Technology
ভারতকী ন্যুক্লিয়র খোঙচৎকী অনৌবা তাঙ্কক অমা
प्रविष्टि तिथि:
07 APR 2026 17:41 PM
লমদমসিদা শাজবা রম.দবল্যু.ই. ৫০০গী ফাস্ত ব্রীদর রিএক্তরনা অহানবা ওইনা ক্রিতিকেলিতী ফংখ্রে
ৱাহৌদোক
ভারতনা মখোয়গী ন্যুক্লিয়র ইনর্জী প্রোগ্রামদা মরুওইবা মাইলস্তোন অমা ওইরে। তামিল নাদুগী কালপক্কমদা লৈবা লৈবাক অসিদা দিজাইন তৌরবা অমসুং শাগৎখিবা প্রোতোতাইপ ফাস্ত ব্রিদর রিএক্তর (পি.এফ.বি.আর.) অসিনা ২০২৬গী এপ্রিল ৬তা অহানবা ক্রিতিকেলিতী মায় পাক্না ফংখি। মসিনা তুং কোইনা চৎথগদবা ন্যুক্লিয়র চেন রিএক্সন অমা হৌদোকখি। হায়রিবা পি.এফ.বি.আর. অসি কলপক্কম ন্যুক্লিয়র কমপ্লেক্সতা ভারত নাবকীয়া বিদ্যুত নিগম লিমিতেদ (ভাভিনি) না শাবা ৫০০ মেগাৱাৎকী (মেগাৱাৎ ইলেক্ত্রিকল) রিএক্তর অমনি।
মসিগী এচিবমেন্ত অসিগা লোইননা, ভারতনা অহুমশুবা স্তেজগী ন্যুক্লিয়র পাৱর প্রোগ্রামগী অনিশুবা তাঙ্ককতা ওফিসিয়েল ওইনা চঙশিল্লে। মসিমক ভারতকী ন্যুক্লিয়র প্রোগ্রামগী আর্কিতেক্ত হোমি জেহঙ্গির ভাভাগী মঙলান অমা ওইরম্মি। মাইলস্তোন অসিনা মালেমগী ওইবা মরুওইবা অমা লৈরি। মপুং ফানা মথৌ পাংথোক্লবা মতুংদা, ভারত অসি রসিয়াগী মতুংদা কমর্সিএল ওইবা ফাস্ত ব্রীদর রিএক্তর অমা মথৌ পাংথোকপা মালেমগী অনিশুবা লৈবাক ওইগনি।
মসিগী মাইপাকপা অসি এতোমিক ইনর্জী দিপার্তমেন্তনা লুচিংদুনা সাইন্তিফিক ইসুশিংদা চহী কয়া হোৎনবগী খুদম অমনি। মসিনা ভারতকী ক্লিন ইনর্জীগী খোঙচৎতা মরুওইবা খোংথাং অমসু ওইরি। মসিনা লৈবাক অসিনা থাজবা য়াবা, কার্বোন য়াম্না থাদবা পাৱরগীদমক লৌরিবা থৌদাং অদু মপাঙ্গল কনখৎহল্লি। মসিগী মথক্তা, মসিনা প্রধান মন্ত্রী নরেন্দ্র মোদীনা লাওথোকখিবগী মতুং ইন্না ২০৭০ ফাওবদা নেৎ জিরো ইমিসন ফংনবগী পান্দম অদুদা ভারতপু হেন্না নকশিলহল্লি।
ক্রিতিকেলিতী অসি খঙমিন্নবা
ক্রিতিকেলিতী হায়বসি সস্তেন তৌরবা অমসুং কন্ত্রোল তৌরবা ন্যুক্লিয়র ফিসন চেন রিএক্সন থোকপা হৌবা মতম অদুবুনি। তাঙ্কক অসিদা, ফিসন্না পুথোকপা ন্যুত্রোনশিংগা চুপশিনখিবা অমসুং য়ুখিবা ন্যুত্রোন মশিংগা মান্নৈ অমসুং মদুনা মরম ওইরগা স্তেবল ওইবা পাৱর আউতপুত ফংবা ঙম্মি। মসিনা কনস্ত্রক্সন ফেজতগী ওপরেস্নেল ফেজতা হোংবগী থৌওং তাকই অমসুং মসিনা মৈশা অমসুং অকোনবদা মৈ পুথোকপগী তঙাই ফদবা অহানবা খোঙথাং ওই।
|
|
ভারতকী স্তেজ অহুমগী ন্যুক্লিয়র পাৱর প্রোগ্রামগী শম্লপ্পা মরোল
ভারতনা য়ুরানিয়মগী রিজর্ব মশিং য়াম্না লৈতে অদুবু মালেমগী খ্বাইদগী চাউবা থোরিয়ম রিজর্বশিংগী মনুংদা অমা ওইরি। রিসোর্সশিং অসিবু খ্বাইদগী হেন্না শিজিন্ননবা, এতোমিক ইনর্জী দিপার্তমেন্তনা ক্লোজ ন্যুক্লিয়র ফ্যুল সাইকল অমদা য়ুম্ফম ওইবা স্তেজ অহুমগী ন্যুক্লিয়র ইনর্জী প্রোগ্রাম অমা দিজাইন তৌখি। পান্দমদি লৈবাক অসিদা লৈরিবা ফিশিল রিসোর্সশিং অসিবু তপ্না তপ্না হেনগৎহনবা অমসুং মতম শাংনা ইনর্জীগী মতাংদা মশাগী ওইবা মশাগী ওইজবা লৈহনবা হায়বসিনি।
স্তেজ ১: প্রেসরাইজ হেভি ৱাতর রিএক্তরশিং (পি.ঐচ.দবল্যু.আর.)
