ભારત સરકારની અનેક અગ્રણી યોજનાઓને પોસ્ટ ઓફિસ મારફતે મુખ્યત્વે અમલમાં મૂકવામાં આવી છે. ડાક વિભાગ 'ડિજિટલ ઇન્ડિયા' અને 'વિત્તીય સમાવેશન'ની કલ્પનાને સમાજના છેવાડાના વ્યક્તિ સુધી પહોંચાડવા માટે પ્રતિબદ્ધ છે. ઉપરોક્ત લાગણીઓ ઉત્તર ગુજરાત પરિક્ષેત્રના પોસ્ટમાસ્ટર જનરલ શ્રી કૃષ્ણ કુમાર યાદવે 6 મે, 2025ના રોજ નવરંગપુરા મુખ્ય પોસ્ટ ઓફિસ ભવનમાં નવનિર્મિત અમદાવાદ સિટી મંડળ કાર્યાલયના શુભારંભ  પ્રસંગે કર્યું. આ અવસરે પ્રવર ડાક અધીક્ષક શ્રી વિકાસ પાલવે અને ડેપ્યુટી અધિક્ષક શ્રી એસ.કે. વર્મા પણ હાજર રહ્યા. પ્રવર ડાક અધીક્ષક કાર્યાલય અને નવરંગપુરા મુખ્ય ડાકઘર બંને એક જ ભવનમાં સ્થિત હોવાના કારણે એકબીજામાં વધુ સારું સહકાર અને સંચાર સ્થાપિત થશે, જે સેવા ગુણવત્તામાં વધારો લાવશે. હવે પ્રવર ડાક અધીક્ષક અન્ય પોસ્ટ ઓફિસો સાથે મુખ્ય પોસ્ટ ઓફિસના કામકાજની સીધી દેખરેખ રાખી શકશે, જેના પરિણામે જવાબદારી અને કામગીરીમાં સુધારો થશે.

પોસ્ટમાસ્ટર જનરલ શ્રી કૃષ્ણ કુમાર યાદવે નવનિર્મિત પ્રવર ડાક અધિક્ષક કાર્યાલયમાં બેઠક યોજી અને ડાક સેવાઓની વિસ્તૃત સમીક્ષા કરી તેમજ નવરંગપુરા મુખ્ય ડાકઘર ની મુલાકાત લીધી. ડાક કર્મચારીઓ સાથે સંવાદ દરમિયાન તેમણે ગ્રાહકો પ્રત્યે સદાચાર રાખવા અને વિવિધ સેવાઓ માટે નક્કી કરાયેલા લક્ષ્યોની પ્રાપ્તિ પર ભાર મૂક્યો. લોકોની સુવિધા માટે, નવરંગપુરા હેડ પોસ્ટ ઓફિસમાં આધાર કાઉન્ટરનો સમય વધારવા અને તેને બે શિફ્ટમાં ચલાવવા સૂચના આપવામાં આવી. ડાકઘર નિર્યાત કેન્દ્રનો ઉદ્યોગસાહસિકોમાં વધુ પ્રચાર કરીને આંતરરાષ્ટ્રીય મેઇલ વ્યવસાયમાં વધારો કરવાની દિશામાં સૂચનાઓ આપી. પાર્સલ પેકેજિંગ યુનિટની ઉત્પાદન ક્ષમતા વધારવા પર પણ ભાર મૂક્યો. તેમણે ગયા નાણાકીય વર્ષમાં સમગ્ર ગુજરાતમાં સૌથી વધુ બચત ખાતા (2.62 લાખ) ખોલવા બદલ અમદાવાદની પ્રશંસા કરી. તાજેતરમાં શરૂ થયેલી "જ્ઞાન પોસ્ટ સેવા"ના માધ્યમથી વધુમાં વધુ લોકોને જોડાવા માટે પણ સૂચનાઓ આપી.

પ્રવર ડાક અધીક્ષક શ્રી વિકાસ પાલવે દ્વારા પોસ્ટમાસ્ટર જનરલ શ્રી કૃષ્ણ કુમાર યાદવનું સ્વાગત કરવામાં આવ્યું અને તેમને અમદાવાદ સિટી મંડળમાં ડાક સેવાઓની પ્રગતિ વિશે માહિતગાર કરવામાં આવ્યા. તેમણે જણાવ્યું કે ચાલુ નાણાકીય વર્ષ દરમિયાન બચત બેંક, ડાક જીવન વીમા, ઇન્ડિયા પોસ્ટ પેમેન્ટ્સ બેંક, સ્પીડ પોસ્ટ, પાર્સલ, આધાર વગેરે તમામ સેવાઓમાં ઉત્કૃષ્ટ કામગીરી માટે મંડળ પ્રતિબદ્ધ છે.

આ અવસરે સિનિયર પોસ્ટમાસ્ટર શ્રી એસ.કે. વર્મા, સહાયક ડાક અધિક્ષક શ્રી હાર્દિક રાઠોડ, શ્રી એસ.એન. ઘોરી, શ્રી અલ્કેશ પરમાર, શ્રી એચ.જે. પરીખ, શ્રી રમેશ ટી પટેલ, શ્રી રોનક શાહ, ડાક નિરીક્ષક શ્રી વિશાલ ચૌહાણ, શ્રી યથાર્થ દુબે સહિત અનેક અધિકારીઓ અને કર્મચારીઓ હાજર રહ્યા હતા.

(Release ID: 2127253)