இந்திய தர நிர்ணய அமைவனம் (பி.ஐ.எஸ்) என்பது இந்திய அரசின் நுகர்வோர் விவகாரங்கள், உணவு மற்றும் பொது விநியோக அமைச்சகத்தின் கீழ் செயல்படும் ஒரு சட்டரீதியான அமைப்பாகும். இது பொருள்களுக்கான தர உரிமம் (ஐஎஸ்ஐ மார்க்), மேலாண்மை திட்ட சான்றிதழ், தங்கம் மற்றும் வெள்ளி நகைகள்/கலைப் பொருள்களுக்கான ஹால்மார்க் உரிமம் மற்றும் ஆய்வகச் சேவைகளின் நலன் மற்றும் நுகர்வோர் பாதுகாப்பை நோக்கமாகக் கொண்ட பல்வேறு திட்டங்களை செயல்படுத்துகிறது.

இந்திய தர நிர்ணய அமைவனம், தரம் மற்றும் தரநிர்ணய துறைகளில் இளம் திறமையாளர்களுக்கு கற்றுக்கொள்வதற்கான வாய்ப்புகளை வழங்குவதன் மூலம் பள்ளிகள் மற்றும் கல்லூரிகளில் தரநிலைக் கழகங்களை உருவாக்கியுள்ளது. கல்வி நிறுவனத்தின் உத்தியோகபூர்வ ஆசிரியர்கள் / வழிகாட்டிகள் கலங்கரை விளக்கங்களாகச் செயல்படுவார்கள், மாணவர்களின் படைப்பாற்றலை மேம்படுத்தவும், அறிவியல் மனோபாவத்தை மேம்படுத்தவும் வழிகாட்டியாக ஊக்குவிப்பார்கள். தர நியம அமைப்புகள், மாணவர்களின் பள்ளிக் கல்வி அனுபவத்தை மேம்படுத்துவதற்கும் அவர்களின் தொழில்முறை மற்றும் தனிப்பட்ட வளர்ச்சியை மேம்படுத்துவதற்கான வாய்ப்புகளை வழங்குவதற்கும் கல்வி நிறுவனங்களால் ஆர்வத்துடன் ஊக்குவிக்கப்படுகின்றன.

மேற்கூறியவற்றிற்கு ஏற்ப, இந்திய தர நிர்ணய அமைவனம், சென்னையில் உள்ள மதிப்புமிக்க சென்னை மாநிலக் கல்லூரியில், ஒரு தர நியம அமைப்பை இன்று துவக்கியது.

பிரசிடென்சி கல்லூரி NIRF தரவரிசையில் 3-வது இடத்தில் உள்ளது மற்றும் இக்கல்லூரிக்கு EOMS சான்றிதழ் உட்பட மேலாண்மை அமைப்பு சான்றிதழும் வழங்கப்பட்டுள்ளது.

திருமதி ஜி பவானி, விஞ்ஞானி-இ / இயக்குனர் மற்றும் தலைவர் (சென்னை கிளை அலுவலகம்), வரவேற்புரை ஆற்றினார்; மேலும் திட்டத்தின் நோக்கங்களையும் விளக்கினார். மாநிலக் கல்லூரி முதல்வர் டாக்டர் ஆர்.ராமன் தலைமை உரை ஆற்றினார். திரு யுஎஸ்பி யாதவ், விஞ்ஞானி-எஃப் & துணை இயக்குநர் ஜெனரல்- தெற்கு மண்டல அலுவலகம் தொடக்க உரையை ஆற்றினார். பிஐஎஸ்-இன் சென்னை கிளை அலுவலகத்தின் திரு கௌதம், விஞ்ஞானி டி / இணை இயக்குனர் & திரு தினேஷ் ராஜகோபாலன், விஞ்ஞானி-சி/துணை இயக்குநர், தொடக்க நிகழ்வின் போது முறையே BIS செயல்பாடுகள் மற்றும் புதிய முயற்சிகள் பற்றி விளக்கினர்.

***

PKV/KPG

 

(வெளியீட்டு அடையாள எண்: 1978828) வருகையாளர் எண்ணிக்கை : 107