पत्र सूचना कार्यालय

লেবর কোদশিংনা অমাঙ অতা থোক্নিংঙাই ওইবা সেক্তরগী শিন্মীশিংগী সেফ্তী হেনগৎহল্লি

ভারতকী হজার্দস সেক্তরদা সেফ্তী কনখৎহনবা

মাইনিং, পেত্রোলিয়ম, মেতালর্জী, কেমিকেল অমদি হেভী মেনুফেকচরিংগুম্বা ইন্দস্ত্রীশিংনা ভারতকী শেন্মিৎলোন চাওখৎহনবদা মরুওইবা শক্লোন অমা লৌরি। ইন্দস্ত্রীশিং অসিদা থবক শুরিবা শিন্মী কয়া অমদি য়াম্না খুদোং থিনিংঙাই ওইবা ফীভমদা মথৌ তৌরি। শিন্মীশিং অসিগী হেন্না মপাঙ্গল কনবা, তুংগীদমক শেম শারবা সেফ্তী অর্কিতেকচর অমা মথৌ তারিবা অসি শকখঙলদুনা, লৈঙাক অসিনা সেন্ত্রেল লেবর লো ২৯ বু লেবর কোদ ৪ দা পুনশিন্দুনা অনৌবা লেবর কোদ্স পুথোক্লে। দি ওকুপেস্নেল সেফ্তী, হেল্থ এন্দ ৱর্কিং কন্দিসন কোদ, ২০২০ (OSH&WC) গী মখাদা রিস্ক এসেসমেন্ত, ফ্রী এনুএল হেল্থ চেক-অপ, ত্রেনিং, PPE, ইমর্জেন্সী প্লান্নিংনচিংবা হেন্না পুম্নমক শুপ্লবা প্রিভেন্তিব সেফ্তী সিস্তেম অমা থম্লে। রিফোর্মশিং অসিনা সেফ্তী প্রোতোকোলিং মপাঙ্গল কনখৎহল্লি, রিস্ক-মিতিগেসনগী থৌওংশিং তঙায় ফদবা ওইহল্লি, অমদি একাউন্তেবিলিতী হেনগৎহনবগা লোয়ননা এমপ্লোয়রশিংদা হেন্না ময়েক শেংবা, হেন্না লায়বা, অমদি হেন্না প্রিদিক্তেবল ওইবা রিগুলেতরীগী লম্বীশিং পীরি। পনবা য়াবদি, অনৌবা ফ্রেমৱর্ক অসিনা ভারতকী হজার্দস-সেক্তর ৱর্কফোর্সতা হেন্না শাফবা থবক মফম, হেন্না কনবা প্রোতেক্সন, অমদি হেন্না ইকায়খুম্ননিংঙাই ওইবা ফীভমশিং ফংহন্নবা পান্দম থম্লি।

হজার্দস ওইবা থৌওংশিংদা লৈরিবা শিন্মীশিংদা কান্নবা ফংহনবা

লেবর কোদ্সনা ভারতকী হজার্দস-সেক্তর ৱর্কফোর্সকীদমক মপাঙ্গল কনখৎহল্লবা সেফ্তী অমদি ৱেলফ্যারগী ফ্রেমৱর্ক অমা পুরক্তুনা হায়-রিস্ক ইন্দস্ত্রীশিংদা প্রোতেক্সন, একাউন্তেবিলিতী, অমদি রিস্ক মেনেজমেন্ত হেনগৎহল্লি। কেমিকেল, এক্সপ্লোজিব, গ্যাস, রেদিএসন, মাইনিং, কন্সত্রক্সন, দোক, অমদি হেভী ইঞ্জিনিয়রিং সেক্তরশিং য়াওনা হজার্দস ওইবা থৌওংশিং নৎত্রগা ইন্দস্ত্রীশিংদা থবক শুরিবা শিন্মী পুম্নমক OSH&WC গী মখাদা মপুং ফানা কোনশিল্লি।

• সেফ্তী স্তেন্দর্দ্স: OSH&WC কোদনা হজার্দস সব্সতেন্সশিং শীজিন্নবা, পায়থোক পায়শিন তৌবা, থম্বা, অমদি পুথোক পুশিন তৌবদা ইনগদবা লৈবাক্কী ওইবা স্তেন্দর্দশিং পীরি। সেফ্তী সেফগার্দশিং মখা তানা ফগৎহন্নবা এমপ্লোয়রশিংনা রিস্ক এসেসমেন্ত তৌগদবনি, অয়াবা লৌগদবনি, অমদি ইমর্জেন্সী রেস্পোন্স সিস্তেম থমগদবনি।

