पंतप्रधान कार्यालय
नेदरलँडचे पंतप्रधान डिक शूफ यांनी पंतप्रधान नरेंद्र मोदी यांच्याशी दूरध्वनीवर संपर्क साधला
दोन्ही नेत्यांनी भारत आणि नेदरलँडमधील विश्वासाची आणि मोलाची भागीदारी अधोरेखित केली
द्विपक्षीय भागीदारी आणखी पुढे नेत अधिक मजबूत करण्याच्या उपायांवर दोन्ही नेत्यांमध्ये झाली चर्चा
प्रविष्टि तिथि:
18 DEC 2024 10:05PM by PIB Mumbai
नवी दिल्ली, 18 डिसेंबर 2024
नेदरलँडचे पंतप्रधान डिक शूफ यांनी आज पंतप्रधान नरेंद्र मोदी यांच्याशी दूरध्वनीवर संपर्क साधला.
दोन्ही नेत्यांनी भारत आणि नेदरलँड दरम्यानची विश्वासाची आणि मोलाची भागीदारी अधोरेखित केली, जी सामायिक मूल्ये आणि लोकशाही आणि कायद्याच्या राज्यावरील विश्वासावर आधारित आहे. पाणी, कृषी, आरोग्य या क्षेत्रांमधील सध्याचे सहकार्य आणखी वाढवण्याच्या उपायांवर त्यांनी चर्चा केली. व्यापार, संरक्षण, सुरक्षा, नवोन्मेष, हरित हायड्रोजन आणि सेमीकंडक्टर, यासह विविध क्षेत्रांमधील द्विपक्षीय भागीदारी वाढवण्यावर, तसेच त्याला धोरणात्मक आयाम प्रदान करण्यावर दोन्ही नेत्यांनी सहमती दर्शविली. परस्परांच्या नागरिकांमध्ये दृढ संबंध प्रस्थापित करण्यावर आणि शिक्षण आणि सांस्कृतिक क्षेत्रात आदान प्रदान करण्यावर त्यांनी भर दिला.
दोन्ही नेत्यांनी प्रादेशिक आणि जागतिक घडामोडींवर विचारांची देवाणघेवाण केली आणि शांतता, सुरक्षा सहकार्य आणि स्थैर्य वाढवण्यासाठी काम करण्याच्या वचनबद्धतेचा पुनरुच्चार केला.
दोन्ही नेत्यांनी परस्परांच्या संपर्कात राहण्यावर सहमती दर्शवली.
* * *
S.Patil/R.Agashe/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2085873)
आगंतुक पटल : 87
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Manipuri
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam