पत्र सूचना कार्यालय

মরুওইবা ৱাফমশিং

• জনুৱারী ১৯৯২ দা লিংখৎখিবা নেস্নেল কম্মিসন ফোর ৱুমেন (NCW), ভারতকী নুপীশিংগী ইন্তরেস্ত ঙাক্নবা অমদি য়োকখৎনবা খ্বায়দগী চাউবা নেস্নেল স্তেতুতরী বোদীনি।
• Strong legal frameworks such as the প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫ (PWDVA), অমদি সেক্সুএল হরাসমেন্ত ওফ ৱুমেন এত ৱর্কপ্লেস (প্রিভেন্সি, প্রোহিবিসন এন্দ রিদ্রেসেল) এক্ত, ২০১৩ নচিংবা অকনবা লিগেল ফ্রেমৱর্ক চৎনহল্লে।
• মিসন শক্তিল ৱন স্তোপ সেন্তর, ৱুমেন (১৮১), অমদি স্বাধর গ্রিহগুম্বা লৈঙাক্না শৌগৎপা স্কীমশিংনা অৱাবা তারবা নুপীশিংদা অপুনবা চৈঙাক পীরি।
• SHe-Box অমদি ৱুমেন হেল্প দেক্সনচিংবা তেক্নোলোজীনা চৈঙাক পীবা প্লেতফোর্মশিংনা মতম চানা ৱায়েল ফংহন্নবা রিপোর্তিং অমদি এক্সেস হেনগৎহল্লে।

ৱাহৌদোক

নবেম্বর ২৫ – ইন্তরনেস্নেল দে ফোর দি ইলিমিনেসন ওফ ভাইওলেন্স এগেন্স্ত ৱুমেন মালেমগী ওইনা চাউনা অচৌবা ইথিল লৈ। লৈঙাকশিং, মালেমগী লুপশিং, অমদি সিভিল সোসাইতী ওর্গনাইজেসনশিংনা হেন্না কনবা লো অমদি মালেমগী এদভোকেসী কেম্পেনগী খুত্থাঙদা নুপীগী মায়োক্তা চত্থবা হিংশাশিং মুত্থৎনবা থৌরাং কনখৎহল্লি। নুপীশিংগী মঙম ঙাকথোক্নবা, জেন্দর ইক্ৱেলিতী য়োকখৎনবা, অমদি নুপী অমসুং নহা ওইরিবা নুপীশিংনা থেংনদুনা লাক্লবা চেৎনা মরা তাদুনা লৈখ্রবা খুন্নাইগী অমদি দিজিতেলগী শিংনবশিংগী পাম্বৈ পুরক্নবা হৌখিবা চহিশিংদা ভারতনা তপ্না তপ্না মাগী লিগেল অমদি সপ্পোর্ত ফ্রেমৱর্ক মপাঙ্গল কনখৎহল্লি।

য়ুনাইতেদ নেসন্স জেনেরেল এসেমব্লীনা ২০০০ দা লাউথোকখিবা নুমিৎ অসিনা নবেম্বর ২৫ দগী দিসেম্বর ১০ ফাওবদা চত্থখিবা মালেমগী ওইবা নুমিৎ ১৬ নিগী এক্তিভিজম এগেন্স্ত জেন্দর-বেজ ভাইওলেন্স হৌবগী নুমিৎ ওইখি। ২০২৫ গী ওইনা “য়ুনাইত তু এন্দ দিজিতেল ভাইওলেন্স এগেন্স্ত ওল ৱুমেন এন্দ গর্ল্স” না মালেমগী থিম ওইরি। ওনলাইন হরাসমেন্ত অমদি সাইবরস্তোল্কিংদগী হৌরগা দীপফেক, সাইবরস্তোল্কিং, দোক্সিং, অমদি কোওর্দিনেতেদ মিসোজিনিস্তিক এতেক্ত, তেক্নোলোজী-ফেসিলিতেতেদ জেন্দর-বেজ ভাইওলেন্সনা মীবু ৱাহনবগী অনৌবা কিনিংঙাই ওইরবা মওং অমা ওইরক্লি।

নুপীগী মায়োক্তা চত্থবা মীওৎ মীনৈ লোইশিন্নবা ভারতকী লান্থেং: লো অমসুং লেজিসলেসন

ভারত লৈঙাক্না অচৌবা লিগেল ফ্রেমৱর্ক, ইন্সতিত্যুস্নেল সপ্পোর্ত, দেদিকেতেদ হেল্পলাইন, অমদি ফ্লেগসিপ স্কীমশিং কোনশিনবা মল্তি-প্রোং এপ্রোচ অমগী খুত্থাঙদা নুপীশিংগী মায়োক্তা চত্থবা মীওৎ মীনৈ মুত্থৎপদা মরুওইবা মীৎয়েঙ থম্লি। থৌরাং অসি ইন্তরনেস্নেল দে ফোর ইলিমিনেসন ওফ ভাইওলেন্স এগেন্স্ত ৱুমেন (নবেম্বর ২৫) পাঙথোকপগা চুননা চৎপগা লোয়ননা খুদক্কী পাম্বৈ পুথোকপখক্তা নত্তনা মতম শাংনা মপাঙ্গল হাপ্নবসু মীৎয়েঙ থম্লি। মিনিস্ত্রী ওফ ৱুমেন এন্দ চাইল্দ দিভেলপমেন্ত (MWCD) না থৌশিল অসি লুচিংদুনা সেফ্তী (সম্বল) অমদি এমপৱারমেন্ত (সমর্থ্য) কম্পোনেন্তশিং মিসন শক্তি স্কীমগী মখাদা পুনশিল্লি।

নেস্নেল কম্মিসন ফোর ৱুমেন (NCW)

কম্মিসন অসি নুপীশিংগী কন্স্তিত্যুস্নেল অমদি লিগেল সেফগার্দশিং য়েংশিন্নবা, মথৌ তাবা মফমদা হৌজিক লৈরিবা লোশিংগী এমেন্দমেন্ত রিকম্মেন্দ তৌননবা, অমদি নুপীশিংগী মঙম ফংহন্দবগা মরী লৈনবা ৱাকৎ থিজিন্নবা জনুৱারী ৩১, ১৯৯২ দা ভারত লৈঙাক্না স্তেতুতরী বোদী অমা ওইনা লিংখৎখিবনি। স্তেত অয়াম্বনসু মান্নবা থৌদাংগা লোয়ননা স্তেত কম্মিসন ফোর ৱুমেন (SCWs) লিংখৎখ্রে। NCW না নুপীশিংগী মায়োক্তা চত্থবা মীওৎ মীনৈগী মায়োক্তা ৱাকৎ কয়া অইবা ওইনা অমদি মাগী ওনলাইন পোর্তেল www.ncw.nic.in খুত্থাঙদা ফংলি অমদি থুনা অমদি মতিং লৈনা মতেঙ পীননবা ইচঙ থৌনা থবক পায়খৎলি।

মখা তানা, নেস্নেল কম্মিসন ফোর ৱুমেন (NCW) না দোমেস্তিক ভাইওলেন্স রিপোর্ত তৌনবা হেল্পলাইন নম্বর(শিং) লোঞ্চ তৌখ্রে। অসিগুম্বা হেল্পলাইন নম্বর অমা ওইরিবা 7827170170 না অৱাবা তারবা নুপীশিংবু পুলিস, হোস্পিতাল, দিস্ত্রিক্ত লিগেল সর্ভিসেস ওথোরিতী, সাইকোলোজীকেল কাউন্সসেল্লরনচিংবগা লিঙ্ক তৌনবা রিফর তৌদুনা 24x7 ওনলাইন সপ্পোর্ত পীরি। পোর্তেল অসি মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজীগা খুৎশম্নরগা দিজিতেল ইন্দিয়াগী খুত্থাঙদা ইন্তরেক্তিব ভোইস রেস্পোন্স (IVR) না মথৌ হাপ্লি।

ভারতিয়া ন্যায় সনহিতা, ২০২৩:

জুলাই ১, ২০২৪ দগী চৎনবা হৌখিবা লো অসিনা ইন্দিয়ন পেনাল কোদ (IPC) গী মহুৎ শিনখ্রে অমদি চহি ১৮ গী মখাদা লৈবা মাইনর রেপ তৌবদা মপুন্সি চুপ্পা ফাদোক পীবগা লোয়ননা সেক্সুএল ওফেন্সকী অকনবা চৈরাকশিং হাপচিল্লি। মসিনা সেক্সুএল ওফেন্সীকী ৱাহন্থোক পাকথোক চাউথোকহল্লি, ভিক্তিমগী ৱারোলগী ওদিও-ভিদিও রেকোর্দিং লৌবা তঙায় ফদবা ওইহল্লে অমদি ৱায়েল চত্থবদা নুপী অমদি অঙাংশিংগী মায়োক্তা চত্থবা মীওৎ মীনৈদা মরুওইবা মীৎয়েঙ থম্লি।

প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫ (PWDVA):

ভারত্তা দোমেস্তিক ভাইওলেন্স এক্ত অসিনা য়েংশিল্লি, মসিনা “এগ্রীব পর্সন” বু রেস্পোন্দেন্ত অদুগা ইমুং মনুংগী ওইবা মরী অমদা লৈরিবা নৎত্রগা লৈরুরবা নুপী অমা হেক্তবুনি হায়রি।

ইমুং মনুংগী মরী হায়বদি মখোয় অপুনবা ইমুং অমদা লৈমিন্নবা নৎত্রগা লৈমিন্নরম্বা, অমদি লুহোংবা, য়োকপা, নৎত্রগা ইমুংগী ওইবা মরী ওইবা য়াই। সেক্সন ৩ না মসিবু আইন্না য়াদবা দিমান্দগী হরাসমেন্ত য়াওনা নুপী অমগী মশা নৎত্রগা পুক্নিং ৱাখলগী হকশেল শোকহনবা নৎত্রগা মহাকপু খুদোংথিহনগদবা থৌওং অমনি হায়না তাক্লি। “দোমেস্তিক ভাইওলেন্স” হায়রিবা ৱাফম অসিদা য়াওরিবশিংদি:

• ফীজিকেল এব্যুজ (মাঙহন তাকহনবা, শোকহনবা, নৎত্রগা কিহনবা)
• সেক্সুএল এব্যুজ (মশানা য়াদবা নৎত্রগা ইকায়বা পীনিংঙাই ওইবা সেক্সুএল ওইবা থৌওং অমা হেক্তা)
• ৱাহৈ / পুক্নিংগী মীওৎ মীনৈ (ইকায়বা পীবা, কিহনবা, অমদি ইকায়বা নংহনবা)
• শেল-থুমগী মীওৎ মীনৈ (শেল পীদবা, মচাক মথুম ফংহন্দবা, মরল মথুম মাঙহনবা)
• অউনপোৎকা মরী লৈনবা মীওৎ মীনৈ নৎত্রগা লন-থুম / অউনপোৎকীদমক নম হাবা

সেক্সুএল হরাসমেন্ত এত ৱর্কপ্লেস (প্রিভেন্সন, প্রোহিবিসন, এন্দ রিদ্রেসেল) এক্ত, ২০১৩:

এক্ত অসি চহি, থবক, নৎত্রগা শিনফমগী সেক্তর খায়দনা নুপী পুম্নমক্তা চৎনরি। মসিনা এমপ্লোয়রশিংদা শিন্মী ১০ হেন্না লৈবা থবক মফমশিংদা ইন্তরনেল কম্মিতী (IC) অমা থম্নবা ৱাফম থম্লি, অদুগা অপীকপা ওর্গনাইজেসনশিং নৎত্রগা এমপ্লোয়রশিংগী মায়োক্তা লাকপা কেসশিংগীনা চুনবা লৈঙাক্না লোকেল কম্মিতীশিং (LCs) শেম্লি। মিনিস্ত্রী ওফ ৱুমেন এন্দ চাইল্দ দিভেলপমেন্ত (MWCD) না থবক ওইনা পায়খৎপা অমদি মীয়ামদা খঙহনবগী থবক পায়খৎলি। ৱাকৎশিংগী দেতা সেন্ত্রেলাইজ তৌননবা, MWCD না SHe-Box কৌবা রিপোর্তিং অমদি কেস ত্রেক তৌনবগী পোর্তেল অমা হাংদোক্লে, অমদি এক্ত অসিগী মখাদা চত্থবা থিজিন হুমজিনবগী থবকশিং নুমিৎ ৯০ গী মনুংদা লোইশিনগদবনি।

