নেস্নেল এজুকেসন পোলিসী মাই পাক্না পায়খৎনবগী ৱারেপকা লোইননা ভিজিতরগী কনফরেন্স লোইশিনখ্রে। ভারতকী রাস্ত্রপতী শ্রী রাম নাথ কোবিন্দনা ভর্চুএল 'হায়র এজুকেসন্দা এন.ই.পি. ২০২০গী থবক পায়খৎপগী মতাংদা ভিজিতরগী কনফরেন্স'কী হৌদোকপগী থৌরমদা ঙসিগী অঙনবা শরুক্তা ৱা ঙাংখি।

এজুকেসন মন্ত্রী শ্রী রমেশ পোখ্রিয়াল 'নিশাঙ্ক'; এজুকেসনগী রাজ্যগী মন্ত্রী শ্রী সঞ্জয় ধোত্রে, সেক্রেতরী হায়র এজুকেসন, শ্রী অমিৎ খারে, চিয়রমেন, এন.ই.পি.গী দ্রাফতিং কম্মিতী, দা. কে. কস্তুরিরঙ্গন, চিয়রমেন য়ু.জি.সি. শ্রী দি.পি. সিংহ, সেন্ত্রেল য়ুনিবর্সিতীশিংগী ভাইস চান্সেলর, দিরেক্তর ওব আই.আই.তি., এন.আই.তি., আই.আই.আই.তি., এন.আই.দি., আই.আই.এস.ই.আর., এস.পি.এ. অমসুং অতোপ্পা ইন্সতিত্যুৎ ওব নেস্নেল  ইম্পোর্তেন্সশিংনা শরুক য়াখি।

শ্রী পোখ্রিয়ালনা মহাক্কী লোইশিনবগী ৱারোলদা হায়খি মদুদি পব্লিক ফন্দেদ হায়র এজুকেসন ইন্সতিত্যুসনশিং অসি লৌশিং শেম্নবা অমসুং খাইদোক্নবগী প্লেৎফোর্ম অমনি অমসুং অসুম্না মখোয়না এন.ই.পি. ২০২০বু মায় পাক্নবা হোৎনবদা অচৌবা থৌদাং লৌগনি। মহাক্না হায়খি মদুদি 'ভিজিতরগী কনফরেন্স অসিনা সেন্ত্রেল য়ুনিবর্সিতী অমসুং ইন্সতিত্যুৎ ওব নেস্নেল  ইম্পোর্তেন্সকী মকোকশিংদা এন.ই.পি. করম্না চৎনহনগদগে হায়বগী মরমগা লোইননা মসিদা য়াওরিবা মরুওইবশিংগী মতাংদা নৈনবগী খুদোংচাবা অমা পীরি। কনফরেন্স অদুদা এন.ই.পি. ২০২০গী তোঙান তোঙানবা হীরমশিং অমসুং মতীক চানা থবক্তা ওন্থোক্নবগী খোংথাংশিং অমসুং অথুবদা শেমদোকপা মথৌ তারিবা হায়র এজুকেসন্দা তাংকক নাইনা লৌখৎপা য়াবা খোংথাংশিংগী মতাংদা খন্নখি হায়না মহাক্না মখা তাখি।

রাজ্যগী এজুকেসনগী মন্ত্রী শ্রী সঞ্জয় ধোত্রেনা ভিজিতরগী কনফরেন্সদা খন্নখিবা মরুওইবা ৱাফমশিংবু থৱাই হাপখি অমসুং ৱাফমশিং অসিনা নেস্নেল  এজুকেসন পোলিসী অসি মায় পাক্না চৎননবা হোৎনবদা মতেং পাংগনি হায়না ফোংদোকখি। শ্রী ধোত্রেনা কনফরেন্স অদুদা শরুক য়াখিবা পুম্নমকপু থাগৎপা ফোংদোকখি।

প্রোফেসর কে. কস্তুরিরঙ্গন, চিয়রমেন, এন.ই.পি. দ্রাফ কম্মিতীনা অখন্নবা ৱারোল থমখি অমসুং পোলিসী অসিবু চৎনহন্নবা হোৎনবদা চঙবা থৌরাংশিংগী মতাংদা ঙাংখি। প্রোফেসর কস্তুরিরঙ্গন্না ২১শুবা চহী চাগী স্কিলশিংগা অমসুং মগুন লৈবা এজুকেসন মীপুম খুদিংমক্তা পীবগা শম্নহনবগী তঙাইফদবদু ফোংদোকখি। মহাক্না পোলিসী অসিনা লমজিং লমতাক্কী মওংদা চহী ৪গী দিগ্রী প্রোগ্রামশিং, মলতিদিসিপ্লিনরী অমসুং অপুনবা এজুকেসন অমা অমসুং প্যুর অমসুং এপ্লাইদ ত্রান্সফোর্মেসন রিসর্চতা মীৎয়েং থম্লিবসি পনখি। মহাক্না হায়খি মদুদি ভারত্তা অপুনবা ওইনা য়েংবা এজুকেসনগী চৎনবী চাউনা লৈজরকই অদুবু ঐখোয়গী হৌজিক লৈরিবা অন্দর্গ্রেজুএৎ সিস্তেম অসিদি সিলোদা মাস্তর তৌদুনা লৈ অমসুং খোংলৈ থুনা হোংলক্লিবা মালেম অসিগদি চানবা ৱাৎলে। প্রোফেসর কস্তুরিরঙ্গন্না ভোকেসনেল এজুকেসনগী অখুবা মীৎয়েংদগী লাপ্না লৈবা তঙাইফদ্রিবসিগী মতাংদসু পনখি।

তেক্নোলোজী শীজিন্নবগী মতাংদা মরুওইবা ৱাফম পুখৎলদুনা প্রোফেসর কস্তুরিরঙ্গন্না হায়খি, তেক্নোলোজীনা গ্রোস এন্রোল্মেন্ত রেসিও ৱাংহনবদা নত্তনা ঐখোয়না ঙসি থেংনরিবা খুদোংচাদবা কয়াদা পাউখুম পীবদা মগুন হেনগৎহল্লগনি। প্রোফেসর কস্তুরিরঙ্গন্না ইন্সতিত্যুসনশিং পুনশিন্দুনা রিসোর্স য়েন্নবগী মরুওইবা পুখৎখি অমসুগ ঐখোয়গী ইন্তর য়ুনিবর্সিতী সেন্তরশিং অসি ঐখোয়গী য়ুনিবর্সিতীশিংগী রিসোর্স য়েন্নবগী মতীক চাবা খুদম অমনি হায়খি। মহাক্না ঐখোয়গী ঐচ.ই.আই.শিংগী ইন্তর্নেল রিকনফিগ্যুরেসন তৌবগী তঙাইফদবা লাক্লিবসিগী মতাংদা পনখি; এজুকেসন্দা শক্নাইরবা থবক্তগী পোত্থারবা একাদেমিসিয়ানশিং নেস্নেল  মেন্তর্শিপ ওইনা শীজিন্নবা; অমসুং ঐখোয়গী ঐচ.ই.আই.শিংনা পোলিসী অসিবু গ্রাউন্দ লেবেলদা থবক ওইনা পায়খৎনবগীদমক হোৎননবা কলচরেল ত্রান্সফোর্মেসন অমসুং আউৎলুক্তা অহোংবা অমা লাকপগী তঙাইফদবা লৈরিবসি পনখি।

ইন্সতিত্যুসনশিংগী মকোকশিংগী তোঙান-তোঙানবা সব গ্রুপশিংনা নেস্নেল  এজুকেসন পোলিসী অসিবু চৎনহন্নবগী হীরম মঙা থোক্না খায়দোক্তুনা প্রেজেন্তেসন কয়া শেমখি। প্রোফেসর ই. সুরেশ কুমার, ভাইস চান্সিল্লর, ই.এফ.এল.য়ু.না "মলতিদিসিপ্লিনরী অমসুং হোলিস্তিক এজুকেসন" হায়বসিদা ঙাংলদুনা হ্যুমেনিতী অমসুং আর্তসপু স্তেমগা পুনশিনবা, ৱাখল খনবগী অৱাংবা থাক অমা শাগৎপা, য়াশিন্নবা পুরকপা ঙম্বা, অপুনবা ওইনা শুমিন্নবা, অমসুং পাউ ফাওনবা ঙম্বা, কুনমাথোই শুবা চহী চাগী তঙাইফদবশিংগী মতাংদা ঙাংখি। "নেৎৱার্কিং ইন্সতিত্যুৎশিং" হায়বসিগী অতাংদা ঙাংলদুনা, প্রজেন্তেসন অদুদা আই.আই.তি.গুম্বা মগুন লৈবা ইন্সতিত্যুসনশিংদা তোখাইনা শেম্বা কোর্সশিং হাপতুনা হেন্না হোলিস্তিক ওইবা অমসুং মলতিদিসিপ্লিনরী এজুকেসন অমা পুরক্তুনা স্ফেরিকেল ওইবা মহৈগী লমদা চাউখৎনবা হোৎনবগী মতাংদা কোনশিনখি। প্রোফেসর কুমারনা কোর্স কয়া পুনশিন্নবগী সজেসনসু থাংগৎখি। প্রোফেসর দি.পি. সিংহ, চিয়রমেন, য়ু.জি.সি.না এজুকেসন হায়বসি হোলিস্তিক অমসুং মলতিদিসিপ্লিনরী ওইগদবনি অমসুং মসিনা মগুন ৱাংহন্নবা হোৎনগদবনি, চুন্নগদবনি অমসুং মথৌদাং খঙবা মীওইবা অমা শেম্বা ঙমহনগদবনি হায়খি। প্রোফেসর সিংহনা দিসিপ্লিনশিং তোখাইনা উবগী চৎনবী থাদোকপগী তঙাইফদবা, এক্সপরিএন্সিএল লর্নিং পুনশিনবা, খুন্নাই শরুক য়াহনবা, অমসুং ফীল্দ বেজ লর্নিং অমা পুরকপা চঙলিবসিগী অতাংদা থাংগৎখি। প্রোফেসর সিংহনা রি-ইমেজিন্দ, ই-ওরিএন্তেদ, ইভেম্প, অমসুং রিইনর্জাইস হায়র এজুকেসনবু এন.ই.পি.বু মসিনা পাম্লিবা পান্দমদুমক ফংনবা হোৎননবা ফোংদোকখি।

প্রোফেসর মিনি শাজি থোমাস, দিরেক্তর এন.আই.তি. ত্রিচীনা "রিসর্চ, ইন্নোবেসন অমসুং দিজিতেল ত্রান্সফর্মেসন ইন হায়র এজুকেসন" হায়বসিদা প্রেজেন্তেসন অমা পীখি অমসুং সেন্তর্স ওব এক্সিলেন্স অমসুং ইন্সতিত্যুসন খুদিংমক্তা লৈরিবা ইন-হাউস রিসোর্সশিংবু পুনশিন্দুনা সেন্ত্রেলাইজ ওইবা ইন্সত্রুমেন্তেসন অমা শেম্বা য়াগনি হায়না ফোংদোকখি। মহাক্না হায়খি, ইন্তর্নশিপ হায়বসি পুম্নমক্তা ফংহন্দুনা কস্তমরশিংনা করি পাম্লি হায়বসি মহৈরোইশিংদা খঙহন্নবা হোৎনগদবনি হায়না ফোংদোকখি। মহাক্না গ্রো এন্রোল্মেন্ত রেসিও হেনগৎনবগীদমক হায়র এজুকেসন্দা দিজিতেল ত্রান্সফোর্মেসন অমা পুরকপগী তঙাইফদবা পুখৎখি। মহাক্কী প্রেজেন্তেসন অদুদা, মহাক্না ইন্সতিত্যুসনেল রেদিনেস, ফেকলতী রেদিনেস, স্ত্যুদেন্ত রেদিনেস হায়রিবশিং অসি দিজিতেল তেক্নোলোজীদা হোংদোক্নবা হোৎনবদা মরুওইবশিংনি। প্রোফেসর কে. রধাকৃশন, চিয়রমেন, স্তেন্দিং কম্মিতী, আই.আই.তি. কাউন্সিলনা প্রেজেন্তেসন্দা ঐখোয়না হান্না লৌখৎকদবসি ভারতকী ইন্তেলেকচুএল প্রোপর্তী অমা শাগৎনবা হোৎনবনি হায়খি। প্রোফেসর রধাকৃশন্না গ্লোবেল ইন্নোবেতিব ইন্দেক্স অমসুং গ্লোবেল কম্পিতিতিবনেস ইন্দেক্সতা মাই ওনশিনবগী তঙাইফদবা ফোংদোকখি অমসুং ঐচ.ই.আই.শিংনা মসিদা মরুওইবা থৌদাং লৈ হায়খি। মহাক্না ঐচ.ই.আই.গী লুচিংবশিংদা থাজবা য়াবা মওংদা অমসুং মখোয়গী পান্দম ফংনবগীদমক অনৌবা শেল থাদবগী মওং মতৌ অমা পুরক্কদবনি হায়খি।

অহুমশুবা তাংকক্না "আউৎরিচ অমসুং এক্সেলেন্সকী ইক্বিতী, ইনক্লুজন অমসুং কেপাসিতী বিল্দিং"গী মতাংদনি। প্রোফেসর নাজমা অখতর, ভাইস চান্সেল্লর, জামিয়া মিলিয়ানা মহাক্কী প্রেজেন্তেসন্দা ইন্সতিত্যুসনেল আউৎরিচ অমসুং এক্সেলেন্স অসি ইক্বিতী, ইনক্লুজন অমসুং কেপাসিতী বিল্দিংগী মতেংনা পুরকপা ঙমগনি হায়খি। মহাক্না হায়খিবদা, হৌজিক ঐখোয়না মথৌ তারিবসি সরকারনা নহাশিংদা পীগদবা  এজুকেসনেলগী খুদোংচাবশিংগী ই-পাউ শন্দোকপা, থবক পীবা ঙম্বগী আসা, অমসুং সপ্পোর্ত সিস্তেমনি। মহাক্না কেপাসিতী বিল্দিং অসি নোলেজগী দোমেনশিংদা পীগদবনি হায়খি অমসুং অখন্নবা মীৎয়েংনা সোফ স্কিল চাউখৎহনবদা ওইহনগদবনি। মহাক্না হায়খি মদুদি, ফেকলতীসু করিক্যুলম শেম্বদা অমসুং লমজিং লমতাক্কী মওং মতৌ শেম্বদা মনীং তমহনবগা লোইননা এক্সিলেন্স ফংনবগীদমক ইন্সতিত্যুসনেলাইজ ইন্সেন্তিভাইজেসন তৌবসি য়াম্না মরুওই হায়খি। প্রোফেসর ভসুধা কমৎ, মেম্বর, কম্মিতী ফোর দ্রাফ এন.ই.পি.না প্রেজেন্তেসন অদুদা মহাক্কী মীৎয়েং মরি থমখি। মহাক্না সোসিএল্লী ইকোনোমিকেল্লী দিসএদবান্তেজ গ্রুপ (এস.ই.দি.জি.)শিংগী এজুকেসন অমসুং মখোয়বু এজুকেসনগী মেনস্ত্রীমদা পুশিল্লকপা তঙাইফদবা, খুন্নাই শরুক য়াহনবা, অমসুং এক্সেলিন্স ফংহনবা; ফেকলতীগী কেপাসিতী বিল্দিং; অমসুং শক্নাইবা অমসুং থবক্তগী পোত্থারবা ফেকলতীশিংবু পুশিল্লক্তুনা নেস্নেল  মিসন অমা শাগৎপগী তঙাইফদবা থমখি।

মথংগী সেসন্না 'ইন্দিয়ন নোলেজ সিস্তেম, লোল, নাৎ অমসুং ভেল্যু' হায়বসি ওইখি। প্রোফেসর বি. মুরালিধার শর্ম, ভাইস-চান্সেল্লর, নেস্নেল  সংস্কৃৎ য়ুনিবর্সিতী, তিরুপতীনা প্রেজেন্তেসন পীবা মতমদা হায়খি মদুদি কোলেজ এজুকেসন্দগী হৌদুনা রিসর্চ লেবেল প্রোগ্রাম ফাওবদা, ২১শুবা চহী চাদা মালেমগী পান্দম ফংনবগীদমক ভারতকী সাইন্তিফিক ওইবা লেগেসী অমসুং হেরিতেজকী চুন্নবা পুথোকপা মথৌ তাই। মহাক্না লৌশিংগী পথাপ অসিনা ইকো-প্রোতেক্তিং সেতিলাইৎ তাউনশিপ খুঙ্গং অমসুং শহর, অকোইবগী খল কাইহন্দবা, তুরেল শেংদোকপা অমসুং শান্তি ওইনা হিংমিন্নবা অমসুং মগুন ৱাংনা হিংববু ঙাক্তুনা থম্বা ঙমগনি হায়না ফোংদোকখি। মহাক্না মখা তারদুনা, মলতি লিঙ্গুএল এনভাইরোন্মেন্ত অমা লৈবাক অসিদা শাগত্তুনা "লৈবাক অমা- মীয়াম অমা"গী লম্বী পীবা য়াগনি। মহাক্কী মীৎয়েং থম্লদুনা প্রোফেসর মঞ্জুল ভার্গব, মেম্বর, কম্মিতী ফোর দ্রাফ এন.ই.পি.না হায়র এজুকেসনগী লুচিংবশিংদা খুদক্তগী ভারতকী আর্ত, নাৎ অমসুং লোলবু হায়র এজুকেসন্দা পুখৎনবা হোৎননবা খোঙথাং লৌখৎকদবনি হায়খি। মসিগীদমক মহাক্না সজেসন মরি পুখৎখি – হ্যুমেনিতীজ দিপার্ত্মেন্ত লিংখৎপা; লমদম অদুগী আর্ত, ক্রাফ অমসুং খৎহৈবশিংবু শৌগৎপীবা; অমসুং ভারতকী নোলেজ সিস্তেম অসি মরীক চুম্না অমসুং চুন্ননা থাংগৎপনি।

অরোইবা প্রেজেন্তেসন অদুনা "ইন্তর্নেসনেলাইজেসন অমসুং গ্লোবেল রেঙ্কিংস" তা প্রোফেসর গৌতম বরুৱা, দিরেক্তর, আই.আই.তি. গুৱাহাতিনা পীখি। প্রোফেসর বরুৱানা ভারত্তা মপাল লৈবাক্তগী মহৈরোইশিং মশীং হেনগৎনবা হোৎনবদা লৈরিবা খুদোংচাদবশিং পুখৎখি। মহাক্না হায়খি মদুদি মপাল লৈবাক্তগী অহেনবা মহৈরোইশিংবু পোস্ত গ্রেজুএৎ অমসুং পি.ঐচ.দি.গীদমক মিং চলহনগদবনি। মহাক্না ইন্তর্নেসনেলাইজেসনগী মতাংদা সজেসন কয়া পীখি অমসুং মপাল লৈবাক্কী মহৈরোইশিংদা স্কোলার্শিপ পীনবা, ফোরেন স্ত্যুদেন্তশিংদা স্পোন্সর্দ প্রোজেক্তশিংগী রিসর্চ স্তাফ হাংদোকপা, ইন্তর্নেসনেল হোস্তেল হাংদোকপা অমসুং ফোরেন ফেকলতী ৱাইবদা লাইহনগদবনি হায়খি। প্রোফেসর অনিল সহাশ্রাবুধে, চিয়রমেন, এ.আই.সি.তি.ই.না মহৌশাগী সবজেক্ত, ইন্দোলজীগুম্বশিংবু আর্তিফিসিএল ইন্তেলিজেন্সকুম্বদা মীৎয়েং থম্বগা লোইননা হৌদোক্তুনা মপাল লৈবাক্কী মহৈরোইশিংবু পুক্নিং চিংশিনগদবনি হায়খি। মহাক্না পুখৎলকপদা, ঐখোয়না মপান্দগী ফেকলতী লৌগদবনি, একজামিনেসনগী পেতর্ন হোংদোকপা, ফোরেন মহৈরোই চিংশিন্নবা জোইন্ত পোর্তেল শেম্বশিং য়াওখি। প্রোফেসর সহাশ্রাবুধেনা ইন্তর্নেসনেল রেঙ্কিংগী পেরামিতর অসি ভারতকা কয়া চানদবা তারবসু রেঙ্কিংগী য়েংদুনা হোৎনবগী তঙাইফদবা লৈরিবসিসু পনখি।

*****