மத்திய அரசின் உணவு மற்றும் பொது விநியோகத் துறை , உணவு தானியங்களுக்கான அறிவியல்பூர்வமான கிடங்கு மற்றும் ஸ்மார்ட் ஸ்டோரேஜ் தீர்வுகள் மூலம் 80 கோடிக்கும் அதிகமான பயனாளிகளுக்கு உணவுப் பாதுகாப்பை உறுதி செய்கிறது.

உணவு சேமிப்பு கிடங்குகள் மிக உயர்ந்த தரம் மற்றும் செயல்திறன் தர நிலையை அடைவதை உறுதி செய்யும் நோக்கத்துடன் டிப்போ தர்பன் வலைத்தளம் மற்றும் கைபேசி செயலி ஆகியவற்றை இத்துறை தற்போது செயல்படுத்த திட்டமிட்டுள்ளது. இது கிடங்கு (டிப்போ) மேலாளர்களுக்கு உள்கட்டமைப்பு, செயல்பாட்டு மற்றும் நிதி செயல்திறனை நிகழ்நேர அடிப்படையில் மதிப்பீடு செய்ய உதவுகிறது

கிடங்கு மேலாளர்கள் தங்கள் கிடங்குகளில் கிடைக்கும் உள்கட்டமைப்பின் புவி-குறியிடப்பட்ட உள்ளீடுகளை பதிவேற்றுகிறார்கள், நிகழ்நேரத்தில் மேம்பாடுகளுக்கான தானியங்கி மதிப்பீடுகள் மற்றும் செயல் புள்ளிகளை உருவாக்குகிறார்கள். இந்த அமைப்பு மேற்பார்வை அதிகாரிகள் மற்றும்  மூன்றாம் தரப்பு தணிக்கைகளால் 100% சரிபார்ப்பை உறுதி செய்கிறது.

கிடங்குகள் பின்வரும் இரண்டு முக்கிய வகைகளின் அடிப்படையில் மதிப்பீடு செய்யப்படுகின்றன:

•     பாதுகாப்பு தரங்கள், சேமிப்பு நிலைகள், சுற்றுச்சூழல், தொழில்நுட்பங்களை ஏற்று பயன்படுத்துதல் மற்றும் சட்டரீதியான அளவுருக்கள் ஆகியவற்றை உள்ளடக்கிய உள்கட்டமைப்பு அம்சங்கள்.

•     பங்கு வருவாய், இழப்புகள், இட பயன்பாடு, மனிதவள செலவுகள் மற்றும் லாபம் ஆகியவற்றை உள்ளடக்கிய செயல்பாட்டு திறன் அம்சங்கள்.

•     இந்த ஒவ்வொரு வகையும் சுதந்திரமாக மதிப்பீடு செய்யப்படுகிறது, மேலும் கிடங்கு இரண்டு அளவுருக்களிலிருந்தும் கூட்டு மதிப்பெண்ணின் அடிப்படையில் நட்சத்திர மதிப்பீட்டைப் பெறுகிறது.

டிப்போ தர்பன்,  ஸ்மார்ட் கிடங்கு தொழில்நுட்பங்களுடன் தனித்துவமாக ஒருங்கிணைக்கப்பட்டுள்ளது. இது ஒரு தடையற்ற டிஜிட்டல் கண்காணிப்பு சூழல் அமைப்பை உருவாக்குகிறது.

 

டிப்போ தர்பன் வலைத்தளம்  மற்றும் மொபைல் செயலியை மத்திய நுகர்வோர் விவகாரங்கள், உணவு & பொது விநியோகத்துறை   அமைச்சர் மே 20 அன்று முறைப்படி தொடங்கி வைப்பார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்; https://pib.gov.in/PressReleasePage.aspx?PRID=2125724

***

TS/PKV/RJ

(Release ID: 2125762)