মিশন শক্তি

মিশন শক্তি অসি নুপীশিংগী সেফ্তী, সিক্যুরিতী অমদি এম্পৱারমেন্ত হেনগৎহন্নবা শেম্বা পুম্নমক পুনশিল্লবা, মিসন-মোদ অমব্রেলা স্কীম অমনি। মসিনা নুপীশিংনা মখোয়গী পুন্সিদা থেংনবা শিংনবশিং লাকশিন্দুনা, মন্ত্রালয়শিংদা খুৎশম্ননা চৎমিন্নবগী থৌওং য়োকখত্তুনা, অমদি নুপীশিংবু লৈবাক শেমগৎপদা থোং মান্ননা থৌদাং য়াবগী মফম পীননবা সিতিজন ওনরসিপকী থৌওং পুক্নিং থৌগত্তুনা “নুপীনা লমজিংবা চাওখৎ-থৌরাং” হায়রিবা লৈঙাক্কী মীৎয়েঙবু শীজিন্নরি।

‘স্বাধর গ্রিহ স্কীমগী মখাদা লৈবা সেল্তর হোম

মিনিস্ত্রী ওফ ৱুমেন এন্দ চাইল্দ দিভেলপমেন্তনা এপ্রিল ০১, ২০১৬ দগী হৌরগা নৌনা শেমদোক্লবা স্বাধর গ্রিহ স্কীম পায়খৎলে। স্কীম অসিনা ইমুং মনুং য়ানদবা, ক্রাইম, হিংশাগী থৌওং, পুক্নিং ৱাখল ৱাবা, খুন্নাইদগী ইন্থোকপিরকপনা মরম ওইরগা ময়ুম থাদোরক্লবা নুপী অমদি নুপীমচাশিং, লোয়ননা হকচাং লল্লোনবগী লম্বীদা নমদুনা ইনশিনবিরকপা য়াবগী খুদোংথিবা লৈরবা নুপী অমদি নুপীমচাশিংগী খুদোংচাদবা ফীভমশিংদা নুপীশিংগী মথৌ তাবা ঙাক্লৌ পীননবা থৌরাং পায়খৎলি। লৈফম-চাফম, চিঞ্জাক, ফি-রোল, কাউন্সেল্লিং, ত্রেনিং, ক্লিনিকেল অমদি লিগেলগী মতেঙগী খুত্থাঙদা, স্কীম অসিনা অসিগুম্বা নুপীশিংবু শেল-থুম অমদি পুক্নিং ৱাখল অনিমক্তা খুদোংচাদবা ফীভম মায়োক্নরকপদা হান্নগী পুন্সিদা হঞ্জিলহন্নবা পান্দম থম্লি।

ৱন স্তোপ সেন্তর

মিনিস্ত্রী ওফ ৱুমেন এন্দ চাইল্দ দিভেলপমেন্তনা এপ্রিল ০১, ২০১৫ দগী হৌরগা ৱন স্তোপ সেন্তর (OSC) স্কীমসু পায়খৎলি। OSC শিং অসিনা মীওৎ মীনৈ নংলবা নুপীশিং নৎত্রগা অৱা অনা তারবা নুপীশিংদা পুলিস ফেসিলিতেসন, মেদিকেল এদ, লিগেল এদ অমদি কাউন্সেল্লিং, সাইকো-সোসিএল কাউন্সেল্লিং অমদি মতম খরগী ওইবা লৈফম-চাফম য়াওনা পুনশিল্লবা সর্ভিস কয়া অমা মফম অমখক্তদা পীরি। ২০১৫ দগী হৌনা, দিস্ত্রিক্তকী থাক্তা OSC শিং লিংখৎপনা মীওৎ মীনৈ নংলবা অমদি অৱা অনা তারবা নুপীশিংদা মতম চানা ঙাক্লৌ অমদি তেংবাং পীননবা অখন্নবা ফম্পাক অমগা লোয়ননা হান্না লৈরম্বা অহোবা মেনশিল্লি।

