ప్రధాన మంత్రి కార్యాలయం
బీహార్లోని రాజ్గిర్లో జాతీయ క్రీడా దినోత్సవం నాడు పురుషుల హాకీ ఆసియా కప్ 2025 మొదలవుతున్న సందర్భంగా ప్రధాని శుభాకాంక్షలు
Posted On:
28 AUG 2025 8:25PM by PIB Hyderabad
బీహార్లోని చారిత్రక నగరం రాజ్గిర్లో జాతీయ క్రీడా దినోత్సమైన ఆగస్టు 29న ప్రారంభమయ్యే పురుషుల హకీ ఆసియా కప్ 2025లో ఆసియా వ్యాప్తంగా పాల్గొనే జట్లు, క్రీడాకారులు, అధికారులు, వారి అభిమానులకు ప్రధానమంత్రి శ్రీ నరేంద్ర మోదీ హృదయపూర్వక శుభాకాంక్షలు తెలియజేశారు. ఖేలో ఇండియా యూత్ గేమ్స్ 2025, ఆసియా రగ్బీ యూ20 సెవెన్స్ ఛాంపియన్షిప్ 2025, ఐఎస్టీఏఎఫ్ సెపక్తక్రా ప్రపంచ కప్ 2024, మహిళ ఏషియన్ ఛాంపియన్స్ ట్రోపీ 2024 లాంటి కీలకమైన టోర్నమెంట్లను నిర్వహించడం ద్వారా ఇటీవలి కాలంలో శక్తిమంతమైన క్రీడాకేంద్రంగా తనదైన ముద్ర వేసిన బీహార్ను అమిభనందించారు.
సామాజిక మాధ్యమం ఎక్స్లో పోస్ట్ చేసిన థ్రెడ్లో ప్రధాని ఇలా అన్నారు:
‘‘రేపు, ఆగస్టు 29న (ఆ రోజు జాతీయ క్రీడా దినోత్సవం, మేజర్ ధ్యాన్చంద్ జయంతి కూడా) పురుషుల హాకీ ఆసియా కప్ 2025 బీహార్లోని చారిత్రక నగరం రాజ్గిర్లో ప్రారంభమవుతుంది. ఆసియా వ్యాప్తంగా ఈ పోటీల్లో పాల్గొంటున్న జట్లు, క్రీడాకారులు, అధికారులు, వారి అభిమానులకు నా శుభాకాంక్షలు తెలియజేస్తున్నా.’’
‘‘భారత్, ఆసియా వ్యాప్తంగా మిలియన్ల మంది హృదయాల్లో హాకీకి ప్రత్యేక స్థానం ఉంది. భవిష్యత్తు తరాలకు చెందిన క్రీడా ప్రేమికులకు ఉత్కంఠభరితమైన మ్యాచులు, అత్యుత్తమ ప్రతిభా ప్రదర్శనలు, గుర్తుండిపోయే క్షణాలు ఈ టోర్నమెంట్లో ఉంటాయని నేను విశ్వసిస్తున్నాను.’’
‘‘పురుషుల హాకీ ఆసియా కప్ 2025కు బీహార్ ఆతిథ్యమివ్వడం సంతోషించదగ్గ విషయం. ఖేలో ఇండియా యూత్ గేమ్స్ 2025, ఆసియా రగ్బీ యూ20 సెవెన్స్ ఛాంపియన్షిప్ 2025, ఐఎస్టీఏఎఫ్ సెపక్తక్రా ప్రపంచ కప్ 2024, మహిళ ఏషియన్ ఛాంపియన్స్ ట్రోపీ 2024 లాంటి కీలకమైన టోర్నమెంట్లకు ఆతిథ్యమివ్వడం ద్వారా బీహార్ శక్తిమంతమైన క్రీడా కేంద్రంగా మారింది. ఈ నిరంతరం వేగం.. బీహార్లో పెరుగుతున్న మౌలిక వసతులు, క్షేత్ర స్థాయిలో ఉత్సాహం, వివిధ క్రీడా విభాగాల్లో ప్రతిభను ప్రోత్సహించడంలో చిత్తశుద్ధిని ప్రతిబింబిస్తోంది.’’
***
(Release ID: 2161725)
Visitor Counter : 29
Read this release in:
English
,
Urdu
,
Hindi
,
Marathi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam