ભારત "વિશ્વના ગેમિંગ નેશન" બનવાની તેની સફરમાં એક મહત્વપૂર્ણ ક્ષણે ઉભું છે. જો કે હજુ પણ એક ઉભરતું ક્ષેત્ર છે, ભારતીય ગેમિંગ ઉદ્યોગ અભૂતપૂર્વ ગતિએ વિકસી રહ્યો છે. યુવા, કુશળ સર્જકોમાં વધારો અને સરકાર તથા ગેમ ડેવલપર એસોસિયેશન ઓફ ઇન્ડિયા (જીડીએઆઈ)ની આગેવાની હેઠળની પહેલોના મજબૂત ટેકા સાથે, ભારતીય પ્રતિભાઓ આખરે પ્રકાશમાં આવી રહી છે - જેણે રાષ્ટ્રીય અને વૈશ્વિક એમ બંને તબક્કાઓ પર માન્યતા પ્રાપ્ત કરી છે.

ત્યાં જ રોડ ટુ ગેમ જામ આવે છે. ભારત સરકારના ક્રિએટ ઇન ઇન્ડિયા ચેલેન્જઃ સીઝન 1નો એક ભાગ, આ રાષ્ટ્રવ્યાપી સ્પર્ધાએ યુવા ગેમ ડેવલપર્સને મૌલિક, થીમ આધારિત રમતોનું નિર્માણ કરવા હાકલ કરી હતી - જેમાં વાર્તા કહેવાનું, સર્જનાત્મકતા અને ટેક ઇનોવેશનનું મિશ્રણ કરવામાં આવ્યું હતું.

વર્લ્ડ ઓડિયો વિઝ્યુઅલ એન્ટરટેઇનમેન્ટ સમિટ (વેવ્સ) 2025ના ભાગરૂપે તે 32 ક્રિએટ ઇન ઇન્ડિયા ચેલેન્જમાંની એક છે અને ટોચની 10 ગેમ્સને 1થી 5 મે દરમિયાન મુંબઇમાં વેવ્સ સમિટમાં પ્રદર્શિત કરવામાં આવશે.

ગેમ ડેવલપર એસોસિયેશન ઓફ ઇન્ડિયા (જીડીએઆઈ) કેજીઇએન (KGeN) ના સહયોગથી આ આકર્ષક નવા પ્લેટફોર્મ દ્વારા દેશની શ્રેષ્ઠ ઇન્ડી ટેલેન્ટને પ્રકાશિત કરી રહ્યું છે.

ટોચની 10 રમતો

453 નગરો અને શહેરોની 1,650 કોલેજોના 5,500 થી વધુ રજિસ્ટ્રેશનમાંથી, 175 ટીમોએ એવરીથિંગ ફોલ્સ પાર્ટ, સ્ટક ટુગેધર, હેન્ડલ વિથ કેર, ઇનવિઝિબલ કનેક્શન્સ અને ધ સાઉન્ડ ઓફ સાયલન્સ જેવી થીમની આસપાસ બાંધવામાં આવેલી ઓરિજિનલ ગેમ્સ રજૂ કરી હતી. જેમાં તેમની સર્જનાત્મકતા અને ટેકનિકલ કુશળતાનો ઉપયોગ કરવામાં આવ્યો હતો.

જ્યુરીના સખત મૂલ્યાંકન પછી, અહીં વેવ્સ 2025 માં ભારતનું પ્રતિનિધિત્વ કરવા માટે પસંદ કરવામાં આવેલી 10 ઇન્ડી ગેમ્સ આ મુજબ છે:

1. હાર્ડ હેટ ક્લેમ – નોડ2ડી (મુંબઈના ડેવલપર્સ)
2. એન્ટવિનેડ: રિઈમેજિન્ડ – પાર્કિન્સ (અતીમિષા કોલેજના વિદ્યાર્થીઓ)
3. હોપ આઉટ - રીપર્સ એક્ઝિક્યુશન (દિલ્હીનો 18 વર્ષનો સોલો દેવ)
4. એબેન્ડંડ હોસ્પિટલ - ધ સાઉન્ડ ઓફ સાયલન્સ - એશડેવ (પ્રારંભિક તબક્કાની શરૂઆત)
5. સાયલન્સ કીલ્સ - એબ્સર્ડ સોફ્ટવેર (લુધિયાણા અને પંજાબના કોલેજના વિદ્યાર્થીઓ)
6. નો ટાઈમ ટુ ક્રોલ- ધેટટીમ (હૈદરાબાદના કલાપ્રેમી ડેવલપર્સ)
7. એન્કર્ડ – પ્લેબલ ગેમ્સ (અંતિમ વર્ષનો વિદ્યાર્થી, ડબલ્યુટીએફ ગેમ જામ બીજો રનર-અપ)
8. માય ઇનર ડેમોન્સ - લેમનસાઉન્ડ (સોલો ડેવલપર, તાજેતરનો ગ્રેજ્યુએટ)
9. સીરમ XIII – નોકેપગેમ્સ (અમદાવાદના સોલો ડેવલપર)
10. ગોબ્લિનનો કોલ – યુલિસિસ7 (ઉત્તરાખંડના સોલો ડેવલપર)

આ દરેક ટીમને WAVES 2025 સમિટમાં વૈશ્વિક જ્યુરી સમક્ષ તેમની રમત લાઇવ પિચ કરવા માટે સંપૂર્ણ ખર્ચ ચૂકવવામાં આવશે.

આ બાબત શા માટે મહત્વની છે

આ ગેમ ક્રિએટર્સ ભારતીય પ્રતિભાના એક નવા મોજાનું પ્રતિનિધિત્વ કરે છે - બોલ્ડ, ઓરિજિનલ અને પોતાનું સ્થાન બનાવવા માટે તૈયાર છે. તેમની રમતો માત્ર તકનીકી રીતે જ મજબૂત નથી, પરંતુ ઊંડાણપૂર્વક કલ્પનાશીલ પણ છે. જે રમત દ્વારા જટિલ લાગણીઓ અને વિચારોનો સામનો કરે છે.

આ એક સ્પર્ધા કરતાં પણ વિશેષ છે - તે એક લોન્ચપેડ છે. ટોચના ત્રણ વિજેતાઓને કુલ રૂ. 7 લાખનો ઇનામી પૂલ મળશે અને વેવ્સ 2025 માં તેમને જે એક્સપોઝર મળશે તે ઉદ્યોગના સોદાઓ, ભંડોળ અને સહયોગ માટેના દરવાજા ખોલી શકે છે.

આગળ શું છે?

કઈ રમત હૃદય જીતી લેશે અને ટોચના 3માં સ્થાન મેળવશે?

આપણે તે ટૂંક સમયમાં વેવ્સ 2025માં શોધી કાઢીશું. અને આ ફાઇનલિસ્ટ્સ માટે, આ પ્લેટફોર્મ અપ્રતિમ એક્સપોઝર અને તેમની રચનાઓને વૈશ્વિક સ્પોટલાઇટમાં આગળ ધપાવવાની તક પૂરી પાડશે. આ ક્ષણ માત્ર તેમની કારકિર્દી માટે જ નહીં, પરંતુ સમગ્રતયા ભારતની રમત વિકાસ પ્રણાલી માટે કંઈક મોટી ચીજની શરૂઆત હોઈ શકે છે.

AP/IJ/GP/JD

(Release ID: 2122263)