કેન્દ્રીય નાણાં અને કોર્પોરેટ બાબતોના મંત્રી શ્રીમતી નિર્મલા સીતારમણ 30 જૂનથી 5 જુલાઈ 2025 દરમિયાન સ્પેન, પોર્ટુગલ અને બ્રાઝિલની સત્તાવાર મુલાકાતે જશે, જ્યાં નાણાં મંત્રાલયના આર્થિક બાબતોના વિભાગના ભારતીય પ્રતિનિધિમંડળનું નેતૃત્વ કરશે.

સ્પેનના સેવિલેની તેમની મુલાકાત દરમિયાન, કેન્દ્રીય નાણાં પ્રધાન સંયુક્ત રાષ્ટ્ર દ્વારા આયોજિત ચોથા આંતરરાષ્ટ્રીય વિકાસ માટે નાણાકીય સંમેલન (FFD4)માં હાજરી આપશે અને ભારત તરફથી નિવેદન આપશે.

કેન્દ્રીય નાણાં પ્રધાન સેવિલેમાં "FFD4થી પરિણામ સુધી અમલીકરણ: ટકાઉ વિકાસ માટે ખાનગી મૂડીની સંભાવનાને અનલોકિંગ" થીમ પર આંતરરાષ્ટ્રીય વ્યાપાર મંચ નેતૃત્વ સમિટમાં પણ હાજરી આપશે અને મુખ્ય ભાષણ આપશે. FFD4 દરમિયાન શ્રીમતી સીતારમણ જર્મની, પેરુ અને ન્યુઝીલેન્ડના વરિષ્ઠ મંત્રીઓ અને યુરોપિયન ઇન્વેસ્ટમેન્ટ બેંક (EIB)ના પ્રમુખને મળશે.

પોર્ટુગલના લિસ્બનની તેમની મુલાકાત દરમિયાન કેન્દ્રીય નાણાં પ્રધાન પોર્ટુગલના નાણાં પ્રધાન સાથે દ્વિપક્ષીય બેઠક કરશે, ઉપરાંત મુખ્ય રોકાણકારો અને ભારતીય ડાયસ્પોરા સાથે વાતચીત કરશે.

રિયો ડી જાનેરોમાં, કેન્દ્રીય નાણાં પ્રધાન ભારતના ગવર્નર તરીકે ન્યૂ ડેવલપમેન્ટ બેંક (NDB)ની 10મી વાર્ષિક બેઠકને સંબોધિત કરશે અને BRICS નાણા પ્રધાનો અને સેન્ટ્રલ બેંક ગવર્નર્સ મીટિંગ (FMCBG)માં પણ ભાગ લેશે.

NDB મીટિંગના ભાગ રૂપે શ્રીમતી સીતારમણ NDB ફ્લેગશિપ ગવર્નર્સ સેમિનાર દરમિયાન "બિલ્ડિંગ અ પ્રિમિયર મલ્ટીનેશનલ ડેવલપમેન્ટ બેંક ફોર ધ ગ્લોબલ સાઉથ” થીમ પર પણ સંબોધન કરશે.

NDB અંતર્ગત બેઠકોમાં કેન્દ્રીય નાણાં પ્રધાન બ્રાઝિલ, ચીન, ઇન્ડોનેશિયા અને રશિયાના તેમના સમકક્ષો સાથે દ્વિપક્ષીય બેઠકો પણ કરશે.

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com