કન્ટ્રોલર ઓફ કોમ્યુનિકેશન એકાઉન્ટ્સ (સીસીએ) ગુજરાતની કચેરી દ્વારા ઇન્ડિયન પોસ્ટ એન્ડ ટેલિકમ્યુનિકેશન એકાઉન્ટ્સ એન્ડ ફાઇનાન્સ સર્વિસ (આઇપી એન્ડ ટીએએફએસ) અને ઇન્ડિયન પોસ્ટલ સર્વિસ (આઇપીઓએસ)ના અધિકારી તાલીમાર્થીઓ માટે એક વ્યાપક વાર્તાલાપ સહ તાલીમ સત્રનું આયોજન કરવામાં આવ્યું હતું. આ સત્રનો ઉદ્દેશ સીસીએ ઓફિસની કામગીરી અને જવાબદારીઓ વિશે ઊંડાણપૂર્વકની સમજ પૂરી પાડવાનો અને આ પ્રતિષ્ઠિત સેવાઓના ભાવિ નેતાઓ વચ્ચે સહયોગ અને શીખવાની ભાવનાને પ્રોત્સાહન આપવાનો હતો.

આ તાલીમ સત્રમાં ગુજરાતના સીસીએ શ્રી વિજય કુમાર ઉપસ્થિત રહ્યા હતા, જેમણે ફિલ્ડ એકમોની નોંધપાત્ર ભૂમિકા અને જવાબદારીઓ, સંદેશાવ્યવહાર માળખા પર તેની અસર અને ડીઓટીના વ્યાપક ઉદ્દેશો પર પ્રકાશ પાડ્યો હતો. આ કાર્યક્રમમાં ડીઓપીના  જીએમ (એફ) અને ડિરેક્ટર, સંયુક્ત સીસીએ, ડીવાય સીસીએ અને સીસીએ ઓફિસના વરિષ્ઠ અધિકારીઓ તેમજ તાલીમાર્થીઓની ઉત્સાહભેર સહભાગીતા સાથે ઉપસ્થિત રહ્યા હતા.

કાર્યક્રમનું સમાપન પ્રતિસાદ સત્ર સાથે થયું હતું, જેમાં તાલીમાર્થીઓએ શીખવાના મૂલ્યવાન અનુભવ માટે તેમની પ્રશંસા વ્યક્ત કરી હતી. સીસીએ ગુજરાત કચેરી ટેલિકોમ ક્ષેત્રમાં સતત શિક્ષણ અને વ્યાવસાયિક વિકાસને પ્રોત્સાહન આપવા માટે આવી પહેલના આયોજન માટે સમર્પિત છે.

AP/GP/JT

 

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(रिलीज़ आईडी: 2032678) आगंतुक पटल : 142