৎ-থৌরাংশিং হেনগৎহল্লি অমসুং লেবরশিংগীদমক্তা হেন্না শাফবা অমদি খল মান্নবা এনভাইরোন্মেন্ত অমা লৈহল্লি।  

• তঙাইফদবা ই.এস.আই.সি. কোভরেজ: প্লান্তেসন ৱার্করশিংগীদমক্তা এমপ্লোয়মেন্ত সেফতী ইন্সুরেন্স(ই.এস.আই.) কোভরেজ অসি চাওথোকহন্দুনা মসিদগী লেবরশিং অমসুং মখোয়গী ইমুং-মনুংশিংগী হকশেলগী খুদোংচাবশিং নত্রগা এমপ্লোয়রগী থোংদগী নত্রগা ই.এস.আই.সি. গী থোংদগী ফংহল্লি।

• হাউসিং স্তেন্দর্দ ফগৎহনবা: এমপ্লোয়রদা লেবর অমদি মখোয়গী ইমুং-মনুংগীদমক্তা ঈশিং, চাকখুম অমসুং অমাংশঙগী খুদোংচাবশিং য়াওবা য়ুম ফংহনবা তঙাই ফদে, হকথেংননা ওইরো নত্রগা সরকারগী/ম্যুনিসিপাল স্কীমশিংদগী ওইরো।
  • ইমুং-মনুংশিংগীদমক্তা চাওখৎ-থৌরাংগী খুদোংচাবশিং: 100 নত্রগা মসিদগী হেনবা লেবরশিং (মসিদা কনত্রেক্ত লেবরসু য়াওবা) প্লান্তেসনশিংদা কেন্তিনগী খুদোংচাবা ফংহনবা তঙাই ফদে।
  • অপুনবা ক্রেঞ্চকী খুদোংচাবশিং নত্রগা অপুনবা রিসোর্সশিংগী থোংদগী ফংহনবা য়ানবা ৱার্কর 50 নত্রগা মসিদগী হেনবনা থবক তৌবা মফমদা, ক্রেঞ্চকী খুদংচাবা লৈহনবগী মথৌ তাই।
  • ৱার্করশিংগী চহী 6 তগীনা 12 ফাওবগী অঙাং 25 নত্রগা হেন্না লৈবা মফমদা এজুকেসনগী খুদোংচাবশিং ফংহনবা তঙাই ফদে।

এমপ্লোয়রশিংনা মসিগী চাওখৎ-থৌরাংগী খুদোংচাবশিং নত্রগা সরকারগী/ম্যুনিসিপাল স্কীমশিংগী থোংদগী ফংহনবগদবনি।

হারমোনাইজ ওইবা, হেন্না শাফগদবা অমদি হেন্না নিংথিবা থবক তৌফম

লেবর কোদশিংনা প্লান্তেসনশিংদা হেন্না শাফগদবা, হেন্না নিয়ম নাইবা অমসুং ৱার্কর-ফ্রেন্দলী ওইবা এনভাইরোন্মেন্ত অমা ওইহল্লি।

• থবক শুবগী পুংশিং অমদি লীভ: স্তেন্দর্দ ওইবা থবক শুবগী পুংশিং, ওভরতাইমগী তোলোপ য়াওনা, পোত্থাবগী মতম অমসুং তোলোপ য়াওবা ছুতী অসি হৌজিক ইন্দস্ত্রীশিংগা মান্ননা চৎনরগনি।
• ঙাক-শেনবগী অমদি ত্রেনিংগী মথৌ তাবশিং: ও.এস.ঐচ. &দব্লয়ু.সি. কোদকী মখাদা এমপ্লোয়রশিংনা এক্সিদেন্তশিং/এক্সপোজর অসি থোকহন্দনবগীদমক্তা ঙাক-শেনবগী খুৎলায়শিং ফংহনবগী মথৌ তাই, মসিগা লোয়ননা কেমিকেলশিং শোই-ঙামদনা শিজিন্নবা, স্তোরেজ অমসুং শিজিন্নবগী ত্রেনিংসু তঙাই ফদনা মথৌ তাই অমসুং এক্সিদেন্ত অমদি এক্সপোজর থোকহন্দনবা ঙাক-শেনবগী খুৎলায়শিং ফংহনগদবনি।

থবক অমসুং পুন্সি অসি নিংথিনা চাং অমদা থম্বা ঙম্নবা প্লান্তেসনগী ৱার্ক ময়েক শেংহন্নবা অমসুং হান্না থবক তৌবগী মতম খংদোকপা ঙম্নহনবদা খুদোং চাহল্লি। মসিগা লোয়ননা হেন্না ফবা ঙাক-শেনবগী স্তেন্দর্দ অমসুং অফবা ত্রেনিংনা শৌগৎপা মতমদা অপুনবা থবক তৌফম অসি চাওখৎহনবদা অমসুং ঙাক-শেনবদা তুং কোইহল্লি।

