માનવ સંસાધન વિકાસ મંત્રાલય
ડો. સુકંતા મજુમદારે શિક્ષણ મંત્રાલયમાં રાજ્ય મંત્રી તરીકેનો કાર્યભાર સંભાળ્યો
प्रविष्टि तिथि:
11 JUN 2024 4:04PM by PIB Ahmedabad
શિક્ષણ મંત્રાલયમાં નવનિયુક્ત રાજ્યપ્રધાન ડૉ. સુકંતા મજુમદારે આજે નવી દિલ્હીના શાસ્ત્રી ભવનમાં પોતાના હોદ્દાનો હવાલો સંભાળી લીધો હતો. શિક્ષણ મંત્રાલય પહોંચ્યા બાદ ડૉ. મજુમદારનું મંત્રાલયના વરિષ્ઠ અધિકારીઓએ સ્વાગત કર્યું હતું.
ડૉ. મજુમદારે મીડિયા પ્રતિનિધિઓ સાથે વાતચીત કરી હતી અને પ્રધાનમંત્રી શ્રી નરેન્દ્ર મોદીનો તેમના દીર્ઘદ્રષ્ટા નેતૃત્વ માટે આભાર વ્યક્ત કર્યો હતો. ડૉ. મજુમદારે શિક્ષણ મંત્રી શ્રી ધર્મેન્દ્ર પ્રધાનને પણ અભિનંદન આપતાં કહ્યું હતું કે, તેમનો બહોળો અનુભવ તેમને મંત્રાલયમાં કામ કરવામાં અને શિક્ષણ ક્ષેત્ર માટે પ્રધાનમંત્રીનાં વિઝનને સાકાર કરવામાં મદદરૂપ થશે.
ડો.સુકંતા મજુમદાર 17મી લોકસભામાં સંસદસભ્ય તરીકે પણ રહી ચૂક્યા છે. તેઓ સપ્ટેમ્બર (2021) થી ભાજપ બંગાળના પ્રદેશ અધ્યક્ષ છે. તેઓ બાલુરઘાટ (પશ્ચિમ બંગાળ) મતવિસ્તારનું પ્રતિનિધિત્વ કરે છે. તેમણે ઉત્તર બંગાળ યુનિવર્સિટીમાંથી વનસ્પતિશાસ્ત્રમાં એમ.એસ.સી., બી.એડ અને પીએચડી કર્યું છે. તેઓ પશ્ચિમ બંગાળના માલદા જિલ્લામાં આવેલી ગૌર બાંગા યુનિવર્સિટીમાં વનસ્પતિશાસ્ત્રના પ્રોફેસર છે. તેઓ 2019 થી ઇન્ફર્મેશન ટેકનોલોજી અને અરજીઓ પરની સમિતિની સ્થાયી સમિતિના સભ્ય હતા.
AP/GP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(रिलीज़ आईडी: 2024149)
आगंतुक पटल : 151