মহৌশাগী য়ুরানিয়ম অসি পাৱর পুথোক্নবা পি.ঐচ.দবল্যু.আর.শিংদা ফ্যুল ওইনা শিজিন্নৈ। হায়রিবা রিএক্তরশিং অসিদগী পুথোকপা শিজিন্নরবা ফ্যুএল অসিনা প্লুতোনিয়ম পুথোকই, মসি মথংগী তাঙ্কক্কী মরুওইবা ইনপুত ওইরকই।
স্তেজ ২: ফাস্ত ব্রীদর রিএক্তরশিং (এফ.বি.আর.)
স্তেজ ১দগী ফংলকপা প্লুতোনিয়ম অসি মখোয়না শিজিন্নবদগী হেন্না ফ্যুএল পুথোক্লিবা ফাস্ত ব্রীদর রিএক্তরশিংদা ফ্যুএল ওইনা শিজিন্নৈ। কালপক্কমদা পি.এফ.বি.আর.না ভারতনা মসিগী তাঙ্কক অসিদা চঙলকপা অদু তাক্লি। হায়রিবা রিএক্তরশিং অসি থোরিয়মদগী য়ুরানিয়ম-২৩৩ পুথোক্নবা শীজিন্নগনি, মসিনা ফেজ ৩গী য়ুম্ফম শেমগনি।
স্তেজ ৩: থোরিয়ম-বেজ রিএক্তরশিং
স্তেজ ২দা পুথোকপা য়ুরানিয়ম-২৩৩বু ফ্যুল ওইনা শিজিন্নদুনা স্তেজ অসিনা ভারতকী থোরিয়ম রিজর্বশিং পাক-শন্না শীজিন্নগনি। থোরিয়ম অসি তশেংনা অচৌবা ইনর্জী সোর্স অমনি হায়না লৌনরি অমসুং মসিগী স্তেজ অসিনা ভারতকী অশাংবা মতমগী ইনর্জী সেক্যুরিতীগী মরুওইবা অমা ওইরি।
ভারতকী ন্যুক্লিয়র প্রোগ্রাম অসি মালেমদা খ্বাইদগী মাংজৌননা য়েংলিবা ইনর্জী স্ত্রাতেজিশিংগী মনুংদা অমা ওইহন্নবা স্তেজ খুদিংমক মথংগী স্তেজদা য়ুম্ফম ওইরি।
পি.এফ.বি.আর.গী শম্লপ্পা মরোল
পি.এফ.বি.আর.না চহী তরাগী খুজিং কয়াগী লমদমসিগী রিসর্চ, দিজাইন, অমসুং ইঞ্জিনীয়রিংবু মহুৎ শিন্মী। মসিগী তেক্নোলোজী অসি এতোমিক ইনর্জী দিপার্তমেন্তকী মখাদা লৈবা আর অমসুং দি সেন্তর অমা ওইরিবা ইন্দিরা গান্ধী সেন্তর ফোর এতোমিক রিসর্স (আই.জি.সি.এ.আর.) না শেমগৎখি।
- ফ্যুল অমসুং দিজাইন: কনভেন্সনেল থর্মেল রিএক্তরশিংগা মান্নদবা মওংদা, পি.এফ.বি.আর.না য়ুরানিয়ম-প্লুতোনিয়ম মিক্সদ ওক্সাইদ (এম.ও.এক্স.) ফ্যুল শিজিন্নৈ। শীজিন্নরিবা ফিসিলি মেতরিএল অসি প্রেসরহাইজ হেভি ৱাতর রিএক্তরশিংদগী শীজিন্নখ্রবা ফ্যুএলশিং অমুক হন্না প্রোসেস তৌবদগী পুথোরকই, স্তেজ ১দা লুপ অদু লোইশিল্লি।
- মসিনা মৈ চাকপদগী হেন্না পুথোকই: পি.এফ.বি.আর.গী কোর অসি য়ুরানিয়ম-২৩৮গী কোইন অমনা কোইশিল্লি। য়াম্না থুনা ন্যুত্রোনশিংনা হায়রিবা ফর্টিল মেতরিএল অসিবু ফিসিল প্লুতোনিয়ম-২৩৯ ওইহল্লি, মসিনা রিএক্তর অদুনা মথৌ তাবদগী হেন্না ফ্যুএল পুথোকপা ঙমহল্লি।
