కరోనా మహమ్మారి సమయంలో ప్రజల ప్రేరణపూర్వకమైన నిబద్ధత, ప్రభుత్వ గట్టి సంకల్ప బలం ఆరోగ్య రంగంలో భారతదేశం వేగంగా స్వావలంబనకు దారితీసిందని శ్రీ నఖ్వీ అన్నారు. ఎన్ -95 మాస్కులు, పిపిఇ, వెంటిలేటర్లు, ఇతర పరికరాల ఉత్పత్తిలో భారతదేశం స్వావలంబన మాత్రమే కాదు; దేశం ఇతర దేశాలకు కూడా సహాయపడిందని ఆయన తెలిపారు. 

ఇంతకు ముందు మన దేశంలో కరోనా పరీక్ష కోసం ఒకే ల్యాబ్ మాత్రమే ఉందని శ్రీ నఖ్వీ అన్నారు. "ఈ రోజు 1400 ల్యాబ్ ల నెట్ వర్క్ విస్తృతి చెందింది. ఇది దేశంలోని ప్రతి మూలలో విస్తరించి ఉంది. కరోనా సంక్షోభం ప్రారంభ దశలో, ఒకే రోజులో 300 పరీక్షలు మాత్రమే నిర్వహించగలిగారు, కానీ ఇంత తక్కువ వ్యవధిలో, ఈ రోజు మనం రోజుకు 7 లక్షలకు పైగా పరీక్షలు నిర్వహించగలము ”అని ఆయన చెప్పారు. “నేషనల్ డిజిటల్ హెల్త్ మిషన్ ప్రారంభమైంది. ప్రతి భారతీయుడికి హెల్త్ ఐడి జారీ అవుతోంది. నేషనల్ డిజిటల్ హెల్త్ మిషన్ భారతదేశ ఆరోగ్య రంగంలో కొత్త విప్లవాన్ని తెస్తుంది. ఒక వ్యక్తి అన్ని పరీక్షలు, ప్రతి వ్యాధి, ఏ వైద్యుడు ఏ ఔషధం ఇచ్చారో, నివేదిస్తారు, ఈ సమాచారం అంతా ఈ ఒక ఆరోగ్య ఐడి లో పొందుపరిచి ఉంటుంది. అని శ్రీ నాక్వి వెల్లడించారు. 

ప్రపంచంలోని అతిపెద్ద ఆరోగ్య సంరక్షణ పథకం “మోడీ కేర్” ప్రజల ఆరోగ్యం మరియు శ్రేయస్సుకు హామీగా మారిందని శ్రీ నఖ్వీ అన్నారు. "మోడీ కేర్" దేశ జనాభాలో 40 శాతం మంది వర్తిస్తోంది. అధిక జనాభా ఉన్నప్పటికీ, గత 6 సంవత్సరాల్లో ఆరోగ్య సంరక్షణ రంగంలో ప్రభుత్వం తీసుకున్న చర్యలు కరోనా మహమ్మారి ప్రభావాన్ని చాలావరకు  తగ్గించగలిగి భారతదేశం విజయవంతమైందని నిర్ధారిస్తుంది అని శ్రీ నఖ్వీ అన్నారు.  

