نئی دہلی، 3جنوری 2019 / کیمیا جات اور  کیمیاوی کھادوں   ،   شماریات  اور  پروگرام نفاذ  کے  مرکزی وزیر  جناب  ڈی وی سدانند گوڑا نے  کہا ہے کہ     حکومت  سبھی کو سستی اور معیاری خدمات  دستیاب کرانے  اور  میک ان انڈیا  کے  ذریعہ     دیسی   فارما   کے  شعبے کو   تقویت   دینے کے تئیں    پابند عہد ہے۔  اس سمیت میں  کابینہ نے   میڈیکل ڈیوائسز   کی مینوفیکچرنگ کے لئے  آٹو میٹک   روٹ کے  تحت  سو فی صد راست بیرونی    سرمایہ کاری کو   منظوری دی ہے۔ جناب گوڑا   آج یہاں   انڈیا فارما -2019 اور انڈیا میڈیکل   ڈیوائز -2019   سے متعلق   کرٹین ریزر (تیاریو ں سے متعلق) پریس کانفرنس  سے  خطاب کررہے تھے۔

کیمیاجات اور کیمیاوی کھادوں کی وزارت   کا  فارما سیوٹیکلس  کا  محکمہ    (ڈی او پی)   فیڈریشن آف انڈین  چیمبرس  آف  کامرس اینڈ انڈسٹریز  ( ایف آئی سی سی آئی )  کے  اشتراک سے    18 سے 19 فروری  2019  کے دوران    بنگلورو میں     فارماسیوٹیکل   اور  میڈیکل   ڈیوائس  سیکٹر  سے متعلق    چوتھی بین الاقوامی   کانفرنس کا انعقاد    کررہا ہے۔ انڈیا فارما 2019  کا موضوع   ‘ معیاری  سستی صحت دیکھ بھال   کی    اہلیت سازی   ’’ ہے جبکہ     انڈیا  میڈیکل  ڈیوائس 2019  کا  موضوع ہے    ‘میڈ-ٹیک انڈیا : آیوشمان  بھارت    کے لئے پیش قدمی’۔

جناب گوڑا    اس دوروزہ تقریب  کا افتتاح کریں گے۔  یہ   فارما   انڈسٹری اور  میڈیکل ڈیوائسز  سے متعلق  ہندستان کی   سب سے بڑی  گلوبل کانفرنس   ہوگی۔  جناب گوڑا اس کانفرنس  میں معزز حاضرین سے خطاب بھی کریں گے  جن میں    کیمیا جات اور کیمیاوی کھادوں سڑک نقل و حمل اور شاہراہوں نیز جہاز رانی کے وزیر مملکت   جناب   منسکھ لال منڈاویا بھی  شامل ہیں۔    

اس موقع پر  جناب گوڑا نے کہا کہ    یہ تقریب  فارما اور میڈیکل  ڈیواسیز  شعبوں کے اہم   حصص داروں کو ایک  جگہ جمع ہونے کا     موقع  فراہم کرے گی اور انہیں    یہ موقع بھی دے گی  کہ وہ    سرکاری   پالیسی  اور صنعت کو  درپیش   چیلنجوں   پر   تبادلہ خیال  کرسکیں۔   انہو ں نے  کہا کہ حکومت    یہ کوشش کررہی ہے کہ     اس شعبے سے متعلق طریقہ کار کو   ممکنہ حد تک شفاف اور   آسان  بنایا جاسکے۔

جناب منسکھ منڈاویا نے حاضرین کو بتایا کہ   اس  چار روزہ    تقریب میں  فارماسیوٹیکل اور میڈکل ڈیوائز سیکٹر  کے  مختلف   پہلوؤں سے متعلق     متعدد اجلاس میں   گہرائی کے ساتھ   غوروخوض کیا جائے گا    اور یہ تقریب  ان شعبوں کی  ترقی کی راہ میں     درپیش  رکاٹوں کو دور کرنے میں   معاون ثابت ہوگی۔  انہوں نے    صنعتی، میڈیا اور    ہیلتھ کیئر برادری   کو دعوت دی کہ وہ اس   بڑی تقریب میں   شرکت کریں۔  

سالانہ کانفرنس   کے  انعقاد  کی معنویت کے بارے میں اظہار خیا ل کرتے ہوئے فارماسیٹیکلز کے سکریٹری   جناب   جے پی پرکاش    نے کہا کہ   یہ تقریب   سال میں ایک بار   منعقد ہوتی ہے تاکہ سبھی حصص داروں کی جانب سے    نئے اور  جدت طراز پر مبنی   خیالات   کا   اشتراک   ہوسکے۔  انہوں نے کہا کہ   اس سے  فارما اور  میڈیکل  ڈیوائز شعبوں سے متعلق سالانہ      کارروائی منصوبہ  بنانے   میں محکمے کو  مدد ملتی ہے۔  انہوں نے کہا کہ کانفرنس کے دوران   اس کے    سابقہ  ایڈیشن میں جو  امور  اٹھائے گئے تھے    ان کے تناظر میں    کاروائی   رپورٹ پیش کی جائے گی اور   ان  نئے  شعبوں کے بارے میں بھی  تبادلہ خیال ہوگا جن پر   توجہ  دیئے جانے کی ضرورت ہے۔

