કેન્દ્રીય ગૃહ અને સહકારિતા મંત્રી શ્રી અમિત શાહે આજે નવી દિલ્હીમાં નવા ઓવરસીઝ સિટીઝન ઓફ ઈન્ડિયા (OCI) પોર્ટલનું લોન્ચિંગ કર્યું હતું. આ પ્રસંગે કેન્દ્રીય ગૃહ સચિવ અને ગુપ્તચર બ્યૂરોના ડિરેક્ટર સહિત ગૃહ મંત્રાલયના વરિષ્ઠ અધિકારીઓ ઉપસ્થિત રહ્યા હતા.

આ પ્રસંગે કેન્દ્રીય ગૃહમંત્રી શ્રી અમિત શાહે જણાવ્યું હતું કે પ્રધાનમંત્રી શ્રી નરેન્દ્ર મોદીના નેતૃત્વમાં, ભારત તેના OCI કાર્ડધારક મૂળ નાગરિકોને વિશ્વસ્તરીય ઇમિગ્રેશન સુવિધાઓ પૂરી પાડવા માટે સતત પ્રયાસો કરી રહ્યું છે. તેમણે કહ્યું કે વિદેશી નાગરિકોની નોંધણીને સરળ બનાવવા માટે અદ્યતન યુઝર ઇન્ટરફેસ સાથે એક નવું OCI પોર્ટલ શરૂ કરવામાં આવ્યું છે. શ્રી શાહે એમ પણ કહ્યું કે ભારતીય મૂળના નાગરિકો વિશ્વના ઘણા દેશોમાં રહે છે અને આપણે ખાતરી કરવી જોઈએ કે તેમને ભારતમાં આવતા અને અહીં રહેતા કોઈપણ પ્રકારની અસુવિધાનો સામનો ન કરવો પડે.

આ નવું પોર્ટલ 50 લાખથી વધુ હાલના OCI કાર્ડધારકો અને નવા વપરાશકર્તાઓને સુધારેલ કાર્યક્ષમતા, ઉન્નત સુરક્ષા અને વપરાશકર્તા મૈત્રીપૂર્ણ અનુભવ પ્રદાન કરશે. નવું OCI પોર્ટલ હાલના URL: https://ociservices.gov.in પર ઉપલબ્ધ છે.

ઓવરસીઝ સિટિઝન ઓફ ઈન્ડિયા (OCI) કાર્ડહોલ્ડર સ્કીમ 2005માં નાગરિકતા અધિનિયમ, 1955 માં સુધારા દ્વારા રજૂ કરવામાં આવી હતી. આ યોજના ભારતીય મૂળના વ્યક્તિઓને ભારતના વિદેશી નાગરિકો તરીકે નોંધણી કરાવવાની જોગવાઈ કરે છે, જો તેઓ 26 જાન્યુઆરી, 1950ના રોજ અથવા તે પછી ભારતના નાગરિક હોય, અથવા તે તારીખે નાગરિક બનવા માટે લાયક હોય. જોકે, જે વ્યક્તિઓ પોતે, તેમના માતાપિતા, દાદા-દાદી અને પરદાદા-પૌત્રી પાકિસ્તાન અથવા બાંગ્લાદેશના નાગરિક છે અથવા રહી ચૂક્યા છે તેઓ પાત્ર નથી.

હાલમાં કાર્યરત OCI સર્વિસ પોર્ટલ 2013માં વિકસાવવામાં આવ્યું હતું અને આજે તે વિદેશમાં 180 થી વધુ ભારતીય મિશન તેમજ 12 વિદેશી પ્રાદેશિક નોંધણી કાર્યાલયો (FRRO) માં કાર્યરત છે, જે દરરોજ લગભગ 2000 અરજીઓની પ્રક્રિયા કરે છે. છેલ્લા દાયકામાં થયેલી નોંધપાત્ર ટેકનોલોજીકલ પ્રગતિ અને OCI કાર્ડધારકો તરફથી મળેલા પ્રતિસાદને ધ્યાનમાં રાખીને, હાલની ખામીઓને દૂર કરવા અને વપરાશકર્તા અનુભવને સુધારવા માટે એક નવું OCI પોર્ટલ વિકસાવવામાં આવ્યું છે.