স্ত্রী মনোরক্সা

মিনিস্ত্রী ওফ ৱুমেন এন্দ চাইল্দ দিভেলপমেন্তনা ‘স্ত্রী মনোরক্সা’ প্রোজেক্তকী মখাদা লৈবাক থুংনা লৈরিবা ৱন স্তোপ সেন্তরশিংগী স্তাফশিংদা মীওৎ মীনৈ নংলবা অমদি অৱা অনা তারবা নুপীশিংদা ঙাক্লৌ পীননবা সাইকো-সোসিএল অমদি মেন্তেল হেল্থ কেয়রগী থবক পায়খৎনবা মথৌ তাবা মচং ওইবা অমদি খুমাঙ চাওশিল্লবা ত্রেনিংশিং পীননবা বেঙ্গলুরুদা লৈবা নেস্নেল ইন্সতিত্যুৎ ওফ মেন্তেল হেল্থ এন্দ ন্যুরোসাইন্স (NIMHANS) কী সর্ভিস শীজিন্নরি।

দিজিতেল শক্তি কেম্পেন

নেস্নেল কম্মিসন ফোর ৱুমেন্না নুপী অমদি নুপীমচাশিং দিজিতেল ওইনা মপাঙ্গল হাপ্নবা অমদি স্কিল লৈহন্নবা পান্দম থমদুনা ভারত পুম্বগী ওইপা দিজিতেল শক্তি কেম্পেন কৌবা প্রোজেক্ত অমা পায়খৎলি। শাফবা ওনলাইন স্পেক অমা শেম্নবা মসিগী ফিরেপ পরিংদা, দিজিতেল শক্তিনা নুপীশিংবু মখোয় মশাবু ঙাকথোকচনবা অমদি ওনলাইন্দা থেংনবা লোনা য়াদবা নৎত্রগা লমচৎ চুমদবা থবক থৌওংশিংগী মায়োক্তা থবক লৌখৎচবা ঙমহন্নবা মথৌ তাবা স্কিল অমদি এৱ্যারনেস লৈহল্লি।

নেস্নেল দোমেস্তিক ভাইওলেন্স হেল্পলাইন

ভারত লৈঙাক্না ম ওং অমা হেক্তগী মীওৎ মীনৈ নংলবা নৎত্রগা অৱা অনা তারবা নুপীশিংদা পুং ২৪ চুপ্না ইমর্জেন্সী অমদি নন-ইমর্জেন্সীগী তেংবাং পীননবা পান্দমদা এপ্রিল ০১, ২০১৫ দগী হৌনা য়ুনিভর্সেলাইজেসন ওফ ৱুমেন হেল্পলাইন (WHL) হৌদোকখ্রে। স্কীম অসিনা তোল-ফ্রী নম্বর ১৮১ গী খুত্থাঙদা রিফরেল সিস্তেমগী খুত্থাঙদা নুপীশিংদা সর্ভিস ফংহন্দুনা লৈবাক পুম্বগী ওইবা তেংবাং পীরি।

লৈঙাক্না দিরভয় ফন্দগী মখাদা ইমর্জেন্সী রেস্পোন্স সপ্পোর্ত সিস্তেম (ERSS) সু পায়খৎলি। মসি পুলিস, মৈ কনবা অমদি এম্বুলেন্স সর্ভিসনচিংবা তোঙান তোঙানবা ইমর্জেন্সীশিংগীদমক অৱা অনা তারিবা মফমদুদা কম্প্যুতরনা তেংবাংদুনা ফিল্দ রিসোর্সশিং থাননবা ভারত পুম্বগী ওইবা, অমত্তা ওইবা, মালেমনা শকখঙনরবা নম্বর, হায়বদি ১১২ দা য়ুম্ফম ওইবা সিস্তেম অমনি। মসি স্তেত / UT ৩৬ দা চলাইরি।

মসিগী মথক্তা, কোবিদ লাইচৎকী লোকদাউন মতমদা ইমর্জেন্সী রেস্পোন্স অমা ওইনা ৱাতসএপ নম্বর 7217735372 সু  হৌদোকখ্রে। থুনা খুৎ থিংজিনবা মথৌ তা ৱাফমশিংদা, স্তেত পুলিস ওথোরিতীশিংদসু হায়রিবা নুপীশিং অসিদা খুদক্কী ওইবা তেংবাং পীননবা তেলিফোন কোল / ইমেলগী খুত্থাঙদা পাউ পীরি।

ইন্সতিত্যুস্নেল মেকানিজমশিং

মীয়ামদা ফংহন্নবা অমদি অৱা অনা নংলবা মীওইশিংদা অচুম্বা ৱায়েল ফংহন্নবা, লৈঙাক অসিনা রিপোর্তিং, ইনভেস্তিগেসন, অমদি এদজুদিকেসনগী অখন্নবা ইন্সতিত্যুসনশিং লিংখৎলে।

• ফাস্ত ত্রেক স্পিসিএল কোর্তস (FTSCs): নিরভয় ফন্দগী মখাদা চলাইরিবা, ৱায়েলশঙশিং অসিনা রেপ অমদি  POCSO কেসশিংগী ৱায়েল থুজিনহল্লি। ওগস্ত ২০২৫ ফাওবদা, FTSCs ৭৭৩ (অখন্নবা e-POCSO কোর্ত ৪০০ য়াওনা) are functional across 29 স্তেত/UTs ২৯ দা মথৌ তৌদুনা, মসি হৌরকপদগী হৌরগা কেস ৩৩৪,২১৩ হেন্না লোইশিনখ্রে।

• ৱুমেন হেল্প. দেক্স (WHDs): জেন্দর-বেজ ভাইওলেন্সকী সেন্সিতিব ওইবা রিপোর্তিং ফংহন্নবা পুলিস স্তেসনশিংদা লিংখৎপনি। ফেব্রুৱারী ২০২৫ ফাওবদা, লৈবাক পুম্বদা WHDs ১৪,৬৫৮ মথৌ তৌদুনা, FIRs পানবা, কাউন্সেল্লিং অদি লিগেল তেংবাং ফংবা হেনগৎহল্লি। পায়খৎপগী চৎন-পথাপশিংগীদমক।

• 
• SHe-Box পোর্তেল: মিনিস্ত্রী ওফ ৱুমেন এন্দ চাইল্দ দিভেলপমেন্তনা SHe-Box পোর্তেল কৌবা সেক্সুএল হরাসমেন্ত ওফ ৱুমেন এত ৱর্কপ্লেস (প্রিভেন্সন, প্রোহিবিসন অমদি রিদ্রেসেল) এক্ত, ২০১৩ (POSH Act) গা মপুং ফানা চুনবা পুনশিল্লবা ওনলাইন প্লেতফোর্ম অমা হৌদোকখ্রে। মসিনা লৈবাক পুম্বদা লৈঙাক অমদি লনাই সেক্তর ওর্গনাইজেসনশিংদা লিংখৎলিবা ইন্তরনেল কম্মিতীশিং (ICs) অমদি লোকেল কম্মিতীশিং (LCs) গী মচা খায়বা ৱাফমশিং য়াওবা সেন্ত্রেল্লী এসেসিবল রিপোজতরী অমা ওইনা মথৌ তৌরি। পোর্তেল অসিনা নুপীশিংবু থবক মফমদা সেক্সুএল হরাসমেন্ত পীরকপগী ৱাকৎ থাঙ্গৎপা, রিএল তাইমদা মদুগী খোঙ্গুল লীবা, অমদি ৱাকৎ খুদিংমক কেন্দ্রগী মন্তত্রালয়, স্তেত/UT লৈঙাকল, নৎত্রগা লনাই এন্তিতীশিংদবু ওইরবসু মরী লৈনবা থবক মফমগী মরী লৈনবা IC/LC শিংদা মশা মথন্তা য়ৌহল্লি। মসিগী মথক্তা, মসিনা কম্মিতীগী অকুপ্পা ৱারোলশিং অমদি ৱাকৎকী লৈরিবা ফীভম চাং নাইনা অপদেত তৌননবা ওর্গনাইজেসন খুদিংমক্তা নোদেল ওফিসর অমা শোয়দনা হাপ্নবা ৱাফম থমদুনা মতিং লৈনা য়েংশিনবা অমদি থুনা ৱারোইশিন পুরকপদা মতেং পাংই।