• হেল্থ এন্দ মেদিকেল প্রোতেক্সন: মমাঙদা, মেদিকেল অমদি হেল্থ রেকোর্দশিং মেনুএল ওইনা থম্লম্মি অমদি পুথোক পুশিন অমদি কুইরবগী তুংদা খোঙ্গুল লিবগী খুদোংচাবা ৱাৎলম্মি। হৌজিক্তি, হেল্থ রেকোর্দশিং তঙায় ফদবা অমদি শিন্মীশিং অমসুং ইন্সপেক্তরশিংনা ফংবা য়াবা ওইহন্দুনা ত্রান্সপেরেন্সী অমদি লোং-তর্ম পোর্তেবিলিতী লৈহল্লে। মসিগী মথক্তা, অনৌবা কোদশিংগী মখাদা প্রি-এমপ্লোইমেন্ত, পেরিওদিক, অমদি পোস্ত-এক্সপোজর মেদিকেল একজামিনেসন তঙায় ফদবা ওইহনবগা লোয়ননা শিন্মী পুম্নমক্কী ওইনা চহিগী লেম্না হেল্থ চেক-অপকী খুদোংচাবা পীদুনা শিন্ফম্না ওইহল্লকপা লায়না ঙন্না খঙদোকপা ঙমহন্দুনা লায়েংবদা শেল চঙবা হন্থহল্লি অমদি হেন্না মশা মউ ফবা, হেন্না মতিং লৈবা শিন্মীশিং ওইহনবদা ঙাক্লৌ পীরি।
• প্রোতেক্তিব এন্দ ৱেলফ্যার থৌরাংশিং: অনৌবা প্রোভিজনশিংগী মখাদা, এমপ্লোয়রশিংনা হেলমেৎ, গ্লোব, রেস্পিরেতর, অমদি গোগলনচিংবা PPE (পর্সনেল প্রোতেক্তিব ইকুইপমেন্ত) শিং পীগদবনি অমদি থমগদবনি। মসিগী মথক্তা, কেন্তীন, পোত্থাফম, খোঙ-খুৎ হামদোক চামথোক্নবা মফম, অহানবা লায়েঙ, এম্বুলেন্স রুম, অমদি য়াম্না শাবা থবক মফমদা ইংথহন্নবা মফমশিং থমদুনা সেনিতেসন অমদি হায়জীন স্তেন্দর্দসু ফগৎহল্লি। এমপ্লোয়রশিংনা য়াম্লবদা নোংমদা পুং ৮ অমদি চয়োলদা পুং ৪৮ গী থবক শুবগী মতম ঙাক্না চৎপা মথৌ তাই।
• ত্রেনিং অমদি এৱ্যারনেস: মমাঙদা, ত্রেনিংশিং তঙায় ফদবা ওইরমদে অমদি সেক্তরগী মতুং ইন্না মান্নরমদে। হৌজিক্তি, শিন্মীশিংদা মতেঙ পীননবা হকচাঙ শোক্নিংঙাই ওইবা মচাকশিং শাফগদবা মওংদা পায়থোক পায়শিন তৌবা, থম্বা, পুথোক পুশিন তৌবা, অমদি হুন্দোকপগী মতাঙদা ত্রেনিং সেসনশিং তঙায় ফদবা ওইহল্লে।
• সোসিএল সিক্যুরিতী: সোসিএল সিক্যুরিতীগী প্রোভিজনশিং মরাঙ কায়না লৈহন্নবা, শিন্ফম্না ওইহল্লকপা লায়নাশিং নৎত্রগা খুদোংথিবা নংবদা সোসিএল সিক্যুরিতী কোদ, ২০২০ (SS) / ESIC গী মখাদা খুদক্কী কম্পেন্সেসন ফংহল্লে। মসিগী মথক্তা, শিন্মীশিংদা ESIC কী কান্নবশিং (মেদিকেল, শিন্ফম্না ওইহল্লকপা লায়না, অশোক অপন, দিসএবিলিতী, দিপেন্দেন্তকী কান্নবশিং ফংহল্লি। PF, গ্রেতুইতী, মেতর্নিতী, এমপ্লোইমেন্ত ইঞ্জুরী কম্পেন্সেসন অমদি ওল্দ এজ প্রোতেক্সন (পেন্সন) গুম্বা কান্নবশিং, ত্রান্সপেরেন্সী অমদি পোর্তেবিলিতী হেনগৎহনবা দিজিতেল হেল্থ এন্দ সোসিএল সিক্যুরিতী রেকোর্দশিংগা লোয়ননা ফংহল্লি।
• অখন্নবা মঙমশিং: মঙম অসি OSH&WC কোদকী মখাদা ফংহন্দুনা, শিন্মীশিংনা শাথিবা অশোক অপন নৎত্রগা অশি-অনা নংবা য়াবা খুদোং থিনিংঙাই ওইবা থবকশিং পায়জরোয় হায়বা য়াহনবগা লোয়ননা এমপ্লোয়রনা শোয়দনা থিজিনগদবনি অমদি থবক অদু পায়য়ু য়াদবা শিন্মীশিংদা চৈরাক অমত্তা পীরোইদবনি। মসিগী মথক্তা, মীরোনবী নুপীশিং অমদি ইনখৎলক্লিবা মীওইশিংনসু অখন্নবা মঙমশিংগী কান্নবা ফংদুনা, মখোয়বু হজার্দস প্রোসেসশিংদা থবক শুবা থিংলি। অয়াবা পীবা থবকশিংদা নুপী শিন্মীশিংগী ওইনা সেফ্তীগী ফীভমশিং য়েংশিনবসু তঙায় ফদবা ওইহল্লি।

