નેશનલ કોઓપરેટિવ ઓર્ગેનિકસ લિમિટેડ (NCOL) એ ઘઉં, ડાંગર અને કઠોળના ઓર્ગેનિક ઉત્પાદકોને લાભ આપવા માટે ઘણી પહેલ કરી છે. આમાં સામેલ છે:

1. ખેડૂતોને ઓર્ગેનિક ઉત્પાદન માટે સીધા ભાવ પ્રીમિયમ પૂરું પાડવું, જેનાથી પરંપરાગત ભાવો કરતાં વધુ સારી પ્રાપ્તિ સુનિશ્ચિત થાય. ખાસ કરીને, NCOL ચૂકવે છે:

• ઓર્ગેનિક ડાંગર માટે પ્રતિ કિલો પ્રીમિયમ રૂ. 5,
• ઓર્ગેનિક તુવેર (અરહર) માટે પ્રતિ કિલો પ્રીમિયમ રૂ. 5,
• ઓર્ગેનિક ઘઉં માટે પ્રતિ કિલો પ્રીમિયમ રૂ. 2

2. "ભારત ઓર્ગેનિકસ" બ્રાન્ડ નામ હેઠળ રિટેલ સંસ્થાકીય ખરીદદારો દ્વારા બજાર જોડાણોને સરળ બનાવવું.

3. મધ્યસ્થીઓને દૂર કરવા અને પારદર્શક ખરીદી સુનિશ્ચિત કરવા માટે ખેડૂત જૂથો (ICs), ખેડૂત ઉત્પાદક સંગઠનો (FPOs), સહકારી સંસ્થાઓ અને પ્રમાણિત ક્લસ્ટરો સાથે સીધા જોડાણ.

IV. ઓર્ગેનિક પ્રથાઓ, પાલન અંગે ખેડૂતોના જ્ઞાનને વધારવા માટે તાલીમ કાર્યક્રમો.

NCOL, તેની લાંબા ગાળાની જોડાણ વ્યૂહરચનાના ભાગ રૂપે, ઓર્ગેનિક ઘઉં, ડાંગર અને તુવેરની ખેતી માટે લાંબા ગાળાના ધોરણે ખેડૂતો સાથે સક્રિય રીતે જોડાવાની યોજના ધરાવે છે.

નેશનલ કોઓપરેટિવ ઓર્ગેનિક્સ લિમિટેડ (NCOL)એ નીચેના પગલાં શરૂ કર્યા છે:

1. મુખ્ય ઓર્ગેનિક ઉત્પાદક રાજ્યોમાં NPOP-પ્રમાણિત ઓર્ગેનિક FPO, સહકારી સંસ્થાઓ અને PACS સાથે લાંબા ગાળાની ખરીદી વ્યવસ્થા કરવામાં આવી છે.
2. ખેડૂતોને સારી આવક સુનિશ્ચિત કરવા માટે પ્રીમિયમ કિંમત ચૂકવવામાં આવી છે.
3. ઓર્ગેનિક ઉત્પાદનોના એકત્રીકરણ, માળખાગત સુવિધા સહાય અને બજાર પ્રોત્સાહન માટે NCDC, NDDB, NAFED અને અન્ય એજન્સીઓ સાથે સહયોગ.
4. આ પગલાં ખેડૂતોના ઓર્ગેનિક ઉત્પાદનો, ભાવ સ્થિરતા અને ટકાઉ આવક વધારવાના હેતુથી છે.

આ માહિતી સહકારિતા મંત્રી શ્રી અમિત શાહે રાજ્યસભામાં એક પ્રશ્નના લેખિત જવાબમાં આપી હતી.

SM/NP/GP/JD

(Release ID: 2158427)