ભાડા માળખાને સુવ્યવસ્થિત કરવા અને મુસાફરોની સેવાઓની નાણાકીય ટકાઉપણું વધારવાના ઉદ્દેશ્ય સાથે, રેલવે મંત્રાલયે 1 જુલાઈ 2025થી પેસેન્જર ટ્રેન સેવાઓના મૂળભૂત ભાડામાં તર્કસંગતતા લાવી છે. સુધારેલા ભાડા ઇન્ડિયન રેલ્વે કોન્ફરન્સ એસોસિએશન (IRCA) દ્વારા બહાર પાડવામાં આવેલા અપડેટેડ પેસેન્જર ભાડા કોષ્ટક પર આધારિત છે.

ભાડા તર્કસંગતતાની મુખ્ય લાક્ષણિકતાઓ (1 જુલાઈ 2025થી અમલમાં):

ઉપનગરીય સિંગલ જર્ની ભાડા અને સીઝન ટિકિટ (ઉપનગરીય અને બિન-ઉપનગરીય બંને રૂટ માટે)માં કોઈ ફેરફાર કરવામાં આવ્યો નથી.

સામાન્ય નોન-એસી ક્લાસ (નોન-સબર્બન ટ્રેનો) માટે:

• બીજા વર્ગ: અંતરના આધારે, પ્રતિ કિલોમીટર અડધા પૈસાનો વધારો
• 500 કિમી સુધી કોઈ વધારો નહીં
• 501થી 1500 કિમીના અંતર માટે 5 રૂપિયાનો વધારો
• 1501થી 2500 કિમીના અંતર માટે 10 રૂપિયાનો વધારો
• 2501થી 3000 કિમીના અંતર માટે 15 રૂપિયાનો વધારો
• સ્લીપર ક્લાસ: પ્રતિ કિલોમીટર 0.5 પૈસાનો વધારો
• ફર્સ્ટ ક્લાસ: પ્રતિ કિલોમીટર 0.5 પૈસાનો વધારો

મેલ/એક્સપ્રેસ ટ્રેનો (નોન-એસી) માટે:

• બીજા વર્ગ: પ્રતિ કિલોમીટર 01 પૈસાનો વધારો
• સ્લીપર ક્લાસ: પ્રતિ કિલોમીટર 01 પૈસાનો વધારો
• ફર્સ્ટ ક્લાસ: પ્રતિ કિલોમીટર 01 પૈસાનો વધારો

એસી ક્લાસ (મેલ/એક્સપ્રેસ ટ્રેનો) માટે:

એસી ચેર કાર, એસી 3-ટાયર/3-ઇકોનોમી, એસી 2-ટાયર, અને એસી ફર્સ્ટ/એક્ઝિક્યુટિવ ક્લાસ/એક્ઝિક્યુટિવ અનુભૂતિ: પ્રતિ કિલોમીટર 02 પૈસાનો વધારો

સુધારેલા વર્ગવાર ભાડા માળખા મુજબ ભાડામાં સુધારો રાજધાની, શતાબ્દી, દુરંતો, વંદે ભારત, તેજસ, હમસફર, અમૃત ભારત, મહામાના, ગતિમાન, અંત્યોદય, જન શતાબ્દી, યુવા એક્સપ્રેસ, એસી વિસ્ટાડોમ કોચ, અનુભૂતિ કોચ અને સામાન્ય બિન-ઉપનગરીય સેવાઓ જેવી ફ્લેગશિપ અને સ્પેશિયલ ટ્રેન સેવાઓ પર પણ લાગુ પડશે.

આનુષંગિક શુલ્કમાં કોઈ ફેરફાર નહીં:

• રિઝર્વેશન શુલ્ક, સુપરફાસ્ટ સરચાર્જ અને અન્ય શુલ્ક યથાવત રહેશે.
• નિયમો મુજબ જીએસટી લાગુ રહેશે.
• ભાડા રાઉન્ડિંગ સિદ્ધાંતો હાલના ધોરણો મુજબ રહેશે.

અમલીકરણ

સુધારેલા ભાડા 01.07.2025ના રોજ અથવા તે પછી બુક કરાયેલી ટિકિટો પર લાગુ થશે. આ તારીખ પહેલા જારી કરાયેલી ટિકિટો ભાડામાં કોઈ સુધારો કર્યા વિના હાલના ભાડા પર માન્ય રહેશે. PRS, UTS અને મેન્યુઅલ ટિકિટિંગ સિસ્ટમ્સને તે મુજબ અપડેટ કરવામાં આવી રહી છે.

રેલવે મંત્રાલયે સુધારેલા ભાડા માળખાના સરળ અમલીકરણની ખાતરી કરવા માટે તમામ ઝોનલ રેલ્વેને જરૂરી સૂચનાઓ જારી કરી છે. ઝોનલ રેલ્વેને બધા સ્ટેશનો પર ભાડા પ્રદર્શન અપડેટ કરવાનો પણ નિર્દેશ આપવામાં આવ્યો છે.

સુધારેલા મુસાફરોના ભાડા કોષ્ટક જોવા માટે અહીં ક્લિક કરો.

AP/IJ/GP/JD