মমাঙগী লোশিং অমদি অনৌবা লেবর কোদশিং চাংদম্নদুনা নৈনবা

মমাঙদা, হজার্দস ৱর্করশিং মচেৎ মচেৎ তাবা প্রোভিজনশিংনা চাং নাইদবা এনফোর্সমেন্ত অমদি অকক্নবা মেদিকেল কভরেজকা লোয়ননা ঙাকথোক্লম্মি। হৌজিক্তি OSH&WC কোদকী মখাদা, পুম্নমক পুনশিল্লবা, স্তেন্দর্দ লৈবা প্রিভেন্তিব সেফ্তী সিস্তেম অমা থমদুনা চহিগী হেল্থ চেক-অপ, ত্রেনিং, PPE, ইমর্জেন্সী প্লান্নিংনচিংবা খুদোংচাবশিং পীরি। মতৌ অসুম্না, য়ুনিভর্সেল সোসিএল সিক্যুরিতীনা ঙাক্লৌ পীবা কম্পেন্সেসনসু SS কোদকী মখাদা ফংহল্লি।

লিগেল ফ্রেমৱর্ক

মমাঙদা, ফেক্তরিজ এক্ত (হজার্দস প্রোসেস), মাইন্স এক্ত, দোক ৱর্কর্স এক্ত, অমদি বিল্দিং এন্দ অদর কন্সত্রক্সন ৱর্কর্স এক্ত (BOCW Act) কী মখাদা তোঙান তোঙানবা প্রোভিজনশিং থমদুনা মচেৎ মচেৎ তাবা লোশিংনা মখোয় মখোয়গী ওইবা হজার্দস ওপরেসনশিং হাপ্লম্মি। অদুম ওইনমক, হৌজিক্তি কেমিকেল, বাইওলোজিকেল, ফীজিকেল হজার্দ য়াওবা ইন্দস্ত্রী পুম্নমক্কী ওইনা OSH&WC কোদ, ২০২০ গী মখাদা চপ মান্নবা ৱাহন্থোক লৈরে। অকক্নবা প্রোভিজনশিংনা হকচাঙ শোক্নিংঙাই ওইবা পোৎলমশিং শীজিন্নবা, পায়থোক পায়শিন তৌবা, থম্বা, পুথোক পুশিন তৌবগী স্তেন্দর্দশিং পীদুনা থম্লি। সেফ্তী, হেল্থ, ৱেলফ্যার, ইমর্জেন্সী রেসপোন্সকী মান্নবা নেস্নেল ফ্রেমৱর্ক অমসু লৈরে।

