માહિતી અને પ્રસારણ મંત્રાલય
"મારું માનવું છે કે WAVES ભારત માટે સર્જનાત્મક સામગ્રીમાં વિશ્વનું નેતૃત્વ કરવા માટે એક લોન્ચિંગ પેડ બનશે:" અલ્લુ અર્જુન
Posted On:
01 MAY 2025 9:48PM
|
Location:
PIB Ahmedabad
આ ગુરુવારે મુંબઈના જિયો વર્લ્ડ સેન્ટર ખાતે આયોજિત વર્લ્ડ ઓડિયો વિઝ્યુઅલ એન્ટરટેઈનમેન્ટ સમિટ (WAVES) 2025માં આઇકોન સ્ટાર અલ્લુ અર્જુન કેન્દ્ર સ્થાને આવ્યા ત્યારે સપનાઓનું શહેર થોડું વધુ ચમક્યું હતું. TV9 નેટવર્કના MD અને CEO બરુણ દાસ દ્વારા સંચાલિત 'ટેલેન્ટ બિયોન્ડ બોર્ડર્સ' શીર્ષક ધરાવતું બહુપ્રતિક્ષિત 'ઇન કન્વર્સેશન' સત્ર સ્ટારડમ, સર્વાઇવલ અને આત્મામાં એક હૃદયસ્પર્શી માસ્ટરક્લાસ બન્યો હતો.
અલ્લુ અર્જુને વાર્તા કહેવાના ક્ષેત્રમાં ભારતના વધતા વૈશ્વિક કથાનક માટે એક દીવાદાંડી તરીકે સમિટની પ્રશંસા કરી. "ભારતમાં હંમેશા આત્મા રહ્યો છે. હવે, આપણી પાસે સ્ટેજ છે," તેમણે તેજસ્વીતાથી કહ્યું. "મારું માનવું છે કે WAVES ભારત માટે સર્જનાત્મક સામગ્રીમાં વિશ્વનું નેતૃત્વ કરવા માટે એક લોન્ચિંગ પેડ બનશે."
પુષ્પા અભિનેતાએ જીવન બદલી નાખનાર ઘટના વિશે વાત કરી, જેના કારણે તેમને છ મહિના સુધી ફિલ્મોથી દૂર રહેવાની ફરજ પડી, તેથી વાતચીત ઘનિષ્ઠ બની ગઈ. "તે વિરામ એક આશીર્વાદ હતો," તેમણે કહ્યું. "તેનાથી મને સ્ટંટથી મારું ધ્યાન સાર તરફ વાળવામાં મદદ મળી. મને સમજાયું કે જેમ જેમ સ્નાયુઓ નબળા પડે છે તેમ તેમ નિપુણતા વધે છે. અભિનય મારી નવી સીમા બની ગયો."
અભિનેતાએ દિગ્દર્શક એટલી સાથેના તેમના આગામી પ્રોજેક્ટની પુષ્ટિ કરી, તેને "ભારતીય ભાવનામાં મૂળ એક દ્રશ્ય ભવ્યતા" ગણાવી. "અમે આંતરરાષ્ટ્રીય ટેકનોલોજીને દેશી આત્મા સાથે ભેળવી રહ્યા છીએ - ભારત માટે એક ફિલ્મ અને ભારતથી વિશ્વ માટે," તેમણે ઉત્સાહ સાથે કહ્યું હતું.
વાતચીતમાં સતત વિકસતા ઉદ્યોગમાં ટકી રહેવાના પડકારોનો પણ ઉલ્લેખ કરવામાં આવ્યો હતો. તેમણે સલાહ આપી, "દરેક ભાષામાં અપવાદરૂપ યુવા કલાકારો ઉભરી રહ્યા છે. તમારે પ્રમાણિક રહેવું જોઈએ, અસંતોષી બનવું જોઈએ અને બહુમુખી પ્રતિભા ધરાવનાર બનવું જોઈએ, તે માત્ર એક ઉદ્યોગ નથી, તે સર્જનાત્મકતા, સ્થિતિસ્થાપકતા અને વિકાસની યુદ્ધભૂમિ છે."
પરંતુ જ્યારે તેમણે પોતાના મૂળ વિશે વાત કરી, ત્યારે હોલમાં હાજર લોકોના શ્વાસ અધ્ધર થઈ ગયા. દરેક શબ્દમાં લાગણીઓ સાથે, અર્જુને તેમના પ્રતિષ્ઠિત પરિવારને શ્રદ્ધાંજલિ આપી હતી. તેમના દાદા અલ્લુ રામલિંગૈયા, પિતા અને નિર્માતા અલ્લુ અરવિંદ અને તેમના કાકા ચિરંજીવીએ આજીવન પ્રેરણા આપી. તેણે કબૂલ્યું "હું સ્વ-નિર્મિત માણસ નથી." "હું માર્ગદર્શન, ટેકો અને મારી આસપાસ મહાન લોકો સાથે મોટો થયો છું. હું ધન્ય છું."
જ્યારે તેમને તેમની તાકાત વિશે પૂછવામાં આવ્યું, ત્યારે તેમણે કહ્યું કે તે બધું ચાહકો માટે છે. "જ્યારે લાઇટ ઝાંખી પડે છે અને તાળીઓનો ગડગડાટ ઓછો થાય છે, ત્યારે તમે જ મને ઉંચો કરો છો. તમે જ મને યાદ કરાવો છો કે હું આ કેમ કરું છું. મારી ઉર્જા... તમે જ છો.
"પ્રધાનમંત્રી નરેન્દ્ર મોદી દ્વારા ઉદ્ઘાટન કરાયેલ, WAVES 2025ને ભારતની સર્જનાત્મક યાત્રામાં એક ઐતિહાસિક સીમાચિહ્નરૂપ માનવામાં આવી રહ્યું છે.
AP/IJ/GP/JT
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
Release ID:
(Release ID: 2126039)
| Visitor Counter:
60