குறு, சிறு மற்றும் நடுத்தரத் தொழில்கள் அமைச்சகம், காதி மற்றும் கிராமத் தொழில்கள் ஆணையம் (KVIC) மூலம் பிரதமரின் வேலைவாய்ப்பு உருவாக்கும் திட்டத்தை (PMEGP) செயல்படுத்தி வருகிறது.
பண்ணை சாரா துறைகளில், புதிய சுய வேலைவாய்ப்பு முயற்சிகள் / திட்டங்கள் / குறுந்தொழில்களை ஏற்படுத்துவதன் மூலம், நாட்டின் கிராமப்புற மற்றும் நகர்ப்புறங்களில் வேலை வாய்ப்புகளை உருவாக்குவது, பரவலாக பரவியுள்ள பாரம்பரிய கைவினைஞர்கள், கிராமப்புற மற்றும் நகர்ப்புற வேலையற்ற இளைஞர்களை ஒன்றிணைத்து அவர்களுக்கு சாத்தியமான அளவுக்கு சுய வேலை வாய்ப்புகளை வழங்குவது ஆகியவை, பிரதமரின் வேலைவாய்ப்பு உருவாக்கும் திட்டத்தின் நோக்கங்களாகும். நாட்டிலுள்ள பெருவாரியான பாரம்பரிய மற்றும் வருங்கால கைவினைஞர்கள், மற்றும் ஊரக மற்றும் நகர்ப்புற வேலையற்ற இளைஞர்களுக்கு தொடர்ச்சியாக நிலையான வேலைவாய்ப்பு வழங்குவதன் மூலம், கிராமப்புற இளைஞர்கள் நகர்ப்புறங்களுக்கு இடம் பெயர்வதைத் தடுக்கவும், தொழிலாளர்கள் மற்றும் கைவினைஞர்களின் ஊதியம் ஈட்டும் திறனை அதிகரிக்கவும், ஊரக மற்றும் நகர்ப்புற வேலைவாய்ப்பு விகிதத்தை அதிகரிக்கவும் உதவுதல்.
பிரதமரின் வேலை உருவாக்கும் திட்டம், ஒரு மத்திய துறை திட்டமாக இருப்பதால், கிராமப்புறங்களில் திட்ட செலவில் 25% மற்றும் நகர்ப்புறங்களில் 15% விளிம்பு பண (MM) மானியத்துடன் பொதுப் பிரிவு பயனாளிகளுக்கு உதவுகிறது. ஷெட்யூல் வகுப்பினர், பழங்குடியினர், இதர பிற்படுத்தப்பட்ட வகுப்பினர், சிறுபான்மையினர், பெண்கள், முன்னாள் ராணுவத்தினர், உடல் ஊனமுற்றோர், திருநங்கைகள், வடகிழக்கு பிராந்தியம், மலை மற்றும் எல்லைப் பகுதிகள் மற்றும் முன்னேற விரும்பும் மாவட்டங்களைச் சேர்ந்த பயனாளிகள் போன்ற சிறப்புப் பிரிவுகளைச் சேர்ந்த பயனாளிகளுக்கு, விளிம்புத் தொகை மானியம் கிராமப்புறங்களில் 35% மற்றும் நகர்ப்புறங்களில் 25% ஆகும். இத்திட்டத்தின் அதிகபட்ச செலவு, உற்பத்தித் துறையில் ரூ.50 லட்சமும், சேவைத் துறையில் ரூ.20 லட்சமும் ஆகும். மேலும், சிறப்புப் பிரிவின் கீழ் உள்ள பயனாளிகளின் சொந்த பங்களிப்பு 05% மற்றும் பொதுப் பிரிவு பயனாளிகளுக்கு 10% ஆகும்.
