पंतप्रधान कार्यालय
देशभक्त भारतीयांनी काकोरी येथे दाखवलेल्या शौर्याच्या शताब्दीनिमित्त पंतप्रधान नरेंद्र मोदी यांनी वीरांना वाहिली आदरांजली
Posted On:
09 AUG 2025 5:06PM by PIB Mumbai
नवी दिल्ली, 9 ऑगस्ट 2025
पंतप्रधान नरेंद्र मोदी यांनी आज काकोरी घटनेच्या शताब्दीपूर्ती दिनानिमित्त या साहसी कार्यात सहभागी झालेल्या भारतीयांच्या शौर्य आणि देशभक्तीला अभिवादन केले.
शंभर वर्षांपूर्वी काकोरी येथे देशभक्त भारतीयांनी दाखवलेले शौर्य, हे त्या काळातील जनतेच्या वसाहतवादी सत्तेविरुद्धच्या तीव्र असंतोषाचे प्रतीक होते असे पंतप्रधान म्हणाले. वसाहतवादी राजवट लोकांच्या पैशाचा वापर त्यांचे शोषण करण्यासाठीच करत असल्यामुळे जनता संतप्त होती, हे त्यांनी अधोरेखित केले.
या देशभक्तांचे शौर्य भारतीय लोक नेहमी स्मरणात ठेवतील असे पंतप्रधान म्हणाले. या देशभक्तांचे स्वप्न पूर्ण करून मजबूत आणि समृद्ध भारत घडवण्याच्या सरकारच्या वचनबद्धतेचा पंतप्रधानांनी पुनरुच्चार केला.
एक्स या समाज माध्यमावरील एका संदेशात पंतप्रधानांनी लिहिले आहे ;
"शंभर वर्षांपूर्वी आजच्याच दिवशी, काकोरी येथे देशभक्त भारतीयांनी दाखवलेले शौर्य हे वसाहतवादी सत्तेविरोधात जनतेच्या मनातील असंतोषाचे प्रतीक होते. लोकांच्या पैशाचा वापर वसाहतवादी राजवट शोषण करण्यासाठी करत असल्यामुळे जनता संतप्त होती. या देशभक्तांचे शौर्य भारतातील लोक नेहमीच स्मरणात ठेवतील. मजबूत आणि समृद्ध भारत घडवण्यासाठी आम्ही या देशभक्तांच्या स्वप्नांच्या पूर्ततेसाठी सातत्याने कार्य करत राहू.”
* * *
शैलेश पाटील/श्रद्धा मुखेडकर/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2154678)
Visitor Counter : 14
Read this release in:
English
,
Urdu
,
हिन्दी
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam