তুরিজম মন্ত্রালয়

পরিং নাইনা চত্থরকপা দেখো অপনা দেশকী মখাদা তুরিজম মন্ত্রালয়না ৩৭শুবা ৱেবিনার "ভারতকী বেদগী চীঞ্জাক অমসুং মরু-মরাংশিং" হায়বা মিংদা পাঙথোকখ্রে

Posted On: 24 JUN 2020 2:36PM by PIB Imphal

ঐখোয়গী লৈবাক্কী মতম অমগী হকশেলগী সর্বিসশিংগী মহৈ য়াল্লবা কান্নবশিং উৎনবগীদমক তুরিজম মন্ত্রালয়না ৱেবিনার অমা "ভারতকী ভেদগী চীঞ্জাক অমসুং মরু-মরাংশিং" হায়না মমিং থোন্দুনা দেখো অপনা দেশকী ৱেবিনার পরিংগী খুথাংদা পাঙথোকখ্রে। ৱেবিনার অসিনা মালেমদা ইরাই লাইনা হেক খঙবদা লুগদবা অমসুং মালেমগী চীঞ্জাকশিংগা চাংদম্নবা য়াররোইদবা ভেদগী চীঞ্জাক অমসুং মরু-মরাংশিংগী মরুওইবশিং পুথোক্নবা মীৎয়েং থমখি। মসিগী সেসন অসিনা লমকোইবশিংগী পুক্নিং চিংশিন্নবা, য়েংহন্নবা অমসুং অশেংবা মহাও খঙহন্নবা চীঞ্জাক খরগী মরমদা হান্না থাজনরম্বা খরা ময়েক শেংনা তাক্নবা অমসুং মরু-মরাংশিংসিগী অরোনবা মহৈ অমসুং শেম্বগী মওং মতৌ শন্দোক্না তাক্নবা হোৎনখি। দেখো অপনা দেশ ৱেবিনার সেরিস অসি এক ভারত শ্রেশথা ভারতকী মখাদা ভারতকী লৈজরিবা ইনাক খুল্লবা দাইবর্সিতীশিং অসিবু উৎনবা হোৎনবনি।

তাং ২৩.০৬.২০২০দা পাঙথোকখিবা দেখো অপনা দেশকী ৩৭শুবা ৱেবিনার সেসন অদু চেফ রজীব গোয়াল, ইন্দিয়া ফুদ তুরিজম.ও.আর.জি.গী ফাউন্দর অমসুং ইন্দিয়া ফুদ তুর/ফুদ তুর ইন দিল্লিগী কো ফাউন্দর অমসুং চেফ গৌতম চৌধুরী, দিম্যুরজিক হোস্পিতালিতী প্রাইবেৎ লিমিতেদকী মেনেজিং দিরেক্তরনা খুদোল তমখি। মখোয়না ঐখোয়গী হকচাং মনুংগী কায়াৎশিংগী মথৌ হেন্না ফগৎনবগীদমক চীঞ্জাক অমসুং মরু-মরাংশিংগী মতাংদা খঙবগী মরুওইবশিং ভর্চুএলাইজ তৌদুনা পুথোকখি।

