કેન્દ્રીય શિક્ષણ તથા કૌશલ્ય વિકાસ તથા ઉદ્યોગસાહસિકતા મંત્રી શ્રી ધર્મેન્દ્ર પ્રધાને આજે રાષ્ટ્રીય બાલ ભવનમાં પરીક્ષા પે ચર્ચા (પીપીસી)ની સાતમી આવૃત્તિના સહભાગીઓ સાથે વાતચીત કરી હતી. રાજ્ય કક્ષાનાં શિક્ષણ મંત્રી શ્રીમતી અન્નપૂર્ણા દેવી અને ડૉ. સુભાષ સરકાર; વિદેશ અને શિક્ષણ રાજ્ય મંત્રી ડૉ. રાજકુમાર રંજન સિંહ શાળા શિક્ષણ અને સાક્ષરતા વિભાગના સચિવ શ્રી સંજય કુમાર; આ પ્રસંગે અન્ય મહાનુભાવો, શિક્ષકો અને વિદ્યાર્થીઓ પણ ઉપસ્થિત રહ્યા હતા.

આ પ્રસંગે બોલતા શ્રી પ્રધાને પરીક્ષા પે ચર્ચામાં ભાગ લેનારા વિદ્યાર્થીઓ, ખાસ કરીને ભારત મંડપમ ખાતે યોજાયેલા પ્રદર્શનમાં તેમની નવીનતાઓનું પ્રદર્શન કરનારા વિદ્યાર્થીઓના પ્રયાસોની પ્રશંસા કરી હતી. વિદ્યાર્થીઓ પાસેથી આવતા નવા વિચારો માત્ર વિજ્ઞાનમાં જ નહીં પરંતુ કળા અને સામાજિક વિજ્ઞાન યુવા પેઢીમાં કલ્પનાશક્તિનું પ્રદર્શન કરે છે, એમ તેમણે જણાવ્યું હતું.

તેમણે ઉલ્લેખ કર્યો હતો કે, વિદ્યાર્થીઓ માટે પ્રધાનમંત્રી શ્રી નરેન્દ્ર મોદીને મળવું અને તેમના દ્વારા માર્ગદર્શન મેળવવું એ કેટલો રોમાંચક અને જીવન-પરિવર્તનનો અનુભવ હતો.

શ્રી પ્રધાને વિદ્યાર્થીઓને તેમની સંબંધિત શાળાઓમાં પરીક્ષા પે ચર્ચા માં ભાગ લેવાના તેમના અનુભવો શેર કરવા વિનંતી કરી, જેથી તે અન્ય વિદ્યાર્થીઓને પ્રધાનમંત્રી શ્રી નરેન્દ્ર મોદી દ્વારા શેર કરવામાં આવેલી ટીપ્સમાંથી શીખવા માટે પ્રેરિત કરે. તેમણે ભારપૂર્વક જણાવ્યું હતું કે, વિદ્યાર્થીઓ, શિક્ષકો અને માતા-પિતા સહિત આશરે 50 કરોડ લોકોનાં વિશાળ સમુદાયને તણાવમાંથી બહાર આવવા માટે આ પ્રકારની ટિપ્સ વિશે જાણકારી આપવી જોઈએ. તેમણે ઉમેર્યું હતું કે, આ એનઇપી 2020ની ભલામણ પણ છે.

કલા ઉત્સવનાં વિજેતાઓ, એકલવ્ય મોડલ રેસિડેન્શિયલ સ્કૂલનાં વિદ્યાર્થીઓ, રાજ્યો અને કેન્દ્રશાસિત પ્રદેશોનાં પ્રતિનિધિઓ સહિત 300થી વધારે સહભાગીઓએ શ્રી પ્રધાન સાથે આદાનપ્રદાન કર્યું હતું તથા પરીક્ષા પે ચર્ચા માં ભાગ લેવાનો અને પ્રધાનમંત્રી શ્રી નરેન્દ્ર મોદીને સાંભળવાનો પોતાનો અનુભવ વહેંચ્યો હતો.

દેશભરના રાજ્યોના કેટલાક વિદ્યાર્થીઓએ તેમના અનુભવો શેર કર્યા અને વર્ણવ્યું કે કેવી રીતે તેમને પ્રધાનમંત્રીના શબ્દોમાંથી અપાર પ્રેરણા મળી છે. તનીષા, સિરસા, હરિયાણાના; ત્રિપુરા, અગરતલાથી ઇન્શા અખ્તર; તીર્થ સોની, ભોપાલ, એમ.પીથી.; અને બીજા ઘણા લોકોએ કહ્યું કે તેઓએ દિલ્હીમાં તેમના રોકાણનો આનંદ માણ્યો છે, નવા મિત્રો બનાવ્યા છે અને અન્ય રાજ્યોની સંસ્કૃતિઓ વિશે શીખ્યા છે જે એક ભારત, શ્રેષ્ઠ ભારતની સાચી ભાવનાને પ્રતિબિંબિત કરે છે.

પરીક્ષા પે ચર્ચા પ્રધાનમંત્રી શ્રી નરેન્દ્ર મોદીના નેતૃત્વમાં એક વિશિષ્ટ પહેલ છે, જેનો ઉદ્દેશ પરીક્ષાઓ સાથે સંબંધિત તણાવને દૂર કરવાનો છે અને 'એક્ઝામ વોરિયર્સ'ની વિશાળ ચળવળ સાથે સુસંગત થઈને જીવન પ્રત્યે ઉજવણીનો અભિગમ અપનાવવાનો છે. વર્તમાન 7મી આવૃત્તિમાં માયગોવ પોર્ટલ પર નોંધપાત્ર 2.26 કરોડ રજિસ્ટ્રેશન નોંધાયા હતા, જેણે રાષ્ટ્રવ્યાપી વિદ્યાર્થીઓમાં વ્યાપક ઉત્સાહને ઉજાગર કર્યો હતો.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com