2018-19 முதல், தற்போதுள்ள PMEGP / REGP / MUDRA நிறுவனங்களும், மேம்படுத்தல் மற்றும் விரிவாக்கத்திற்காக 2வதுகடனுடன் கடந்த கால சிறந்த செயல்திறனின் அடிப்படையில் ஆதரிக்கப்படுகின்றன. இரண்டாவது கடனின்படி, உற்பத்திப் பிரிவின் கீழ் அதிகபட்ச திட்டத் தொகை ரூ.1.00 கோடி மற்றும் சேவைப் பிரிவிற்கு ரூ.25 இலட்சம் வரை விளிம்புத் தொகை மானியமாக அனுமதிக்கப்படுகிறது. அனைத்து பிரிவினருக்கும் இரண்டாவது கடனுக்கான தகுதியான மானியம், திட்ட செலவில் 15% (வடகிழக்கு மற்றும் மலைப்பகுதி மாநிலங்களுக்கு 20%) ஆகும்.
இது தவிர, தொழில்நுட்ப நவீனமயமாக்கல், பயிற்சி மற்றும் கிராமத் தொழில்களை மேம்படுத்துவதன் வாயிலாக, சுய வேலை வாய்ப்புகளை உருவாக்குவதன் மூலம், கிராமத் தொழில்களை மேம்படுத்துவதே கிராமத் தொழில் மேம்பாட்டுத் திட்டமாகும். இத்திட்டம், பின்வரும் கூறுகள்/பிரிவுகளைக் கொண்டுள்ளது:
அ. ஆரோக்கியம் மற்றும் அழகுசாதனத் தொழில் (WCI)
ஆ. கையால் செய்யப்பட்ட காகிதம், தோல் மற்றும் பிளாஸ்டிக் தொழில் (HPLPI)
இ. விவசாயம் சார்ந்த மற்றும் உணவு பதனிடும் கைத்தொழில் (ABFPI)
ஈ. கனிம அடிப்படையிலான கைத்தொழில் (MBI)
உ. கிராமிய பொறியியல் மற்றும் புதிய தொழில்நுட்ப தொழில் (RENTI)
ஊ. சேவைத் துறை
கிராமோத் தொழில் மேம்பாட்டுத் திட்டம் (GVY) இன் மேற்கண்ட பிரிவுகளின் கீழ் வரும் செயல்பாடுகளின் பட்டியல்இத்துடன் இணைக்கப்பட்டுள்ளது.
2023-24 நிதியாண்டில் நிதி வழங்கல் மற்றும் வேலைவாய்ப்பு உருவாக்கம் பின்வருமாறு:
பிரதமரின் வேலைவாய்ப்பு உருவாக்கும் திட்டம்: பிரதமரின் வேலைவாய்ப்பு உருவாக்கும் திட்டம்: 71,12,944 நபர்களுக்கு வேலைவாய்ப்பு வழங்கும் வகையில், 89,118 குறுந்தொழில் நிறுவனங்களுக்கு விளிம்புத் தொகை மானியமாக 3093.88 கோடி ரூபாய் வழங்கப்பட்டுள்ளது.
கிராமோத் தொழில் மேம்பாட்டுத் திட்டம்: 2023-24 நிதியாண்டில், GVY இன் பல்வேறு கூறுகள் / பிரிவுகளின் கீழ் பயிற்சி/கருவி-கிட் விநியோகத்திற்காக ரூ.31.34 கோடி செலவிடப்பட்டுள்ளது. மொத்தம் 16355 கைவினைஞர்கள் பயனடைந்துள்ளனர்.
டார்ஜிலிங், கலிம்போங் மற்றும் வடக்கு தினாஜ்பூர் மாவட்டம் உட்பட நாடு முழுவதும் KVI மற்றும் PMEGP திட்டத்தின் செயல்திறனை மேம்படுத்த அரசாங்கத்தால் பின்வரும் நடவடிக்கைகள் எடுக்கப்பட்டுள்ளன.
உற்பத்திப் பிரிவினருக்கு அதிகபட்சமாக ரூ.25 இலட்சத்திலிருந்து ரூ.50 இலட்சமாகவும், சேவைப் பிரிவிற்கு அதிகபட்சமாக ரூ.10 இலட்சத்திலிருந்து ரூ.20 இலட்சமாகவும் உயர்த்தப்பட்டுள்ளது.
மாற்றத்தை விரும்பும் மாவட்டங்களைச் சேர்ந்த விண்ணப்பதாரர்கள் மற்றும் திருநங்கைகள் சிறப்புப் பிரிவில் சேர்க்கப்பட்டுள்ளனர்.