- স্তেজ ৩দা ব্রিজ: রিএক্তর অসি তোরিয়ম-২৩২বু কোম্বিনেত্তা শিজিন্ননবা দিজাইন তৌই। ত্রান্সম্যুতেসনগী খুত্থাংদা, থোরিয়ম-২৩২ অসি য়ুরানিয়ম-২৩৩দা ওন্থোক্কনি, থোরিয়মদা য়ুম্ফম ওইবা ভারতকী ন্যুক্লিয়র ইনর্জীগী অহুমশুবা তাঙ্কক্কী মৈ অসি পুথোক্কনি।
- ক্লোজদ ফ্যুল সাইকল: পি.এফ.বি.আর.না পুথোকপা শিজিন্নরবা ফ্যুল অদু অমুক হন্না প্রোসেস তৌগনি অমসুং রিএক্তরদা অমুক হন্না রিসাইকল তৌগনি। মসিনা অনীশুবা তাঙ্কক্কী ফ্যুল সাইকল লোইশিনখি অমসুং তাঙ্কক অহুমদা ভারতকী থোরিয়ম রিজর্বশিং পাক-শন্না শীজিন্ননবা লম্বী য়াৎখি।
ভারতকী ন্যুক্লিয়র পাৱরগী হৌজিক ওইরিবা ফিভম
ভারতকী ন্যুক্লিয়র ইনর্জী প্রোগ্রামনা লৈবাক অসিগী ইলেক্ত্রিসিতী মিক্সতা লেপ্পা লৈতনা লৈরি। মসি হৌজিক য়াম্না মরুওইবা তাঙ্কক অমদা লৈরে, লাক্কদৌরিবা চহিশিংদা চাউনা পাকথোক চাউথোক্নবা থৌরাং তৌরি।
• ইন্সতোল তৌরবা কেপাসিতী: ভারতকী হৌজিক লৈরিবা ন্যুক্লিয়র কেপাসিতী অসি গিগাৱাৎ ৮.৭৮নি। ২০২৪-২৫দা, ন্যুক্লিয়র পাৱর প্লান্তশিংনা লৈবাক শীনবা থুংনা ইলেক্ত্রিসিতী য়ুনিৎ মিলিয়ন ৫৬,৬৮১ পুথোকখি।
• স্তেবল কন্ত্রিব্যুসন: ন্যুক্লিয়র পাৱরনা ভারতকী অপুনবা ইলেক্ত্রিসিতী জেনরেসনগী চাদা ৩গী চাংদা লেপ্পা লৈতনা শরুক য়াদুনা লাক্লি। ২০২৪-২৫দা মসিগী শরুক অসি ৩.১% ওইখি।
• থৌরাং তৌরবা পাকথোক চাউথোকপা: লাক্কদৌরিবা চহিশিংদা ভারতকী ন্যুক্লিয়র কেপাসিতী অসি চাউরাক্না শরুক অহুম হেনগৎলগনি। ইন্তর্নেস্নেল কোওপরেসনগী খুত্থাংদা ইন্দিজিনেল মেগাৱাৎ ৭০০গী রিএক্তরশিং অমসুং মেগাৱাৎ ১,০০০গী রিএক্তরশিং শেমগৎলকপগা লোয়ননা ইনস্তোল তৌরবা কেপাসিতী অসি ২০৩১-২০৩২ ফাওবদা জি.দবল্যু.২.৩৮ য়ৌরগনি হায়না পানরি।
• ইন্তর্নেস্নেল কোওপরেসন: ভারতনা লৈবাক ১৮গা লোয়ননা শান্তিগী ওইবা পান্দমদা সিবিল ন্যুক্লিয়র কোওপরেসনগী মতাংদা ইন্তর-গবর্নমেন্তেল এগ্রীমেন্ত (আই.জি.এ.) সাইন তৌখ্রে। মসিনা ভারতকী ন্যুক্লিয়র প্রোগ্রামদা মালেমগী ওইনা থাজবা হেনগৎলক্লিবা অদু উৎলি।
পুন্না লৌরগা, হায়রিবা মশীংশিং অসিনা ময়েক শেংনা তাক্লি। ন্যুক্লিয়র ইনর্জী অসি হৌজিক্তি ভারত্তা মৈ পুথোকপগী অহেনবা সোর্স অমা ওইদ্রে। মসিনা লৈবাক অসিগী ক্লিন ইনর্জীগী তুংলমচৎকী য়ুম্ফম অমা ওইরক্লি।
অশাংবা মতমগী মিসন
ভারতনা মসিগী অপুনবা পাৱর মিক্সতা ন্যুক্লিয়র ইনর্জীগী য়াম্না চাউবা থৌদাং অমা লৌনবা পান্দম থম্লি। ২০৪৭ ফাওবদা ন্যুক্লিয়র পাৱর জেনরেসন কেপাসিতী জি.দবল্যু.এ. ১০০ ফংনবা পান্দম থমদুনা সরকারনা ২০২৫-২৬গী য়ুনিয়ন বজেৎতা পনখিবা ন্যুক্লিয়র ইনর্জী মিসন লাউথোকখ্রে। মিসন অসিনা ২০৭০ ফাওবদা নেৎ জিরো কার্বন ইমিসন ফংনবা ভারতকী পাক চাউবা পান্দম অদুসু শৌগৎলি।
ভারতনা ন্যুক্লিয়র পাৱর করিগীদমক্তা হেনগৎফম থোকপগে
ভারতকী ইনর্জী দিমান্দ অসি য়াম্না থুনা হেনগৎলক্লি অমসুং মখোয়গী ক্লিন ইনর্জীগী কম্মিৎমেন্ত অসি খোঙফম চেৎলি। ন্যুক্লিয়র পাৱর অসিদি হাইদ্রোন অমসুং নুংশিৎকা চাংদম্নবা য়াবা লাইফসাইকল ইমিসনগা লোয়নবা মতম পুম্বদা ফংবা মৈগী বেজ লোদ সোর্স অমনি। মসিদি দেতা সেন্তর, এদভান্স ইন্দস্ত্রী অমসুং ইমর্জিং তেক্নোলোজী মতম পুম্বদা থাদুনা লৈহন্নবা তঙাই ফদবশিং ফংহন্নবা তোপ-তোপ্না থম্মি। ন্যুক্লিয়র কেপাসিতী হেনগৎহনবা হায়বসি শুপ্নগী স্ত্রেতজিক ওইবা অপাম্বা অমখক্তা নত্তনা ভারতকী অশাংবা মতমগী ইনর্জী সেক্যুরিতী অমসুং ক্লিন পাৱর ত্রান্সমিসন তৌবগীদমক্তা তশেংনা মথৌ তাই।
|
|
ভিজন অসিবু মাংলোমদা পুখৎনবা মখাগী থৌরাংশিং অসি পায়খৎলি:
• শেল-থুমগী অচেৎপা ফিরেপ: ন্যুক্লিয়র ইনর্জী মিসননা স্মোল মোদ্যুলর রিএক্তরশিং (এস.এম.আর.শিং) দিজাইন তৌবা, দিবেলপ তৌবা অমসুং শীজিন্ননবা লুপা কোতি ২০,০০০গী এলোকেসন তৌরি। মসিনা লমদমসিগী ন্যুক্লিয়র তেক্নোলোজীদা অশাংবা মতমগী ওইবা ইনভেস্তমেন্তকী খুদম ওইরি।
• এস.এম.আর.গী পান্দম: ভারতকী ক্লিন অমসুং থাজবা য়াবা ইনর্জীগী রোদমেপ মপাঙ্গল কনখৎহন্দুনা ২০৩৩ ফাওবদা য়ামদ্রবদা লৈবাক অসিদা দিজাইন তৌরবা এস.এম.আর. মঙা মথৌ তৌহনগনি।
• বি.এ.আর.সি.গী খোঙথাংশিং: ভাবা এতোমিক রিসর্স সেন্তর (বি.এ.আর.সি.) না মথংগী জেনরেসনগী রিএক্তর দিজাইনশিং দিবেলপ তৌবদা লমজিংলি। মসিগী মনুংদা হিদ্রোজেন পুথোক্নবা দিজাইন তৌখিবা ২০০ মেগাৱাৎ ভারত স্মোল মোদ্যুলর রিএক্তর (বি.এস.এম.আর.-২০০), ৫৫ মেগাৱাৎ এস.এম.আর.-৫৫ অমসুং মেগাৱাৎ ৫ ফাওবগী হাই-তেম্পেরেচর গ্যাস-কুল্দ রিএক্তর য়াওরি।