হজার্দস প্রোসেসশিং মশক খঙদোকপা

মমাঙদা, তোঙান তোঙানবা এক্তশিংগী মখাদা লৈরম্বা তোঙান তোঙানবা লিস্ত অমদি চৎন-কাঙলোনশিংনা মপুং ফানা চৎনহনবা ঙমদনা লৈরম্মি। হৌজিক্তি, OSH&WC কোদকী মখাদা পুনশিল্লবা সিদ্যুল অমনা হজার্দস প্রোসেস পুম্নমক (এসবেস্তোস, হু চেনবা কেমিকেল, তিলহাৎ হিদাক, রেদিওএক্তিব মচাক্নচিংবশিং) তাক্লি। মসিগী মথক্তা, এমপ্লোয়রশিংনা রিস্ক এসেসমেন্ত শোয়দনা পাঙথোক্কদবনি অমদি হজার্দস প্রোসেসশিং হৌদ্রিঙৈদা মাঙজৌননা খঙহনগদবনি।

ইমর্জেন্সী অমদি দিজাস্তরগীদমক শেম শাবা

পুনশিল্লবা ইমর্জেন্সী মেনেজমেন্ত সিস্তেম অমত্তা লৈতনা ফেক্তরী ইন্সপেক্তরেৎশিং নৎত্রগা নেস্নেল দিজাস্তর মেনেজমেন্ত ওথোরিতী (NDMA) চৎন-পথাপকী মখাদা তাংদুনা লৈরম্মি। হৌজিক্তি, লেবর কোদশিং চৎনহনবগা লোয়ননা, হজার্দস এস্তাব্লিসমেন্ত খুদিংদা এন-সাইত ইমর্জেন্সী প্লান অমমম, ইমর্জেন্সী রেসপোন্স মেকানিজম অমদি থা তরুক খুদিংগী মোক দ্রিলশিং শোয়দনা পাঙথোকপা মথৌ তারে। মসিগী মথক্তা, এক্সতর্নেল কোওর্দিনেসনগীদমক লমদমদুগী দিজাস্তর মেনেজমেন্ত ওথোরিতীগা ফোর্মেল ওইবা মরী অমা থম্বসু মথৌ তারে।

ইন্সপেক্সন অমদি এনফোর্সমেন্ত

তোঙান তোঙানবা এক্তশিংগী মখাদা ইন্সপেক্তরেৎ মশিং য়াম্না লৈরম্মি অমদি জুরিস্দিক্সন লোনশিন্নরম্মি। অদুগা হৌজিক্তি, পুনশিল্লবা ইন্সপেক্তর-কম-ফেসিলিতেতর সিস্তেম অমা থমদুনা রিস্ক-বেজ দিজিতেল ইন্সপেক্সন, জোইন্ত কমপ্লাইএন্স ওদিত, অমদি ভাইওলেসনগী অকনবা পেনালতীশিং থম্লে।

হেন্না শাফবা অমদি মপাঙ্গল হাপ্লবা ৱর্কফোর্স অমা

অনৌবা লেবর কোদশিংনা, মরুওইনা হকচাঙ শোক্নিংঙাই ওইবা সেক্তরদা হেন্না শাফবা, হেন্না অচুম্বা তৌবা অমদি হেন্না একাউন্তেবল ওইবা থবক মফম অমগী মায়কৈদা খোঙ থাংজিল্লকপগী তাঙ্কক অমা ওইরি। হেন্না কনবা সেফ্তী স্তেন্দর্দ, য়ুনিভর্সেল সোসিএল সিক্যুরিতী, ৱেলফ্যার ফেসিলিতীশিং, অমদি ইমর্জেন্সী রেসপোন্স মেকানিজমশিংগা লোয়ননা, ভারতনা সিক্যুরিতী হায়বসি খুদোংচাবা অমা ওইহনবগী মহুত্তা ৱাশক অমা ওইহল্লবা লেবর ইকোসিস্তেম অমা শেমগৎলি। ভারতনা হেন্না প্রদক্তিব, ইনক্লুজিব, ফ্যুচর-রেদী ওইবা শেন্মিৎলোন অমগী মায়কৈদা চঙশিল্লকপগা লোয়ননা, মসিনা লৈবাক অসিবু মাঙদা চঙশিলহল্লিবা শিন্মী খুদিংমক্কী থৌদাংবু ইকায় খুম্নরিবা শ্রমেব জয়তে হায়বা ৱাখল্লোনগী পরিংদা চঙশিল্লি।

PDF ওইনা পাবিয়ু

***

(तथ्य सामग्री आईडी: 150580) आगंतुक पटल : 61