பால் பண்ணை, கோழி வளர்ப்பு, மீன் வளர்ப்பு, பூச்சிகள் (தேனீக்கள், பட்டுப்புழு வளர்ப்பு போன்றவை) போன்ற கால்நடை வளர்ப்பு தொடர்பான தொழில்கள் இத்திட்டத்தின் கீழ் அனுமதிக்கப்பட்டுள்ளன.
PMEGP இன் கீழ் 2வதுகடனுக்கு விண்ணப்பிக்கும் தற்போதுள்ள PMEGP/ REGP/ MUDRA அலகுகளின் லாபத்தைக் கருத்தில் கொண்டு கொவிட் ஆண்டுகள் அதாவது FY2020-21 மற்றும் FY2021-22 விலக்கு அளிக்கப்பட்டுள்ளன.
ரூ.2 லட்சம் வரையிலான திட்ட மதிப்புக்கும், ரூ.5 லட்சம் வரையிலான திட்டங்களுக்கு குறுகிய கால பயிற்சி (5 நாட்கள் வரை) தொழில் முனைவோர் மேம்பாட்டு விகிதமும் கட்டாயமில்லை.
தொழில் முனைவோர்களிடையே இத்திட்டம் குறித்த விழிப்புணர்வை ஏற்படுத்த, அனைத்து நிலைகளிலும் விழிப்புணர்வு முகாம்கள், பயிலரங்குகள் மற்றும் கண்காட்சிகள் நடத்தப்பட்டு வருகின்றன.
அச்சு மற்றும் மின்னணு ஊடகங்கள் மூலம் PMEGP திட்டத்தை விளம்பரப்படுத்துதல்.
KVIC 2023-24 நிதியாண்டில் பயிற்சித் திட்டங்களை நடத்தி, தையல் மற்றும் எம்பிராய்டரி, அழகுக்கலை, தேனீ வளர்ப்பு மற்றும் பழம் & காய்கறிகள் பதப்படுத்துதல் போன்ற பல்வேறு வர்த்தகங்களின் கீழ் 60 நபர்களுக்கும்,வடக்கு தினாஜ்பூர் மாவட்டத்தில் GVY இன் கீழ் மரம் மாற்று திட்டத்திற்காக BPL பிரிவைச் சேர்ந்த 20 கைவினைஞர்களுக்கும் பயிற்சி அளித்துள்ளது. மேலும், டார்ஜிலிங் மாவட்டம் சிலிகுரியில் 80 கைவினைஞர்களுக்கு 10 நாட்கள் மண்பாண்டத் தொழில் குறித்த திறன் மேம்பாட்டு பயிற்சி அளிக்கப்பட்டது.
காதி மற்றும் கிராமத் தொழில்கள் ஆணையம் (KVIC) நிலையான வாழ்வாதாரம் மற்றும் தொழில்முனைவை ஊக்குவிக்க பின்வரும் முயற்சிகளில் கவனம் செலுத்தி வருகிறது:

நவீன தொழில்நுட்பங்கள் / செயல்முறைகளை ஏற்றுக்கொள்ளுதல்.
கிராமப்புற மட்டத்தில் நுண் தொழில்கள் / சுயதொழில் வாய்ப்புக்களை வளர்ப்பதற்கான சிறப்புப் பயிற்சித் திட்டங்கள்.
புதிய செயல்பாடுகள் குளிர்சாதன வசதி பழுது பார்த்தல், மொபைல் பழுது பார்த்தல், தையல் இயந்திரங்களை இயக்குதல், பாப்கார்ன் தயாரித்தல் மற்றும் கருவி பெட்டிகள் / இயந்திரங்களுடன் பயிற்சி ஆகியவை, வேலைவாய்ப்பற்ற இளைஞர்களின் நலனுக்காக GP திட்டத்தில் சேர்க்கப்பட்டுள்ளன.
மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில் குறு, சிறு மற்றும் நடுத்தரத் தொழில்கள் துறை இணையமைச்சர் செல்வி. ஷோபா கரந்தலஜே இந்தத் தகவலைத் தெரிவித்துள்ளார்.

*****************

MM/AG/KV

(Release ID: 2040638)