খুদোল তম্লিবদুগী হৌদোকপা ওইনা, চেফ রজীব গোয়ালনা হায়খি, ভারতকী সংস্কৃতীগী লন অসি ভেদগী ওইবা মওংদা লৈবা চীঞ্জাক অমসুং মরু-মরাংদনা হেন্না পাক চাউবা হেল্লি অমসুং ঐখোয়গী হকচাং তেক্ত-কাইদনা থম্নবগীদমক ভেদদা ইরিবা করম্বা চীঞ্জাক অমসুং করম্না চাগনি হায়বসি য়াম্না পাক চাউই। য়জুর ভেদ অমা ওইরিবা রিগতা য়াওরিবা পাক চাউরবা চীঞ্জাক্কী ওইবা লৌশিং ময়াম্বু মীয়ামদা থমখি। মীগী চাবগী অমসুং থকপগী হোনবীদা কা হেন্না নীংথীনা ইদুনা থম্বীরম্বা ভেদগী অইবশিংদা য়ুম্ফম ওইদুনা থমখি। চেফ গোয়ালনসু তোঙান-তোঙানবা কাঙলুপকী মীওইশিংনা চানরিবা চীঞ্জাকশিংদা য়াওরিবা তোঙান-তোঙানবা ন্যুত্রিএন্তশিংগী মরমদা খুদম পীদুনা মীয়ামদা থমখি। পেনেলিস্তনা ভেদগী মতুং ইন্না লুব্রিকান্ত শীজিন্নবগী মওংশিংগী মতাংদা শন্দোক্না তাকখি। তদকা শেম্বগী খ্বাইদগী ফবা লম্বীদি অইংবা পাত্র অমদা ঘী/বত্তর হাপ্পবা মতুংদা মরুশিং হাপ্পা অমসুং মসিগী মথংদা মোরো হাপ্পা, অমসুং লেমহৌরিবা মরু-মরাংশিং হাপতুনা মৈদা থাংগৎপনি।

পেনেলিস্তনা থোং-থাক্নবগী পাত্রগী মরুওইবশিংগী মতাংদসু ঙাংখি। লৈবাক্না শাবা চফুশিংদা থোং থাকপা মতমদা মহৌশাগী ওইবা মহাও অমসুং কনাগুম্বা অমবু মরু ওইবশিং খঙহনবদা পীরিবা কান্নবশিংগী মতাংদা থমখি। মৈরীসু চাং মান্ননা ফংহনলি। পিথ্রাইগী চফুনা কান্নরবা হিদাক লাংথক্কী ওইবা মগুন চেল্লি অমসুং মহীক অমত্তনা মসিদা হিংদুনা লৈবা ঙমদে। য়োৎকী খাংশিংদা মিনরেলগী শরুক মরাং কাইনা য়াওই অমসুং থোংলিবা ইনশাংদু মহাও চেলহল্লি।

খুদোল তম্লিবা মখোয় অহুমক্না অয়ুর্বেদদা য়াওরিবা মপুং ওইবা ৱাখল/হকচাংগী ফিবমঃ ভাতা, পিত্তা, অমসুং কাফা হায়বা দোশা (হকচাংগী ইলিমেন্ত) অহুমদা য়ুম্ফম ওইদুনা পনখি। মখোয় অহুম্মকপু মীয়ামদা পল্লদুনা মখোয় অমমম্না হকচাংবু পোকপদগী, অমসুং অতোপ্পা অনীদুগী মরক্তা মতীক চানা খল মান্ননা খুদুম চন্দুনা পুবা হকচাংগী ইলিমেন্তবু অয়ুর্বেদনা তাক্লিবদু শন্দোক্না তাকখি।

সেসন অসিনা থোং থাকপদা শীজিন্নবা কোল-লীকশিংগী মতাংদা অমসুং মখোয়বু শীজিন্নবনা খল করম্না খল কাইহন্দবগে হায়বগী মতাংদা মীয়ামদা ৱাখল লৌশিং পীখি। সিলবরদা হাপ্পা চানবা পোৎনা হকচাংবু ইংহনবা, পোথাহনবা অমসুং তেকখৎহনবগে হায়বনচিংবা পল্লদুনা তোঙান-তোঙানবা মেতলশিংনা শাবা কোল-লীকশিংগী কান্নবশিংসু থমখি। শেঞ্জেং অমসুং পিথ্রাইদা থোংবা চীঞ্জাক্না হকচাংগী মপাঙ্গল কনখৎপা হেলহল্লি অমসুং মেতাবোলিজম লেবেল ফগৎহল্লি। বেতেল মনাশিংনসু দোশাশিংবু লাকশিনবদা মতেং পাংই।

