पत्र सूचना कार्यालय

مشن-نامعلوم کی تلاش

پُر اسرار اور  گہرا سمندر نہ صرف انسانی اصل کے رازوں کو سمیٹے ہوئے ہے، بلکہ اس میں ہماری طویل مدتی بقا اور تحفظ کے اشارے بھی موجود ہیں۔  اپنی پوشیدہ صلاحیتوں کو بروئے کار لانے کے لیے، ارضیاتی سائنسز کی وزارت (ایم او ای ایس) نے 07.09.2021 کو ہندوستان کے گہرے سمندر کے مشن کا آغاز کیا تھا، جس کا مقصد گہرے سمندر کی جاندار اور غیر جانداروں پر مشتمل دولت کو تلاش کرنا اور پائیدار استعمال کے لیے ٹیکنالوجیز تیار کرنا ہے۔

پانچ سال میں 4077 کروڑ روپے کی کل سرمایہ کاری کے ساتھ، یہ مشن ایک بار کی کوشش نہیں ہے-  اسے مراحل میں مکمل کیا جائے گا اور اسے ایک مکمل رفتار والے قومی پروجیکٹ کے طور پر ڈیزائن کیا گیا ہے جو ہندوستان کی سمندری معیشت کو آگے بڑھائے گا، جس میں ماہی گیری اور جہاز رانی سے لے کر بائیوٹیکنالوجی اور سیاحت تک تمام سمندری صنعتوں کو شامل کیا جائے گا۔

ان گہرائیوں میں تلاش و تحقیق سےآب و ہوا کی تبدیلی جیسے عالمی چیلنجوں کا حل فراہم کیا جاسکتا ہے۔  اس بات کو ذہن میں رکھتے ہوئے اقوام متحدہ نے 2030 - 2021کی دہائی کو ’پائیدار ترقی کے لیے سمندری سائنس کی دہائی‘ قرار دیا ہے۔ ہندوستان کےمنفرد جغرافیہ بشمول  7517 کلومیٹر کی ساحلی پٹی، نو ساحلی ریاستیں اور 1382 جزائر ، کے سبب اسے اس شعبے میں سبقت حاصل ہے۔  یہی وجہ ہے کہ 2030 تک نیو انڈیا کے وژن میں حکومت نے سمندری معیشت کو ترقی کی دس کلیدی جہتوں میں شامل کیا ہے۔

ایم او ای ایس اس کثیر ایجنسی کی کوشش کی قیادت کرتی ہے، جو ہندوستان کو سمندری وسائل کو بروئے کار لانے اور ملک کی سمندری معیشت کو 100 ارب روپے سے آگے لے جانے کے ہدف کی طرف لے جاتی ہے۔  یہ گہرے سمندر کی صلاحیت کو پائیدار خوشحالی میں تبدیل کرنے کے بارے میں ہے۔

مشن کے اجزاء

پروجیکٹ سمدریان-گہرے سمندر میں چھلانگ

ہندوستان نے گہرے سمندر کے مشن کے تحت سمدریان پروجیکٹ شروع کیا ہے، جس کا مقصد انسان بردار آبدوز کے ذریعے گہرے سمندر کی تلاش کے اپنے پہلے جزو پر کام کرنا ہے۔

اس پروجیکٹ کے تحت متسیہ 6000 نامی ایک خودکار انسان بردار آبدوز تیار کی جا رہی ہے، جو تین افراد کو سمندر کی سطح سے 6000 میٹر کی گہرائی تک لے جانے کی صلاحیت رکھتی ہے۔  متعدد سائنسی آلات اور ایکسپلوریشن آلات سے لیس، یہ جدید گاڑی گہرے سمندر میں وسیع تحقیق کو ممکن بنائے گی۔  آبدوز کو 12 گھنٹے کی آپریشنل مدت اور ہنگامی حالات میں 96 گھنٹے تک کام کرنے کے لیے ڈیزائن کیا گیا ہے۔  اس میں اعلیٰ کثافت والی لی-پو بیٹری، پانی کے اندر صوتی ٹیلی فون، ڈراپ ویٹ ایمرجنسی ایسکیپ میکانزم اور عملے کی حفاظت اور صحت کی نگرانی کے لیے بائیو ویسٹ جیسے جدید نظام موجود ہیں۔

ماخذ: خلائی تحقیق کی ہندوستانی تنظیم

ماخذ:  خلائی تحقیق کی ہندوستانی تنظیم (اسرو)

یہ انسانی صلاحیت والی گاڑی (ایچ او وی) نیشنل انسٹی ٹیوٹ آف اوشین ٹیکنالوجی (این آئی او ٹی) کے ذریعے ارضیاتی سائنسز کی وزارت اور وکرم سارا بھائی اسپیس سینٹر (وی ایس ایس سی) اسرو کے اشتراک سے تیار کی جا رہی ہے۔  اس پہل میں اب تک نمایاں پیش رفت ہوئی ہے۔

متسیہ  کا گہرائی سے تجربہ کیا گیا تاکہ یہ معلوم کیا جا سکے کہ اس کے نظام بشمول طاقت، کنٹرول، استحکام اور حفاظت  کے تعلق سے کتنی اچھی طرح سے مل کر کام کرتے ہیں ۔  ایک اور بڑی کامیابی 5000 میٹر کی گہرائی تک ہندوستان کی پہلی گہرے سمندر کی مہم کے ذریعے حاصل کی گئی، جس سے یہ نصف درجن سے بھی کم ممالک کے خاص گروپ کا حصہ بن گیا۔

یہ ہند-فرانسیسی تحقیقی مہم 'متسیہ-6000' کی تیاری میں تعاون کرتی ہے، جس میں ٹائٹینیم ہل، سنٹیکٹک جھاگ، وی بی ایس اور ڈراپ ویٹ میکانزم کی وصولی اور جانچ، کھلے سمندر کے تجربے اور ذیلی نظاموں کی تصدیق، 2026 کے اوائل تک 500 میٹر تک شیلو واٹر ڈیمونسٹریشن، ایل اے آر ایس کے ساتھ تحقیقی جہاز کی توسیع،2027 کے وسط تک انضمام اور گہرے پانی میں تجربے اور 2027-28 کے دوران متسیہ-6000 کے استعمال سے سائنسی تلاش جیسے سنگ میل شامل ہیں۔

ہندوستان نے گہرے سمندر سے متعلق مقامی ٹیکنالوجیز کی ترقی میں قابل ذکر پیش رفت کی ہے، جس میں گاڑیاں اور دباؤ مزاحم مواد شامل ہیں، اور کامیاب ٹرائلز پہلے ہی جاری ہیں۔  دسمبر 2022 میں، ایک خود مختار گاڑی، اوشین منرل ایکسپلورر (او ایم ای 6000) نے وسطی بحر ہند بیسن پولی میٹالک مینگنیز نوڈیول (پی ایم این) سائٹ میں 5271 میٹر کی گہرائی میں معدنیات سے بھرپور علاقوں میں تلاش و تحقیق کا کام انجام دیا۔  تحقیقی جہاز ساگرانیدھی کا استعمال کرتے ہوئے، اس نے 14 مربع کلومیٹر کے رقبے کا سروے کیا اور پولی میٹالک نوڈیول کی تقسیم اور گہرے سمندر میں حیاتیاتی تنوع کا جائزہ لینے کے لیے 1 کلومیٹر x 0.5 کلومیٹر رقبے کی تفصیلی نقشہ سازی کی، جس سے مستقبل کی تلاش اور وسائل کی نقشہ سازی کی بنیاد رکھی گئی۔

گہرے سمندر کا مشن ، اپنے اہم سمدریان پروجیکٹ کے ساتھ ، ہندوستان کی سائنسی اور تزویراتی صلاحیتوں میں ایک یکسرتبدیلی کی پیشرفت کی نشاندہی کرتا ہے۔  سمندر کی گہرائیوں میں پہنچ کر، ہندوستان نہ صرف معدنیات، حیاتیاتی تنوع اور توانائی کے وسیع ذخائر دریافت کر رہا ہے، بلکہ وزیر اعظم کے’سمدر منتھن‘کے وژن میں شامل جدید گہرے سمندر کی تلاش کی ٹیکنالوجی کے حامل کچھ ممالک کے درمیان اپنی پوزیشن بنا رہا ہے۔ انسان بردار آبدوز کی ترقی سمندری انجینئرنگ اور اختراع میں ہندوستان کی بڑھتی ہوئی مہارت کی عکاسی کرتی ہے۔  یہ پہل سمندری معیشت کے کلیدی ستونوں کی حمایت کرتی ہے اور مقامی ٹیکنالوجی کو فروغ دیتی ہے، سمندر پر مبنی صنعتوں کو فروغ دیتی ہے اور تحقیق ، انٹرپرائز اور روزگار کے نئے مواقع پیدا کرتی ہے۔  گہرے سمندر کا مشن صرف نامعلوم جگہوں تک پہنچنے کے بارے میں ہی نہیں ہے بلکہ-یہ ایک لچیلے، وسائل سے مالا مال اور مستقبل کے لیے تیار ہندوستان کی جانب ایک جرات مندانہ قدم ہے۔

حوالے:

پی آئی بی:

https://www.pib.gov.in/PressReleasePage.aspx?PRID=2152988

https://www.pib.gov.in/PressReleseDetailm.aspx?PRID=1942909

https://static.pib.gov.in/WriteReadData/specificdocs/documents/2022/apr/doc202242649701.pdf

https://www.pib.gov.in/PressReleasePage.aspx?PRID=2152988

https://www.pib.gov.in/PressReleseDetailm.aspx?PRID=2150835

https://www.pib.gov.in/PressReleasePage.aspx?PRID=2156508

Indian Space Research Organisation (ISRO):

https://www.isro.gov.in/Samudrayaan_Project.html

Ministry of Earth Science:

https://sansad.in/getFile/loksabhaquestions/annex/1712/AU1057.pdf?source=pqals

پی ڈی ایف دیکھنے کے لیے یہاں کلک کریں ۔

*****

ش ح۔ک ح۔ ت ح

U. No-5402