దేశంలో 22 కొత్త ఎయిమ్స్, 157 కొత్త మెడికల్ కాలేజీలు నిర్మిస్తున్నారు. ఐదేళ్లలో 45 వేలకు పైగా విద్యార్థులకు ఎంబిబిఎస్, ఎండి సీట్లు పెంచారు. గ్రామాల్లో 1.5 లక్షలకు పైగా “వెల్నెస్ సెంటర్లు” ప్రారంభించబడ్డాయి. కరోనా మహమ్మారి సమయంలో ఈ "ఆరోగ్య కేంద్రాలు" గ్రామాలకు ఎంతో సహాయపడ్డాయి. ఈ కరోనా కాలంలో, 80 కోట్లకు పైగా ప్రజలకు ప్రభుత్వం ఉచిత రేషన్‌ను అందించింది అని శ్రీ నఖ్వీ చెప్పారు సుమారు 90 వేల కోట్ల రూపాయలు నేరుగా పేద ప్రజల బ్యాంకు ఖాతాల్లోకి బదిలీ అయ్యాయి. ఈ బ్రహ్మాండమైన చర్యలు సంక్షోభం విపత్తుగా మారకుండా చూసుకున్నాయి. మైనారిటీ వ్యవహారాల మంత్రిత్వ శాఖ నైపుణ్య అభివృద్ధి కార్యక్రమం కింద శిక్షణ పొందిన 1500 మందికి పైగా ఆరోగ్య సంరక్షణ సహాయకులు కరోనా రోగుల చికిత్సలో సహాయం చేస్తున్నారని శ్రీ నఖ్వీ చెప్పారు. ఈ హెల్త్ కేర్ అసిస్టెంట్లలో దేశవ్యాప్తంగా వివిధ ఆసుపత్రులు, ఆరోగ్య సంరక్షణ కేంద్రాలలో కరోనా రోగుల చికిత్సలో సహాయం చేస్తున్న 50 శాతం మంది బాలికలు ఉన్నారు. ఈ సంవత్సరం, 2000 మందికి పైగా ఇతర ఆరోగ్య సంరక్షణ సహాయకులకు మైనారిటీ వ్యవహారాల మంత్రిత్వ శాఖ శిక్షణ ఇవ్వనుంది. ఆరోగ్య సంరక్షణ సహాయకులకు వివిధ ఆరోగ్య సంస్థలు, దేశంలోని ప్రసిద్ధ ఆసుపత్రుల ద్వారా మంత్రిత్వ శాఖ ఒక సంవత్సరం శిక్షణ ఇస్తోంది. కరోనా బాధిత ప్రజలకు క్వారంటైన్, ఐసొలేషన్ సదుపాయాల కోసం దేశవ్యాప్తంగా 16 హజ్ హౌస్ లను రాష్ట్ర ప్రభుత్వాలకు అందుబాటులోకి తెచ్చాము. వివిధ రాష్ట్ర ప్రభుత్వాలు ఈ హజ్ హౌస్‌లలోని సౌకర్యాలను వారి అవసరాలకు అనుగుణంగా ఉపయోగించుకుంటున్నాయి. సిఎస్ఆర్ ప్రోగ్రాం కింద మైనారిటీ వ్యవహారాల మంత్రిత్వ శాఖ ఎన్‌ఎమ్‌డిఎఫ్‌సి అందించే మొబైల్ క్లినిక్, న్యూ ఢిల్లీలోని హోలీ ఫ్యామిలీ హాస్పిటల్ నిర్వహిస్తుందని శ్రీ నఖ్వీ చెప్పారు. పేద, బలహీన వర్గాలకు, ఇది అత్యవసర రోగికి అవసరమైన, ప్రాణాలను రక్షించే సౌకర్యాలు అత్యవసర మల్టీ పారా మానిటర్, ఆక్సిజన్ సౌకర్యం, ఆటో లోడింగ్ స్ట్రెచర్ కలిగి ఉంది,

యుద్ధ సమయంలో వైకల్యంతో బాధపడుతున్న సైనికుల చికిత్స కోసం సవరించిన స్కూటర్లు, ఫిజియోథెరపీ పరికరాలు, ఇతర అవసరమైన ఉపకరణాలు, సామగ్రిని అందించడం ద్వారా రక్షణ మంత్రిత్వ శాఖ పారాప్లెజిక్ పునరావాస కేంద్రం (పిఆర్సి) మొహాలికి కూడా ఎన్ఎండిఎఫ్సి సహకారం అందించిందని శ్రీ నఖ్వీ చెప్పారు. ఈ పరికరాలు సాధారణ జీవితాన్ని గడిపే సైనికులకు సహాయం చేస్తున్నాయి. 

ఢిల్లీ ఆర్చ్ బిషప్ అనిల్ కౌటో; మైనారిటీ వ్యవహారాల మంత్రిత్వ శాఖ  కార్యదర్శి శ్రీ పి.కె. దాస్; హోలీ ఫ్యామిలీ హాస్పిటల్ డైరెక్టర్ ఫాదర్ జార్జ్; ఈ కార్యక్రమంలో ఎన్‌ఎండిఎఫ్‌సి సిఎండి శ్రీ షాబాజ్ అలీ ఇతర ప్రముఖులు పాల్గొన్నారు.

***