કેન્દ્રીય ગૃહમંત્રી શ્રી અમિત શાહના માર્ગદર્શન હેઠળ, ગૃહ મંત્રાલયે કેન્દ્રીય સશસ્ત્ર પોલીસ દળો (CAPF) અને આસામ રાઇફલ્સ (AR) ના અધિકારી પદથી નીચેના કર્મચારીઓને નિવૃત્તિના છેલ્લા દિવસે માનદ પદ આપવાનો મહત્વપૂર્ણ નિર્ણય લીધો છે.

પ્રધાનમંત્રી શ્રી નરેન્દ્ર મોદીના નેતૃત્વમાં લેવાયેલો આ ઐતિહાસિક નિર્ણય કોન્સ્ટેબલથી સબ-ઇન્સ્પેક્ટર સુધીના રેન્કથી નિવૃત્ત થતા કર્મચારીઓમાં આત્મસન્માન અને ગૌરવની ભાવના જગાડવા અને મનોબળ વધારવા માટે લેવામાં આવ્યો છે. આ અંતર્ગત, CAPF અને આસામ રાઇફલ્સમાં લાંબી મેરિટોરીયસ સેવા પછી નિવૃત્ત થનારા ઓફિસર રેન્ક (કોન્સ્ટેબલથી સબ-ઇન્સ્પેક્ટર સુધી) થી નીચેના કર્મચારીઓને નિવૃત્તિના છેલ્લા દિવસે કોઈ પણ નાણાકીય કે પેન્શનરી લાભ વિના ઓફિસર રેન્કથી એક રેન્ક ઉપર માનદ રેન્ક આપવામાં આવશે.

માનદ રેન્ક આપવા માટેના મુખ્ય પાત્રતા માપદંડ, નિયમો અને શરતો નીચે મુજબ હશે: -

પાત્રતા માપદંડ

1. કર્મચારીઓએ નિવૃત્તિ સમયે બઢતીના તમામ માપદંડો પૂર્ણ કરવા જોઈએ.

2. કર્મચારીઓનો સારો અને સ્વચ્છ સેવા રેકોર્ડ હોવો જોઈએ.

3. કર્મચારીઓના છેલ્લા 5 વર્ષનું APAR મૂલ્યાંકન ઓછામાં ઓછું 'સારું' હોવું જોઈએ.

4. કર્મચારીઓને છેલ્લા 5 વર્ષમાં કોઈ મોટી સજા આપવામાં આવી ન હોવી જોઈએ.

5. કર્મચારીઓની પ્રામાણિકતા શંકાની બહાર હોવી જોઈએ.

6. કર્મચારીઓની વિભાગીય તપાસ તકેદારી (DE/વિજિલન્સ) મંજૂરી ફરજિયાત છે.

નિયમો અને શરતો

1. માનદ પદ આપવા માટે સંબંધિત કમાન્ડિંગ ઓફિસરની ભલામણ હોવી જોઈએ.

2. કર્મચારીઓને નિવૃત્તિના દિવસે માનદ પદ આપવામાં આવશે.

3. માનદ પદ સાથે કોઈ નાણાકીય કે પેન્શનરી લાભો સ્વીકાર્ય રહેશે નહીં.

4. માનદ પદ ફક્ત ત્યારે જ આપવામાં આવશે જ્યાં આપવામાં આવનાર પદ તે કેડરમાં હોય જેમાં કર્મચારીનો સંબંધ હોય.

5. માનદ પદ આપવાથી કર્મચારીઓની આંતર-વરિષ્ઠતા પર કોઈ અસર પડશે નહીં.

કેન્દ્રીય સશસ્ત્ર પોલીસ દળો (CAPF) અને આસામ રાઇફલ્સ (AR)ના લાયક કર્મચારીઓને નીચે મુજબ માનદ પદ આપવામાં આવશે:

AP/IJ/GP/JD