• শান্তি এক্ত, ২০২৫: মিসন অসিবু মতেং পাংনবা, সরকারনা "দি সস্তেনেবল হেরনেসিং এন্দ এদভান্সমেন্ত ওফ ন্যুক্লিয়র ইনর্জী ফোর ত্রান্সফোর্মিং ইন্দিয়া (শান্তি) এক্ত, ২০২৫" চৎনহনখ্রে। এক্ত অসিনা ভারতকী ন্যুক্লিয়র লিগেল ফ্রেমৱার্কপু কনসোলিদেৎ অমসুং মোদর্নাইজ তৌরি। মসিনা রিগুলেতরী সুপরভিজনগী মখাদা ন্যুক্লিয়র সেক্তরদা প্রাইবেৎ পার্তিসিপেসনগী অকক্নবা চাং অমা ওইহল্লি, মসিনা কোলাবোরেসন অমসুং ইনভেস্তমেন্তকী অনৌবা লম্বীশিং হাংহল্লি।
ভারতকী অশাংবা মতমগী ন্যুক্লিয়র ভিজন অসি দিজাইন তৌদুনা এম্বিসিওস ওই। পোলিসী সপ্পোর্ত, দেদিকেতেদ ফন্দিং, অমসুং ইন্দিজিনেল রিসর্চকা লোয়ননা লৈবাক অসিনা মশা-মরোমদোম লেপচবা অমসুং মালেমগী থাক্তা মরুওইবা ন্যুক্লিয়রগী তুংলমচৎ অমা শেমগৎলি।
ৱারোইশিন
প্রোতোতাইপ ফাস্ত ব্রীদর রিএক্তরদা ক্রিতিকেলিতী ফংলকপা অসি তেক্নোলোজিকেলগী মাইলস্তোন অমখক্তগী হেন্না চাউই। মসিনা ভারতকী মতম শাংনা লৈরক্লবা ন্যুক্লিয়রগী মিৎয়েং অমসুং মসিগী লমদমসিগী মপাঙ্গল অদু উৎলি। অপীকপা য়ুরানিয়মগী রিসোর্সশিংদগী থোরিয়মনা পাৱর তৌবা তুংলমচৎ অমদা, ভারতকী স্তেজ অহুমগী প্রোগ্রাম অসি দিজাইনদগী দেলিভরী ফাওবদা লেপ্তনা চংশিল্লি। কালপক্কম ন্যুক্লিয়র কমপ্লেক্সতা খুমাং চাওশিল্লক্লিবা অসিনা এদভান্স রিএক্তর তেক্নোলোজীশিংদা থাজবা পোকহল্লি অমসুং হায়রিবা ত্রান্সফোর্মেসন অসি পাংথোকপদা এতোমিক ইনর্জী দিপার্তমেন্তগুম্বা ইন্সতিত্যুসনশিংগী থৌদাং অদু মপাঙ্গল কনখৎহল্লি। কেপাসিতী হেঙ্গৎলকপা অমসুং অনৌবা তেক্নোলোজীশিং শেমগৎলকপগা লোয়ননা, ন্যুক্লিয়র ইনর্জীনা ভারতকী ইনর্জী মিক্সতা হেন্না মরু ওইবা থৌদাং অমা লৌগনি। মরম অদুনা, মসিগী তাঙ্কক অসি লৈবাক অসিগী ইনর্জী সেক্যুরিতী, তেক্নোলোজিকেলগী লমদা মশা-মশানা থাজবা অমসুং ২০৭০ ফাওবগীদমক নেৎ জিরোগী ফিরেপ অদু মপাঙ্গল কনখৎহন্দুনা মাইপাকপা অমা অমসুং অহোংবা অমা ওইরি।
রিফরেন্সশিং:
এতোমিক ইনর্জী বিভাগ:
পি.আই.বি. বেকগ্রাউন্দর:
pdf পানবা মসিদা নম্বীয়ু
***
(तथ्य सामग्री आईडी: 150623)
आगंतुक पटल : 14
Provide suggestions / comments