স্ত্রেংদনিং ৱুমেন্স সেফ্তী থ্রু লিগেল রিফোর্ম্স এন্দ তেক্নোলোজী

সেক্সুএল ভাইওলেন্স হেন্না মতিং লৈনা থেংননবা, ভারত লৈঙাক্না ক্রিমিনেল লো (এমেন্দমেন্ত) এক্ত, ২০১৮ চৎনহন্দুনা রেপ অমদি মরী লৈনবা মরালশিংগী চৈরাক হেন্না কনখৎহল্লে। হেন্না কনখৎহল্লবা লো অসিনা তশেংবা মহৈ ফংহন্নবগীদমক, লৈঙাক্না থবক পায়খৎপদা লেপ্পা লৈতনা মোনিতর তৌবগা লোয়ননা তেক্নোলোজীনা মথৌ হাপ্পা থৌশিল কয়ামরুম পায়খৎলে।

মরুওইবা থৌশিলশিংগী মনুংদা য়াওরিবশিংদি:

• ইনভেস্তিগেসন সিস্তেম ফোর সেক্সুএল ওফেন্স (ITSSO): সেক্সুএল এসোল্ত কেসশিংদা পুলিসনা থিজিন হুমজিনবা মতম চানা লোইশিনহন্নবা থিজিন হুমজিনবগী থবক রিএল তাইমদা মোনিতর অমদি ত্রেক তৌবা য়াহল্লিবা ওনলাইন প্লেতফোর্ম অমনি।
• নেস্নেল দেতাবেজ ওন সেক্সুএল ওফেন্দর্স (NDSO): লো-এনফোর্সমেন্ত এজেন্সীশিংদা হঞ্জিন হঞ্জিন মরাল লঙশিনবা মীওইশিং মশক খঙদোক্নবা অমদি খোঙ্গুল লীবদা মতেং পাংনবা শেম্বা কনভিক্তেদ সেক্সুএল এফেন্দরশিংগী সেন্ত্রেল রেজিস্ত্রী অমনি।
• ক্রাইম মল্তি-এজেন্সী সেন্তর (Cri-MAC): মার্চ ১২, ২০২০ দা হৌদোকখিবা সিস্তেম অসিনা তমথিবা অমদি ইন্তর-স্তেত ক্রাইমশিং স্তেত অমদি য়ুনিয়ন তেরিতরী পুম্নমক্কী পুলিস স্তেসনশিং অমদি হাইয়র ওথোরিতীশিংদা এলর্ত, ইমেল, অমদি SMS কী খুত্থাঙদা খুদক্তা ইনফোর্মেসন শেয়র তৌবা য়াহন্দুনা খুৎশম্ননা চৎমিন্নবা হেনগৎহন্দুনা খোঙলৈ থুবা রেস্পোন্স ফংহল্লি।