ফেৎকী শুরুকশিং খুবাক্তা তুমখিবনচিংবগী মতাংদা তোঙান-তোঙানবা চীঞ্জাকশিংগী মরুওইবশিং অমসুং মখোয়না হকচাংদা পীবা কান্নবশিংগী মতাংদসু থমখি। উহৈ-ৱাহৈশিংনা হৈ মহীশিংদগী হেন্না কান্নবা ফংই অমসুং রিফাই তৌরবা আতানা থুনা তুম্বা হেঞ্জরবসু অফবদি ওইদে অমসুং মসিদি ন্যুত্রিএন্ত য়াওদ্রবা আতানি। ভেদদা য়াওবা চীঞ্জাক্কী বিগ্যান্দা হায়রি, ঈশিংগী চাং য়াম্না ৱাংবা মনা-মশীং চাগদবনি অমসুং মেলোন, তর্বুজ, রেদিসনচিংবা হৈ চাবনা হকচাংগী অইং অশা খল কাইদনা থমই, য়ুং মরাং কাইনা চত্তবনা হকচাংগী অইং অশা কাইহন্দে।

চেফ গৌতম চৌধুরীনা গ্রীন গ্রাম খিচরীগী থোং থাকপদা চঙবশিং ময়ামদা থমখি অমসুং অয়েংবশিংদা খিচরী খুদক্তা থোংবীদুনা করম্না থোংগদগে হায়বদু য়েংহনখি তাকপীখি। জীরা, মচু, মোরোক্নচিংবগী কান্নবশিংসু পনখি। অশংবা গ্রামগী মুরুওইবসু শন্দোক্না তাকখি। মসিগা মান্ননা, নুংতিগী ওইনা থোং থাকপদা মচু শীজিন্নবনা ঈশিং শেংহনবদা, মহীক মতাই চঙহন্দবা, বেক্তরিয়াশিং ঙাকথোকপা অমসুং হকচাং ফহনবগী মগুনশিং পুথোকখি। মসিনা মরম ওইদুনা মালেমগা চাংদম্নবা মতমদা নাবা ফগৎপগী চাং অসি ভারত হেল্লিবগী মরম।

দেখো অপনা দেশ ৱেবিনারশিং অসি তুরিজম মন্ত্রালয়না ইলেক্ত্রোনিক্স অমসুং ইনফোর্মেসন তেক্নোলোজী (মৈতী)না শেম্বা নেসনেল ই-গবর্নান্স দিবিজন (এন.ই.জি.দি.)না তেক্নিকেলগী ওইবা মতেং পীদুনা পুথোকপনি। দেখো অপনা দেশ ৱেবিনার পরিং অসি এক ভারত শ্রেশথা ভারতকী মখাদা ভারতকী ইনাক খুল্লবা দাইবর্সিতী অসিবু উৎনবা হোৎনদুনা পুথোকপনি।

ৱেবিনারশিংগী সেসনশিং অসি https://www.youtube.com/channel/UCbzIbBmMvtvH7d6Zo_ZEHDA/featured দা অমসুং http://tourism.gov.in/dekho-apna-desh-webinar-ministry-tourism দা ফংবীগনি। ৱেবিনারগী সেসনশিং অসি ভারত সরকারগী তুরিজম মন্ত্রালয়গী সোসিএল মীদিয়া হেন্দলশিংদসু ফংগনি।

জুন ২৫, ২০২০গী আই.এস.তি. ১১০০দা পাঙথোক্কদবা মথংগী দেখো অপনা দেশ ৱেবিনার সেসন অসি 'ইন্দিয়ন মোতোরিং এক্সপিদিসন' (দ্রাইবিং হোলিদেজ) হায়বসিদা পাঙথোক্কনি। https://bit.ly/MotoringExp দা মিং চনবা য়ারগনি।

*****



(Release ID: 1633925) Visitor Counter : 4