ભારતીય નૌકાદળના સ્વદેશી રીતે ડિઝાઇન અને નિર્મિત સર્વે જહાજ, લાર્જ (SVL) INS સંધ્યાકે હાઇડ્રોગ્રાફિક સહયોગ માટે 16 થી 19 જુલાઈ 2025 દરમિયાન મલેશિયાના પોર્ટ ક્લાંગની પ્રથમ બંદર મુલાકાત લીધી હતી. આ મુલાકાત ભારતીય નૌકાદળના હાઇડ્રોગ્રાફિક વિભાગ (INHD) અને રાષ્ટ્રીય હાઇડ્રોગ્રાફિક કાર્યાલયના માળખા હેઠળ પ્રાદેશિક હાઇડ્રોગ્રાફિક ક્ષમતા નિર્માણમાં ભારતની વધતી ભૂમિકાને પ્રતિબિંબિત કરે છે.

પ્રથમ સ્વદેશી રીતે ડિઝાઇન અને નિર્મિત સંધ્યાક વર્ગનું હાઇડ્રોગ્રાફિક સર્વે જહાજ, INS સંધ્યાક ફેબ્રુઆરી 2024માં કાર્યરત થયું હતું. આ જહાજ દરિયાકાંઠા અને ઊંડા પાણીના સર્વેક્ષણો હાથ ધરવા, સમુદ્રી માહિતી એકત્રિત કરવાની ક્ષમતા ધરાવે છે અને હેલિકોપ્ટર અને હોસ્પિટલ ફરજો સાથે શોધ અને બચાવ (SAR)/માનવતાવાદી કામગીરી કરવા સક્ષમ છે.

ક્લાંગ બંદરની આ જહાજની પહેલી મુલાકાતનો ઉદ્દેશ્ય સર્વેક્ષણ તકનીકોની વહેંચણી અને સતત હાઇડ્રોગ્રાફિક સપોર્ટ જેવા સંકલિત સહયોગ દ્વારા ટેકનિકલ વિનિમયને સરળ બનાવવા અને સંસ્થાકીય જોડાણોને મજબૂત બનાવવાનો છે.

મુલાકાત દરમિયાનની મુખ્ય પ્રવૃત્તિઓમાં સઘન જ્ઞાન વિનિમય સત્રો, સત્તાવાર સ્વાગત અને આંતરરાષ્ટ્રીય સદ્ભાવનાને પ્રોત્સાહન આપવા અને મહાસાગર (પ્રદેશમાં સુરક્ષા અને વિકાસ માટે પરસ્પર અને સમાવેશી પ્રગતિ) અભિગમ પર જાગૃતિ લાવવાના કાર્યક્રમોનો સમાવેશ થાય છે. આ મુલાકાત પ્રાદેશિક દરિયાઈ સહયોગ પ્રત્યે ભારતની પ્રતિબદ્ધતાની પુનઃપુષ્ટિ કરે છે.

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com