Infrastructure
ইলেক্ত্রিসিতী (এমেন্দমেন্ত) বিল, 2025: ইলেক্ত্রিসিতী সেক্তরদা অওনবা পুরকপা
Posted On:
22 NOV 2025 5:09PM
|
মরু ওইবা ৱাফমশিং
- বিল অসিনা ইলেক্ত্রিসিতীগী মমল হন্থহন্দুনা অমসুং অরোনবা ক্রোস-সিবিদী হন্থহন্দুনা ভারতকী ইন্দস্ত্রী অমসুং লোজিস্তিক্সপু হেন্না কম্পিতিতিব ওইহন্নবা পান্দম থম্লি।
- লৌমীশিং অমসুং ইনকম নেম্বা য়ুমথোংশিংগীদমক সবসিদাইজ তৌরবা তারিফশিং মপুং ফানা ঙাক-শেন্দুনা সেক্তর অসিগী ফাইনান্সিএল ভাইএবিলিতী লৈহন্নবা কোস্ত-ইফেক্তিব ওইবা তারিফশিং প্রমোৎ তৌরি।
- সেক্তর অসিদা শেল-থুমগী অৱাবা লৈহন্দনবা অমসুং অফবা, ইনভেস্তমেন্ত-ফ্রেন্দলি এনভাইর্নমেন্ত অমা শেম্নবা রেগুলেতরী একাউন্তেবিলিতী মপাঙ্গল কনখৎহল্লি।
- শেয়র নেৎৱার্ক শীজিন্নদুনা মসিনা লেম্না মাংহনবা দুপ্লিকেসন থীংই, সিস্তেমগী মমল হন্থহল্লি, অমসুং দিস্ত্রিব্যুসন ইনফ্রাস্ত্রকচর য়াংনা পাকথোক চাউথোকহনবদা মতেং পাংই।
- সপ্লাইগী মগুন অমসুং থাজবা হেনগৎহনবা অমসুং পোলিসী ইমপ্লিমেন্ত তৌবদা সেন্তর অমসুং রাজ্যশিংগী মরক্তা হেন্না ফবা কোওর্দিনেসন লৈহন্নবা মীৎয়েং থম্লি
|
শমলপ্পা ৱারোল
ইলেক্ত্রিসিতী (এমেন্দমেন্ত) বিল, 2025 অসি য়াম্না থুনা চাউখৎলক্লিবা শেন্মিৎলোন অমগী মথৌ তাবশিং ফংহন্নবা ভারতকী পাৱর সিস্তেম অসি অওনবা পুরক্নবা মায়কৈদা অচৌবা খোঙথাং অমনি। মসিনা কঞ্জ্যুমর খুদিংমক্তা: লৌমীশিং অমসুং য়ুমথোংশিংদা, দুকানশিং অমসুং ইন্দস্ত্রীশিংদা থাজবা য়াবা, মমল হোংবা অমসুং অৱাংবা থাক্কী পাৱর ফংহনবা, তুংলমচৎকীদমক শেম-শারবা ইলেক্ত্রিসিতী সেক্তর অমা শেমগৎনবা পান্দম থম্লি। বিল অসিনা হান্নগী মোনোপোলি সপ্লাই মোদেলদগী লাপথোক্লি অমসুং পর্ফোমেন্স-দ্রিভন ওইবা এপ্রোচ অমা পুক্নিং থৌগৎলি, মসিদা পব্লিক অমসুং প্রাইবেৎ য়ুতিলিতী অনিমক কঞ্জুমর সর্ভিস ফগৎহন্নবা নিয়ম চুম্না কম্পিতিসন তৌই। মসিনা প্রজাশিংনা চাদিং তৌবা শেল খুদিংমক্তা হেন্না কান্নবা ফংহন্নবগীদমক ত্রান্সপরেন্সী অমসুং একাউন্তেবিলিতীগা লোয়ননা হৌজিক লৈরিবা ইলেক্ত্রিসিতী নেৎৱার্ক অসি হেন্না ফবা মওংদা শীজিন্নবা হেনগৎহল্লি।
মরুওইনা, রিফোর্মশিং অসিনা লৌমীশিং অমসুং লায়রবা ইমুংশিংগীদমক সবসিদাইজ তৌরবা তারিফশিংবু মপুং ফানা ঙাকথোক্লি। কেন্দ্র অমসুং রাজ্যশিংনা পুন্না থবক তৌমিন্ননবা প্লেৎফোর্ম অমা পীদুনা, মসিনা পোলিসীশিং শেম্বদা রাজ্যশিংদা অচৌবা থৌদাং অমা পীরি। হৌজিক্কী মতমগী খক্তা নত্তনা, বিল অসিনা মোদর্ন, ইফিসিএন্ত, অমসুং রেসিলিয়েন্ত পৱার সেক্তর অমগী ব্লুপ্রিন্ত অমনি। মসিনা ভারতকী চাউখৎ-থৌরাংগী পান্দমশিং, লৌমীদগী হৌরগা ইন্দস্ত্রী ফাওবা পুরক্লি। বিল অসিনা লৈবাক অসিগী বিক্সিত ভারত 2047গী মঙলানবু শৌগৎলি, মসিনা ভারতকী মতম শাংনা চৎথগদবা শেন্মিৎলোনগী শাহৌদা মতেং পাংগনি।
লৈরিবা অদু শেমদোকপা: এমেন্দমেন্ত অসি তৌহল্লিবা শাফু
ইলেক্ত্রিসিতী (এমেন্দমেন্ত) বিল, 2025 অসি মরা তাশিনখ্রবা ইনইফিসিএন্সীশিং কোকহন্নবা, পাৱর সেক্তরদা শেল-থুমগী অৱাবা হন্থহন্নবা, কম্পিতিসন হেনগৎহন্নবা, অমসুং ভারতকী পাৱর দিস্ত্রিব্যুসন সেক্তরদা নেৎৱার্ক কোস্ত ওপ্তিমাইজ তৌনবা পুথোকখি।
- বিলিং ইফিসিএন্সী লৈতবা, এগ্রিগেৎ তেক্নিকেল এন্দ কম্মর্সিএল(AT&C)গী অমাংবা ৱাংখৎলকপনা মরম ওইদুনা দিস্ত্রিব্যুসন কম্পনীশিং (দিসকোমশিং)দা শেলগী অমাং লেপ্পতনা লৈরকপা।
- কঞ্জ্যুমরশিংবু দিস্কোম অমা খক্তদা শম্নদুনা, সর্ভিসকী ক্বালিতী অমসুং ইনোবেসন হন্থবগা লোয়ননা ইলেক্ত্রিসিতী সপ্লাইদা কম্পিতিসন লৈতে।
- ক্রোস-সবসিদাইজেসন শেমদোকপা, মসিনা ইন্দস্ত্রিএল য়ুজরশিংনা অতোপ্পা কেতেগোরীশিং সবসিদাইজ তৌনবা তারিফশিং ৱাংখৎহনবনা ভারতকী মেন্যুফেকচিরং অসি কম্পিতিতিব ওইবা হন্থহল্লি।
ইলেক্ত্রিসিতী (এমেন্দমেন্ত) বিল, 2025 অসিনা ক্রোস-সবসিদীবু রেস্নেলাইজ তৌদুনা, কোস্ত-রিফ্লেক্তিব তারিফশিং প্রোমোৎ তৌদুনা অমসুং ইন্দস্ত্রীএল য়ুজরশিংনা হকথেংননা পাৱর পুথোকপা য়াহন্দুনা হৌজিক লৈরিবা মার্কেত স্ত্রকচর অসি ত্রান্সফোর্ম তৌনবা পান্দম থম্লি। মসিনা ভারতকী মেন্যুফেকচরিং কম্পিতিতিবনেসতা মতম শাংনা লৈরক্লবা অপনবশিং কোকহন্নবা হোৎনরি। মসিনা ইন্দস্ত্রীএল পাৱরবু হেন্না শেল চঙদবা, থাজবা য়াবা অমসুং কৈথেলগী দিমান্দশিংদা রেস্পোন্সিব ওইবা ওইহল্লগনি।
বিল অসিনা রাজ্যগী ইলেক্ত্রিসিতী রেগুলেতরী কম্মিসন (SERCশিং) দা SERCশিংনা শেমখিবা ফ্রেমৱার্ক অদুগী মতুং ইন্না দিস্ত্রিব্যুসন লাইসেন্স পায়রিবা পুম্নমক্না মতিক চাবা নেৎৱর্ক দিবেলপমেন্ত ফংহন্নবা কোস্ত-রিফ্লেক্তিব হ্বীলিং চার্জশিং লেপথোক্নবা শক্তি পীরি। হায়রিবা রেগুলেত তৌরবা মমলশিং অসি দিস্ত্রিব্যুসন নেৎৱার্ক্কী পব্লিক নত্ত্রগা প্রাইবেৎ ওইরবসু য়ুনিফোর্ম ওইনা শিজিন্নরিবা পুম্নমক্তা চৎনগনি। মসিগী মেকানিজম অসিনা য়ুতিলিতীশিংনা স্তাফকী শেনফম, রুতিন মেন্তেনেন্স, অমসুং তুংগী নেৎৱার্ক দিবেলপমেন্তকীদমক্তা মতীক চাবা শেলগী রিসোর্সশিং লৈহন্নবা থাজবা পীরি।
|
ISTS মোদেল: ইফিসিএন্ত, ফিয়র, রিলাইএবল
ভারতনা শেয়র ইনফ্রাস্ত্রকচরদা য়ুম্ফম ওইবা ইন্তর স্তেৎ ত্রান্সমিসন সিস্তেম (ISTS) মায় পাক্না পায়খৎলি। পব্লিক অমসুং প্রাইভেৎ ত্রান্সমিসন সর্ভিস প্রোভাইদর (TSP) অনিমক, পৱারগ্রিদ (CPSU অমা) য়াওনা, সেন্ত্রেল ইলেক্ত্রিসিতি রেগুলেতরী কম্মিসন (CERC)গী য়েংশিনবগী মখাদা ISTS এসেতশিং দিবেলপ তৌনবা কম্পিৎ তৌনৈ। য়ুজরশিংনা থাগী ওইনা পীরিবা পেমেন্তশিং অসি TSPশিংগী মরক্তা চপ মান্ননা অমুক হন্না য়েন্থোকই। মসিগী মোদেল অসিনা ISTS প্রোজেক্তশিংগী মমল অমসুং শেমগৎপগী মতম হন্থহনবদা মতেং পাংলি অমসুং মসিদা চাউনা থাজবা থম্বা ঙম্মি।
|
পাৱর পীনবা রিফোর্ম: বিলগী মরু ওইবা য়ুম্বীশিং
ইলেক্ত্রিসিতী (এমেন্দমেন্ত) বিল, 2025না হেন্না ইফিসিএন্ত, অকোইবা অমসুং শেন-থুমগী লমদা তুং কোইগদবা, ত্রান্সপরেন্ত, অমসুং কঞ্জ্যুমর-ফোকস তৌরবা পাৱর সেক্তর অমগীদমক খোঙথাং য়াৎলি। ভারত শিনবা থুংনা ইলেক্ত্রিসিতী দিস্ত্রিব্যুসন মোদর্নাইজ তৌনবা স্ত্রকচরেল রিফোর্মশিং রেগুলেতরী ক্লিয়রিতীগা লোয়ননা পুনশিল্লি। অহোংবা লাক্লিবা মথৌ তাবশিংগা লোয়ননা পোলিসী অসি মান্নহন্দুনা, বিল অসিনা মগুন লৈবা সর্ভিস, ফাইনান্সিএল দিসিপ্লিন অমসুং সস্তেনেবল গ্রোথ ফংহন্নবা পান্দম থম্লি।
বিল অসিনা স্তেত ইলেক্ত্রিসিতী রেগুলেতরী কম্মিসন (SERC) না য়েংশিল্লিবা ইলেক্ত্রিসিতী সপ্লাইদা সরকার অমসুং প্রাইবেৎ দিস্ত্রিব্যুসন কম্পনীশিংগী মরক্তা ফেয়র কম্পিতিসন প্রমোৎ তৌরি। মসিগী থৌওং অসিনা সর্ভিসকী মগুন হেনগৎহনগনি, ওপরেস্নেল ইফিসিএন্সী হেনগৎহনগনি, অমসুং ইন্দস্ত্রিএল সেক্তরদা অচুম্বা মমলদা ইলেক্ত্রিসিতী সপ্লাই ফংহনগনি হায়না পানরি। মোনোপোলিদা য়ুম্ফম ওইবা সপ্লাইদগী পর্ফোমেন্স-দ্রিভন দেলিভরীদা ওন্থোক্তুনা, মসিনা লৌমীশিং অমসুং অতোপ্পা কঞ্জ্যুমরশিংগী ইন্তরেস্তশিং ঙাক্লগা, হেন্না একাউন্তেবল ওইনবা অমসুং কঞ্জ্যুমর ওরিয়েন্তেদ ওইবা পাৱর সেক্তর অমা শেমগৎলি।
|
স্ত্রকচরগী ওইবা রিফোর্মশিং
|
- ইলেক্ত্রিসিতী দিস্ত্রিব্যুসনদা রিগুলেত তৌরবা কম্পিতিসনবু লায়থোকহনবা, মখল কয়াগী লাইসেন্স পায়রিবশিংনা মান্নবা মফম অমদা শরুক য়ামিন্নবা অমসুং ওপ্তিমাইজ তৌরবা ইনফ্রাস্ত্রকচর শীজিন্নদুনা ওপরেৎ তৌবা য়াহনবা।
|
- লাইসেন্স পাইবা মীওই পুম্নমক্তা য়ুনিভর্সেল সর্বিস ওব্লিগেসন (USO) গী মথৌ তাবা, খেন্নবা লৈতনা এক্সেস ফংহনবা অমসুং কঞ্জ্যুমর পুম্নমক্তা সপ্লাই লৈহন্দুনা, SERCশিংনা দিস্ত্রিব্যুসনগী লাইসেন্স পাইবা মীওইশিংবু USOদগী ফ্রী ওইহন্নবা রাজ্য সরকারশিংগা তান্নদুনা, অচৌবা কঞ্জ্যুমরশিংগীদমক ওপন এক্সেসকীদমক ইলিজিবল ওইহন্নবা (মেগাৱাৎ 1দগী হেনবা) ।
|
|
তারিফ অমসুং ক্রোস-সবসিদী রেস্নেলাইজেসন
|
- সেক্সন 65গী মখাদা ত্রান্সপরেন্ত ওইনা বজেৎ শেম্লবা সবসিদীশিংগী খুত্থাংদা সবসিদী ফংলবা কঞ্জ্যুমরশিং (খুদম ওইনা, লৌমীশিং, লায়রবা ইমুংশিং) ঙাকপগা লোয়ননা কোস্ত রিফ্লেক্তিব ওইবা তারিফশিং প্রমোৎ তৌই।
|
- চহি মঙাগী মনুংদা মেন্যুফেকচরিং ইন্দস্ত্রী, রেলৱেজ অমসুং মেত্রো রেলৱেজদা ক্রোস-সবসিদী লৌথোক্নবা হোৎনরি।
|
|
ইনফ্রাস্ত্রকচর অমসুং নেৎৱার্ক ইফিসিএন্সী
|
- হ্বীলিং চার্জশিং রিগুলেৎ তৌনবা অমসুং দিস্ত্রিব্যুসন নেৎৱার্কশিং দুপ্লিকেৎ তৌবদগী ঙাকথোক্নবা এপ্রোপ্রিয়েত কম্মিসনশিংদা শক্তি পীরি।
|
- ইনর্জী স্তোরেজ সিস্তেমশিং (ESS) গীদমক প্রোভিজনশিং হৌদোক্লি অমসুং ইলেক্ত্রিসিতী ইকোসিস্তেমদা মখোয়গী থৌদাং মশক তাক্লি।
|
|
গভর্নান্স অমসুং রিগ্যুলেতরী মপাঙ্গল কনখৎহনবা
|
- ইলেক্ত্রিসিতী কাউন্সিল অমা সেন্তর-স্তেত পোলিসী কোওর্দিনেসন অমসুং কন্সেনসস শেমগৎনবগীদমক লিংখৎলি।
|
- স্তেত ইলেক্ত্রিসিতী রেগুলেতরী কম্মিসনশিং (SERCশিং) দা স্তেন্দর্দশিং ঙাক্না চৎনবা, মদুগী মতুং ইন্না চৎনদবশিং পেনালাইজ তৌনবা অমসুং এপ্লিকেসনশিং মতম শাংদোক্লবদি তারিফশিংগী সু মোতো লেপথোক্নবা শক্তি পীরি।
|
|
সস্তেনেবিলিতী অমসুং মার্কেৎ দিবেলপমেন্ত
|
- নন-ফোসিল ইনর্জী প্রোক্যুরমেন্তকী ওবলিগেসনশিং মপাঙ্গল কনখৎহনবা লোয়ননা নন-কমপ্লায়েন্সতা পিনাল্তীশিং থম্বা।
|
- অনৌবা ইন্সত্রুমেন্তশিং অমসুং ত্রেদিং প্লেৎফোর্মশিং য়াওনা পৱার মার্কেৎ চাউখৎহনবদা মতেং পাংই।
|
|
লিগেল অমসুং ওপরেস্নেলগী হিরম ময়েক শেংহনবা
|
- অপদেৎ তৌরবা ৱাহন্থোকশিং অমসুং রেফরেন্সশিং (খুদম ওইনা, কম্পনীজ এক্ত, 2013) ।
|
- ইলেক্ত্রিক লাইন ওথোরিতীগীদমক কম্পেন্সেসন, দিসপ্যুৎ সোলুসন অমসুং লোকেল ওথোরিতীশিংগা কোওর্দিনেসন তৌবা য়াওনা অকুপ্পা মরোলশিং পীরি। ইলেক্ত্রিক লাইন ওথোরিতীগী শক্তি অসি ইন্দিয়ন তেলিগ্রাফ এক্ত, 1885গী মখাদা তেলিগ্রাফ ওথোরিতীগা মান্নগনি।
|
ৱারোইশিন:
ইলেক্ত্রিসিতী (এমেন্দমেন্ত) বিল, 2025না ভারতকী পাৱর সেক্তর মোদর্নাইজ তৌনবা মরুওইবা রিফোর্মশিং হৌদোক্লে। মসিনা দিস্ত্রিব্যুসনদা কম্পিতিসন পুক্নিং থৌগৎলি, রেগ্যুলেতরী সুপরভিজনবু মপাঙ্গল কনখৎহল্লি, অমসুং অচুম্বা প্রাইসিং মেকানিজমশিংবু শৌগৎলি। বিল অসিনা ইন্দস্ত্রীশিংদা হকথেংননা পাৱর ফংহনবগা লোয়ননা লায়রবা কঞ্জ্যুমরশিংগীদমক সবসিদীশিং ঙাকথোক্লি। পুন্না, খোঙথাংশিং অসিনা নেস্নেল দিবেলপমেন্ত প্রাইওরিতিশিংগা লোয়ননা হেন্না ইফিসিএন্ত, একাউন্তেবল অমসুং তুংলমচৎকীদমক শেম-শারবা ইলেক্ত্রিসিতী সিস্তেম অমা শেমগৎনবা পান্দম থম্লি।
রিফরেন্সশিং:
পাৱর মন্ত্রালয়:
https://powermin.gov.in/sites/default/files/webform/notices/Seeking_comments_on_Draft_Electricity_Amendment_Bill_2025.pdf
প্রেস ইনফোর্মেসন ব্যুরো:
https://www.pib.gov.in/FactsheetDetails.aspx?Id=150442
PDFতা য়েংনবা মসিদা নম্বীয়ু
***
(Backgrounder ID: 156162)
Visitor Counter : 2
Provide suggestions / comments