ৱারোয়শিন

চহি অসিদা মালেম অসিনা মতিং লৈরবা মালেমগী থিম “য়ুনাইত তু এন্দ দিজিতেল ভাইওলেন্স এগেন্স্ত ৱুমেন এন্দ গর্ল্স” কী মখাদা নবেম্বর ২৫ দা ইন্তরনেস্নেল দে ফোর দি ইলিমিনেসন ওফ ভাইওলেন্স এগেন্স্ত ৱুমেন পাঙথোকপগা লোয়ননা, ভারতনা ওফলাইন অমদি ওনলাইন অনিমক্তা জেন্দর-বেজ ভাইওলেন্স মখল পুম্নমক থেংননবা মাগী থৌশিল কনখৎহল্লি। মিসন শক্তিগী ৱন স্তোক সেন্তর, ৱুমেন হেল্দ দেক্স, অমদি ইমর্জেন্সী হেল্পলাইনগী পাকথোক চাউথোরক্লিবা নেতৱর্ক অমদি ভারতিয় ন্যায় সনহিতা, ২০২৩ অমদি SHe-Box, ITSSO, অমদি দিজিতেল শক্তি কেম্পেননচিংবা তার্গেতেদ তুলশিংগা লোয়ননা, ভারতনা এসেসিবল রিপোর্তিং, সর্ভাইবর সপ্পোর্ত, অমদি হেন্না খোঙজেল য়াঙবা ৱায়েল ফংহল্লি। অসুম্না পুন্না হোৎনমিন্নবা অসিদা নুপী অমদি নুপীমচা খুদিংমক্না ওফলাইন অমদি ওনলাইন অনিমক্তা ইকায়খুম্নবা, মনিং তম্না, অমদি থোং মান্নবা খুদোং চাবগা লোয়ননা হিংজবা য়াবা হেন্না শাফবা, অমদি হেন্না ইনক্লুজিব ওইবা এনভাইরনমেন্ত অমা শেমগৎনবা লেপ্লিবা লৈবাক অসিগী খোঙফমগী মমি তারি।

রিফরেন্সশিং:

প্রেস ইনফোর্মেসন ব্যুরো:
https://static.pib.gov.in/WriteReadData/specificdocs/documents/2022/nov/doc20221124135201.pdf

https://www.pib.gov.in/PressReleasePage.aspx?PRID=2076529

https://pib.gov.in/newsite/erelcontent.aspx?relid=35773

https://pib.gov.in/PressReleseDetail.aspx?PRID=1812422

https://pib.gov.in/PressReleasePage.aspx?PRID=1814091

https://pib.gov.in/PressReleseDetail.aspx?PRID=1802477

https://pib.gov.in/PressReleseDetail.aspx?PRID=1876462

https://pib.gov.in/PressReleaseIframePage.aspx?PRID=1809716

https://pib.gov.in/PressReleseDetail.aspx?PRID=1781686

https://pib.gov.in/PressReleseDetail.aspx?PRID=1846197

https://pib.gov.in/Pressreleaseshare.aspx?PRID=1843007

https://pib.gov.in/Pressreleaseshare.aspx?PRID=1575574

https://www.pib.gov.in/PressReleasePage.aspx?PRID=1881503

https://www.pib.gov.in/newsite/erelcontent.aspx?relid=35773

য়ুনাইতেদ নেসন্স:
https://www.un.org/en/observances/ending-violence-against-women-day

https://www.unwomen.org/en/what-we-do/ending-violence-against-women/unite

https://www.un.org/en/observances/ending-violence-against-women-day/background

মিনিস্ত্রী ওফ ৱুমেন এন্দ চাইল্দ দিভেলপমেন্ত:

https://sansad.in/getFile/annex/268/AU3195_OR3fkf.pdf?source=pqars

https://www.myscheme.gov.in/schemes/nscg

https://secure.mygov.in/group-issue/inviting-suggestions-over-elimination-violence-against-women/?page=0%2C7

https://www.digitalshakti.org/about

https://missionshakti.wcd.gov.in/about

https://wcd.delhi.gov.in/sites/default/files/WCD/universal-tab/palna_scheme_under_mission_shakti.pdf

https://missionshakti.wcd.gov.in/public/documents/whatsnew/Mission_Shakti_Guidelines.pdf

https://sansad.in/getFile/loksabhaquestions/annex/182/AU3003_h1PSF9.pdf?source=pqals

https://nimhansstreemanoraksha.in/project-stree-manoraksha/

নেস্নেল কম্মিসন ফোর ৱুমেন:
https://www.ncw.gov.in/publications/women-centric-schemes-by-different-ministries-of-government-of-india-goi/

PDF পানবগীদমক মসিদা নম্বিয়ু

***