  بنگلورو میں  ہونے والی    خصوصی تقریب  میں   گلوبل فارما  اور میڈیکل ڈیوائس  انڈسٹری   سے    متعلق  150 سی ای اوز  کی شرکت متوقع ہے  ۔  پندرہ ملکوں کے     انٹرنیشنل    ڈرگ ریگولیٹرس   کو بھی   دعوت دی گئی ہے تاکہ   وہ  انڈین  ڈرگ ریگولیٹروں اور انڈسٹری  ریگولیٹری   افسروں کے ساتھ   تبادلہ خیال کرسکیں۔  پچاس سے زیادہ   ملکوں کے سفیروں  ، تجارتی   قونصلروں  کو بھی   دعوت دی گئی ہے   کہ وہ     ہندستانی حکومت اور   شریک صنعتوں  کے ساتھ  قریبی   تبادلہ خیال کرسکیں۔  

اس کانفرنس میں   مختلف  موضوعاتی اجلاس کا   انعقاد بھی کیا جائے گا۔ جن موضوعات پر   یہ اجلاس ہوں گے ان میں   فارما کے شعبے میں    مصنوعی   ذہانت  ، درآمدات اور برآمدات   سے متعلق   امور    ،  فارماسیوٹیکل شعبوں کے لئے     بائیولوجیکلس  ، بائیوفارماسیوٹیکلز اور  نیم کیمیکل    ادارے  (این سی ای) شا مل ہیں۔    میڈیکل  ڈیوائسز سے متعلق  شعبے کے لئے  موضوعاتی اجلاس   ڈائگناسٹک    ایکو سسٹم  ،  کاروبار کو  آسان بنانا  اور   صحت ٹکنالوجی   جائزہ    (ایچ ٹی اے)    فریم ورک   پر  ہوگی۔   عالمی  ادارہ صحت  کے ذریعہ    جس سے  تکنیکی   ورکشاپ کا    انعقاد ہوگا  ، اس سے    صنعت کو درپیش   اہم  چیلنجوں کے تدارک     میں مدد ملے گی۔  اس سے  شریک کمپنیوں کے درمیان    زبردست  تجارتی    روابط    بھی قائم ہوں گے۔

مختلف  زمروں کے لئے   فارماسیوٹیکلز  محکمے   کے ذریعہ    سالانہ  انڈیا فارما  اینڈ میڈیکل  ڈیوائز ایوارڈز بھی دیئے جائیں گے۔  جن ز زمروں  میں  یہ ایوارڈ دیئے جائیں گے ان میں   انڈیا فارما  لیڈر ایوارڈ،  انوویشن  آف ایئر ایوارڈ  ،  بلک ڈرگ کمپنی  آف  دی ایئر ایوارڈ  اور  میڈیکل ڈیوائز کمپنی     آف دی    ایئر  ایوارڈ  شامل ہیں۔    اس موقع پر  آج  جو  دیگر معززین   موجود تھے ان میں   جوائنٹ سکریٹری (فارما سیوٹیکلس) جناب   نودیپ رنوا ،   اور جناب   رجنیش   ٹنگل  ، این پی پی اے   کی چیئرپرسن   محترمہ   شبھراسنگھ ، ڈی سی جی آئی     ، ڈاکٹر ایس   ایسورا ریڈی   اور  فکی کے   ایس جی  جناب  دلیپ چنائے  شامل ہیں۔  

تقریب  کے  سوشل  میڈیا  ہنڈلس  حسب ذیل ہیں۔

انڈیا  فارما 2019:ہیش ٹیگ #IndiaPharma2019

ویب سائٹ۔ www.indiapharmaexpo.in

فیس بک۔ https://www.facebook.com/indiapharma/

ٹوئٹر۔ https://twitter.com/indiapharma19

انسٹا گرام ۔ https://www.instagram.com/indiapharma19/

انڈیا میڈیکل ڈیوائز -2019 : ہیش ٹیگ #IMD2019

ویٹ سائٹ۔ www.indiamediexpo.in

فیس بک۔ https://www.facebook.com/indiamedicaldevice/

ٹوئٹر۔ https://twitter.com/Indiamedicaldev

انسٹا گرام۔ https://www.instagram.com/indiamedicaldevice/

دونوں تقریبات کی خاطر میڈیا کے افراد کے لئے رجسٹریشن دونوں ویب سائٹوں پر  کھلی ہوئی ہیں۔  اس تقریب سے متعلق تازہ ترین معلومات کے   حصول کے لئے ذیل کے    دونوں   لنکس میں سے  کسی پر رجسٹریشن کریں۔

انڈیا فارما ۔ http://www.indiapharmaexpo.in/media-registration.php

انڈیا میڈیکل ڈیوائس۔ http://www.indiamediexpo.in/media-registration.php

 

 

۔۔۔۔۔۔۔۔۔۔۔

 

 م ن۔م م  ۔ ج۔

U- 70

 

(रिलीज़ आईडी: 1558493) आगंतुक पटल : 41