નવા OCI સર્વિસીસ પોર્ટલમાં ઘણી વપરાશકર્તા-મૈત્રીપૂર્ણ સુવિધાઓનો સમાવેશ કરવામાં આવ્યો છે, જેમાં સામેલ છે:

કાર્યાત્મક સુવિધાઓ:

• વપરાશકર્તા સાઇન-અપ અને નોંધણી મેનુઓનું વિભાજન,

• નોંધણી ફોર્મમાં વપરાશકર્તા પ્રોફાઇલ વિગતો ઓટો-ફિલ,

• પૂર્ણ અને આંશિક રીતે ભરેલી અરજીઓ દર્શાવતું ડેશબોર્ડ,

• FRRO માં અરજી કરનારાઓ માટે સંકલિત ઓનલાઈન પેમેન્ટ ગેટવે,

• એપ્લિકેશન સ્ટેપ્સ દ્વારા સીમલેસ નેવિગેશન,

• અરજીના પ્રકાર પર આધારિત અપલોડ કરવાના જરૂરી દસ્તાવેજોનું વર્ગીકરણ,

• અરજદારને અરજી અંતિમ સબમિટ કરતા પહેલા કોઈપણ તબક્કે અરજીમાં ફેરફાર કરવાનો વિકલ્પ,

• પોર્ટલમાં સંકલિત વારંવાર પૂછાતા પ્રશ્નો (FAQ),

• અરજદારને અંતિમ સબમિશન પહેલાં માહિતી ચકાસવા માટે યાદ અપાવવું,

• પસંદ કરેલ અરજીના પ્રકાર પર આધારિત પાત્રતા માપદંડો અને જરૂરી દસ્તાવેજોનું પ્રદર્શન,

• અરજદારના ફોટોગ્રાફ્સ અને સહી અપલોડ કરવા માટે ઇન-બિલ્ટ ઇમેજ ક્રોપિંગ ટૂલ.

તકનીકી સુવિધાઓ:

• માળખાગત સુવિધાઓનું આધુનિકીકરણ

o નવીનતમ ઓપરેટિંગ સિસ્ટમ, એટલે કે RedHat 9 પર બહુવિધ વેબ સર્વર્સ અને લોડ બેલેન્સર્સ સાથે ઉચ્ચ ઉપલબ્ધતા.

• સોફ્ટવેર અને પ્લેટફોર્મ અપગ્રેડ

o ફ્રેમવર્ક અપડેટ: મલ્ટી-ડિવાઇસ સુસંગતતા માટે JDK, Struts 2.5.30 અને Bootstrap 5.3.0ના નવીનતમ સંસ્કરણોમાં ફેરફારો.

• અદ્યતન સુરક્ષા પ્રોટોકોલ

o SSL/TLS એન્ક્રિપ્શન: ડેટા ગોપનીયતા અને સુરક્ષા સુનિશ્ચિત કરવી

o નિયમિત ઘૂંસપેંઠ પરીક્ષણ અને પેચ મેનેજમેન્ટ

• પ્રક્રિયા ઓટોમેશન એકીકરણ

o પ્રક્રિયા ઓટોમેશન: બેકએન્ડ કામગીરી અને કાર્યપ્રવાહને સુવ્યવસ્થિત કરવું

• ડેટા મેનેજમેન્ટ

o ડેટા સ્ટોરેજ અને ઍક્સેસને કેન્દ્રિય અને ઑપ્ટિમાઇઝ કરો

• વપરાશકર્તા અનુભવ (UX) માં સુધારો

o રિસ્પોન્સિવ વેબડિઝાઇન: બધા ઉપકરણો માટે ઑપ્ટિમાઇઝ કરેલ

o ઝડપી લોડ સમય અને મોબાઇલ ઑપ્ટિમાઇઝેશન

• સાયબર સુરક્ષામાં વધારો

o મલ્ટી-ફેક્ટર ઓથેન્ટિકેશન (MFA)

o સર્વર હાર્ડનિંગ અને અદ્યત્તન AV એકીકરણ

AP/IJ/GP/JD