অচৌবা খুন্নাইগী ঙাক-শেনবগী & পোর্তেবিলিতী

• অপুনবা খুন্নাই ঙাক-শেনবগী কোভরেজ: খুন্নাই ঙাক-শেনবগী কোদকী মনুংদা, খুন্নাই ঙাক-শেনবগী কান্নবশিং অসি হেনগৎহনখ্রে, মসিদা প্রোভিদেন্ত ফন্দ(পি.এফ.) অমসুং পেন্সন/ওল্দ এজ প্রোতেক্সন য়াওরি। গ্রেচুএতী সর্ভিসকী চহী মঙাগী মতুংদা পী নত্রগা অকক্নবা মতমগী ওইবা থবক্কী মতাংদা চহী অমগী মতুংদা পী।
• মাইগ্রেন্তশিং অমদি মতম-মতমগী ওইবা লেবরশিংগী ওইনা পোর্তেবিলিতী: মাইগ্রেন্তশিং অমসুং মতম-মতমগী ওইবা লেবরশিংগীদমক্তা কান্নবা পীবশিংগী পোর্তেবিলিতীগী আধান-লিঙ্ক রেজিসত্রেসন তৌদুনা চপ চানা শেমখ্রে। আধারগী দিজিতেল রেজিস্ত্রেসন অসিনা পি.এফ., ই.এস.আই. অমসুং গ্রেচুএতী অসি রাজ্য অমদগী অতোপ্পা রাজ্য অমদা অদুগা এমপ্লোয়র অমদগী অমদা পুবা য়ানবনি(পোর্ত তৌনবনি)

অনৌবা থৌরাং অসিনা প্লান্তেসনগী ৱার্করশিংগীদমক্তা অশাংবা মতমগী শেল-থুম ঙাক-শেলহল্লি অমসুং হেন্না তুং-কোইহল্লি। হকশিং অসিনা লেপ্তনা মাইগ্রেন্তশিং অমসুং মতম-মতমগী ওইবা লেবরনা থবক তৌফমশিংদা মশাগী কান্নবশিং অসি ফংহল্লি।  

নুপী ৱার্করশিংগীদমক্তা লায়বা হেনগৎহনবা & মান্নবা থাক

লেবর কোদশিং অসি প্লান্তেসনগী থবকশিংদা নুপীশিংগীদমক্তা খুদোংচাবা অমসুং ঙাক্লৌ পীবগী সিস্তেম অসি মরুওইবা মওংদা লেংদনা লৈহল্লি। মরমদি মসিগী থবক অমসুং ইমুং-মনুংগী পুন্সিগী তাঙ্কক খুদিংদা নুপীশিংগী মথৌতাবশিং অসিবু ঙাক্লি।  

• থবক তৌবগী খুদোংচাবশিং চাউথোকহনবা: নুপীশিংবু মখোয়গী অয়াবা য়াওরগা নুমীদাংদা, পুং 6 কী মমাংদগী অদুগা নুমীদাং পুং 7 কী  মতুংদা  থবক তৌবগী অয়াবা লৈ, তৌবতবু এমপ্লোয়রনা মতিক চানা ঙাক-শেনবগী পাম্বৈশিং লৈহনগদবনি।
• সপোর্তিব ইনফ্রাস্ত্রকচর: নুপী ৱার্করশিংগীদমক্তা ক্রেঞ্চ অমসুং মেতর্নিতী প্রোতেক্সন অসি লৈহল্লি। মেতর্নিতীগী কান্নবশিং অসিদা চয়োল 26 কী লীভ অমসুং নর্শিংগী ব্রেকশিং য়াওরি।

হৌজিক্তি নুপীশিং অসি থবক্কী খুদোংচাবশিংগী চাউরবা অমদি শোই-ঙামদনিংঙাই ওইরবা অফবা তাঙ্কক অমদা য়ৌরে।  মেতরনিতী অমসুং অঙাংশিং য়েংশিন্নবগীদমক্তা হেনগৎহনখ্রবা ঙাক্লৌ অসিনা নুপীসিংনা থবক অমসুং ইমুং-মনুংগী মরক্তা মান্নবা চাং অমদা থম্বদা মতেং পাংদুনা হিংবদা তংদু-লৈতাহল্লি।

ৱারোইশিন

অনৌবা লেবর কোদশিং অসিনা লৈবাক অসিগী লৌবুক-লমহাংশিং অসিবু শেন্নরিবা মীওইশিংগীদমক্তা মরুওইবা তাঙ্কক অমা ওইহল্লগনি। হেন্না ফবা হেল্থ কেয়র, শোক্নিংঙাই ওইদ্রবা থবক তৌফম, অফবা য়ুম অমসুং পুন্না–শুনা য়াওরবা ঙাক-শেনবগা লোয়ননা মসিগী কোদশিং অসিনা ইমুং-মনুংশিং, নুপীশিং অমসুং মাইগ্রেন্তশিংগীদমক্তা খুদোং চাবা অমসুং শোইনিংঙাই ওইদবা ওইহল্লি অমসুং হেন্না মান্নবা ৱর্কফোর্স অমা শেমগৎলি।

মসিগী অহোংবশিং অসি প্লান্তেসন ৱার্করশিংগীদমক্তা অফবা ঙাক-শেনবা অসি শুপ্নতগী ঙাক-শেনবখক্তা নত্তনা লাক্কদৌরিবা চহীশিংগীদমক্তা চাউখৎপা অমসুং তৌবা য়াবশিং লৈ হায়নসু খংহনবা হেন্না শোইররোইদবা অমসুং ইশানা-ইশানা থাজবনা থল্লবা খোংচৎ অমা হৌহন্নবগী খুদম পীরি।

***

(तथ्य सामग्री आईडी: 150552) आगंतुक पटल : 3