ફિટનેસ અને સ્વાસ્થ્યના કટ્ટર હિમાયતી, માનનીય કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયાએ આજે ​​સવારે 7થી 8 વાગ્યા દરમિયાન જૂનાગઢના ગિરનાર દરવાજા સામે શાળાના વિદ્યાર્થીઓની ભાગીદારી સાથે સન્ડે ઓન સાયકલ કાર્યક્રમનું આયોજન કર્યું હતું. ફિટ ઇન્ડિયા અભિયાનનો ઉદ્દેશ્ય બેઠાડુ જીવનશૈલીથી શારીરિક રીતે સક્રિય દૈનિક જીવનશૈલીમાં, વર્તણૂકમાં પરિવર્તન લાવવાનો છે.

ફિટ ઇન્ડિયા ચળવળ હેઠળ, SAI એ  યુવા બાબતો અને રમતગમત મંત્રીના નેતૃત્વ હેઠળ 'સન્ડે ઓન સાયકલ' નામની રવિવાર સાયકલ પહેલ શરૂ કરી છે. છેલ્લા અઠવાડિયામાં પ્રાથમિક ભાગીદારો PEFI, તબીબી પ્રેક્ટિશનરો, સરકારી કર્મચારીઓ વગેરે સામેલ રહ્યા હતા. આ સંદર્ભમાં, આજના સન્ડે-ઓન-સાયકલનો ભાગ શાળાના વિદ્યાર્થીઓ હતા. જેમાં લગભગ 500 શાળાના બાળકો, તેમના માતાપિતા અને શિક્ષકોએ ભાગ લીધો હતો.

આજના સન્ડે ઓન સાયકલ કાર્યક્રમમાં દેશભરના શાળાના બાળકો શારીરિક તંદુરસ્તીમાં સાયકલ ચલાવવાના મહત્વની ઉજવણી કરવા માટે ભેગા થયા હતા અને ફિટ ઇન્ડિયાના સામાન્ય હેતુ માટે સાયકલ ચલાવવા માટે ભેગા થયા હતા.

મંત્રીશ્રીએ જૂનાગઢથી આ કાર્યક્રમનું નેતૃત્વ કર્યું હતું અને વેબલિંક દ્વારા પોતાના સંબોધનમાં, તેમણે તમામ દેશવાસીઓને સ્વસ્થ બનવા માટે સાયકલ ચલાવવાને મુખ્ય માધ્યમ તરીકે અપનાવવાનું સૂચન કર્યું હતું. તેમણે એમ પણ કહ્યું કે દેશની પ્રગતિ માટે સ્વાસ્થ્ય પર ધ્યાન આપવું મહત્વપૂર્ણ છે. તેમણે દેશના નાગરિકોને સારા સ્વાસ્થ્ય માટે ફિટ ઇન્ડિયા અભિયાનમાં ભાગ લેવા પ્રેરણા આપી. ફિટ ઇન્ડિયા ચળવળ રાષ્ટ્રવ્યાપી ઉજવણીમાં ફેરવાઈ રહી છે અને આજે જૂનાગઢમાં સન્ડે ઓન સાયકલ પર વિદ્યાર્થીઓની વિશાળ ભાગીદારી આ વાતનો પુરાવો આપે છે.

આ પ્રસંગે જૂનાગઢના ધારાસભ્ય શ્રી સંજય કોરડિયા અને રાજ્ય સરકારના અધિકારીઓ, ગાંધીનગર સ્થિત સ્પોર્ટ્સ ઓથોરિટી ઓફ ઇન્ડિયા રિજનલ સેન્ટરના ડિરેક્ટર શ્રીમતી અદિતિ સિંહ, આસિસ્ટન્ટ ડિરેક્ટર શ્રી ઓમકાર કાવરે તેમની આયોજક ટીમ સાથે ઉપસ્થિત રહ્યા હતા. કાર્યક્રમના અંતે, સ્પોર્ટ્સ ઓથોરિટી ઓફ ઈન્ડિયાએ સ્વસ્થ અને મજબૂત ભારત તરફની તેની સફર ચાલુ રાખવામાં યોગદાન આપવા બદલ તમામ હિસ્સેદારોનો આભાર માન્યો હતો.

AP/IJ/GP/JD

(Release ID: 2116840) Visitor Counter : 69