ભારતીય પ્રબંધન સંસ્થાન જમ્મુએ ઓગસ્ટ એકોત્રીસ, બે હજાર પચ્ચીસના રોજ અમદાવાદ ખાતે વિવાંતા હોટલમાં અમદાવાદ રાઉન્ડટેબલ કોન્ફરન્સનું આયોજન કર્યું, જેમાં પ્રખર નીતિ-નિર્માતાઓ, ઉદ્યોગ જગતના અગ્રણીઓ અને શૈક્ષણિક ક્ષેત્રના પ્રતિષ્ઠિત અધ્યાપકો એકત્રિત થયા. આ રાઉન્ડટેબલ કોન્ફરન્સનો હેતુ શૈક્ષણિક ક્ષેત્ર અને ઉદ્યોગ જગત વચ્ચે સહયોગ મજબૂત કરવાનો, વર્કફોર્સની તૈયારીઓને વધારવાનો અને મેનેજમેન્ટ શિક્ષણમાં પ્રાયોગિક સમજણનો સમાવેશ કરવાનો હતો. આ કોન્ફરન્સની આગેવાની ભારતીય પ્રબંધન સંસ્થાન જમ્મુના ડિરેક્ટર પ્રોફેસર બી. એસ. સહાય સહિત અનેક ઉદ્યોગ પ્રતિનિધિઓએ કરી. કાર્યક્રમનો પ્રારંભ નોંધણી, દીપ પ્રજ્વલન અને પરિચયાત્મક વીડિયો સાથે થયો.

પ્રોફેસર બી. એસ. સહાય, ડિરેક્ટર, ભારતીય પ્રબંધન સંસ્થાન જમ્મુએ સંસ્થાની અદભૂત વૃદ્ધિ યાત્રા તથા શૈક્ષણિક શિક્ષણ અને ઉદ્યોગજગત વચ્ચેના મજબૂત ભાગીદારીથી વાસ્તવિક જીવનમાં તેનો ઉપયોગ સુનિશ્ચિત કરવા માટેની અડગ પ્રતિબદ્ધતાની ઉજાગર કરી. તેમણે જણાવ્યું કે આવા સહયોગો એક ગતિશીલ અને ભવિષ્યમુખી શિક્ષણ વ્યવસ્થા ગઢવામાં મહત્વપૂર્ણ છે, જે વિદ્યાર્થીઓને બૌદ્ધિક રીતે મજબૂત બનાવે છે અને ઉદ્યોગજગતમાં કામ કરવા માટે તૈયાર કરે છે. તેમણે માનનીય પ્રધાનમંત્રી શ્રી નરેન્દ્ર મોદીજી દ્વારા દર્શાવેલ વર્ષ બાવીસ સો સત્તાળીસ સુધી ભારતને વિકસિત દેશ બનાવવાની દ્રષ્ટિ પર પ્રકાશ નાખ્યો અને રોજગાર સર્જન માટે ઉદ્યોગસાહસિકતા પ્રોત્સાહિત કરતી પ્રોજેક્ટ યુવા જેવી પહેલોની ચર્ચા કરી. તેમણે દરેક હિતધારકોને રાષ્ટ્રીય વિકાસના દ્રષ્ટિકોણ સાથે પોતાના લક્ષ્યોને સંકળાવવા આહ્વાન કર્યું.

તેમણે ભારતીય પ્રબંધન સંસ્થાન જમ્મુની આંતરરાષ્ટ્રીય સ્તરે પ્રાપ્ત બે પ્રતિષ્ઠિત માન્યતાઓ – બિ. જી. એ. ઇન્સ્ટિટ્યુશનલ એક્રેડિટેશન અને ઈ. એફ. એમ. ડી. પ્રોગ્રામ એક્રેડિટેશન (એમ.બી.એ. કાર્યક્રમ માટે) – એક જ વર્ષે પ્રાપ્ત કરવાની સિદ્ધિની પણ ચર્ચા કરી. આ સિદ્ધિ ભારતીય પ્રબંધન સંસ્થાન જમ્મુને દેશની ટોચની પાંચ આઈ.આઈ.એમ.માં સ્થાન અપાવે છે અને તેને એકમાત્ર સેકન્ડ અને થર્ડ જનરેશન આઈ.આઈ.એમ. બનાવે છે જેણે બંને માન્યતાઓ પ્રાપ્ત કરી છે, જે વૈશ્વિક સ્તરે મેનેજમેન્ટ શિક્ષણમાં શ્રેષ્ઠતા હાંસલ કરવાના માર્ગ પર એક મહત્વપૂર્ણ માઈલસ્ટોન છે.

અમદાવાદ રાઉન્ડટેબલ કોન્ફરન્સમાં બે સક્રિય પેનલ ચર્ચાઓ યોજાઈ.

પ્રથમ પેનલ, જેનું સંચાલન પ્રોફેસર પી.પી. મહેશ્વરી, પ્રોફેસર ઑફ પ્રેક્ટિસ, ભારતીય પ્રબંધન સંસ્થાન જમ્મુએ કર્યું, તેનું વિષય હતું – “પુસ્તકોની બહારનું શીખવું: શિક્ષણને વધુ પ્રાયોગિક બનાવવા માટે ઉદ્યોગની ભૂમિકા”. આ પેનલમાં ડૉક્ટર જયદીપ ચૌધરી (ડિરેક્ટર, પ્રોડક્ટ માર્કેટિંગ, ઈઇન્ફોચિપ્સ), સુશ્રી શિલ્પા સેજપાલ (ડેપ્યુટી મેનેજર માનવ સંસાધન, ડિશમેન કાર્બોજન એમસિસ લિમિટેડ), સુશ્રી માયૂરી શ્રીવાસ્તવ (ડેપ્યુટી વાઇસ પ્રેસિડન્ટ, લર્નિંગ એન્ડ ડેવલપમેન્ટ, ટાટા એ.આઈ.જી. જનરલ ઈન્શ્યોરન્સ કંપની લિમિટેડ), શ્રી ચૈનસિંહ રાઠોડ (વાઇસ પ્રેસિડન્ટ – ટેલેન્ટ એક્વિઝિશન, ગેટવે ગ્રુપ), શ્રી ધીરજ વી અડવાણી (મુખ્‍ય માનવ સંસાધન અધિકારી, કે.ડી. હૉસ્પિટલ્સ), અને શ્રી અજીત સિંહ (મેનેજર – કોર્પોરેટ બેન્કિંગ, આઈ.સી.આઈ.સીઆઈ. બેન્ક, ભારતીય પ્રબંધન સંસ્થાન જમ્મુ પૂર્વ વિદ્યાર્થી) જેવા અગ્રણીઓ સામેલ રહ્યા. ચર્ચામાં ઈન્ટર્નશિપ, જીવંત પ્રોજેક્ટ, સંશોધન અને ઉદ્યોગ અનુભવ દ્વારા સિદ્ધાંત અને પ્રયોગ વચ્ચેનો અંતર દૂર કરવાની જરૂરિયાત પર ભાર મુકાયો હતો.

બીજી પેનલ, જેનું સંચાલન ડૉક્ટર અપુર્વા, ફેકલ્ટી, ભારતીય પ્રબંધન સંસ્થાન જમ્મુએ કર્યું, તેનું વિષય હતું – “આવતીકાલના નેતાઓનું નિર્માણ: યુવા પ્રતિભામાં ઉદ્યોગની જરૂરિયાતો”. આ પેનલમાં શ્રી રાહુલ પુનિયા (સીનિયર ડિરેક્ટર, પ્રોટિવિટી ગ્લોબલ), શ્રી અરણી ચેટર્જી (પ્રેસિડન્ટ અને મુખ્‍ય જોખમ અધિકારી, કેડિલા ફાર્માસ્યુટિકલ્સ લિમિટેડ), સુશ્રી નેહા લાલ (હેલ્થકેર મેનેજમેન્ટ લીડર, અદાણી હેલ્થકેર વેન્ચર્સ), ડૉક્ટર શીતલ થોમસ (રિસર્ચ હેડ અને એસોસિએટ પ્રોફેસર, પરૂલ યુનિવર્સિટી, ભારતીય પ્રબંધન સંસ્થાન જમ્મુ પૂર્વ વિદ્યાર્થી), અને સુશ્રી મૃણાલિની મિનાલ (મેનેજર, મુખ્ય કાર્યકારી અધિકારી કચેરી, અદાણી એરપોર્ટ, ભારતીય પ્રબંધન સંસ્થાન જમ્મુ પૂર્વ વિદ્યાર્થી) સામેલ રહ્યા. આ ચર્ચામાં અનુકૂલનક્ષમતા, સમસ્યા-સમાધાન અને નેતૃત્વ ક્ષમતા જેવા ગુણોને નવા યુવા વ્યાવસાયિકોમાં પ્રાથમિક ગણાવવામાં આવ્યા.

કોન્ફરન્સનું સમાપન આભાર પ્રસ્તાવ સાથે થયું, ત્યારબાદ રાષ્ટ્રીય ગીત અને નેટવર્કિંગ લંચનું આયોજન થયું. આ પ્રસંગે ઉદ્યોગના અગ્રણીઓ, કોર્પોરેટ પ્રતિનિધિઓ, અધ્યાપકો અને ભારતીય પ્રબંધન સંસ્થાન જમ્મુના ઈન્ડસ્ટ્રી ઇન્ટરએકશન સેલ તથા પ્લેસમેન્ટ કમિટી સાથે જોડાયેલા વિદ્યાર્થીઓએ ઉત્સાહપૂર્વક ભાગ લીધો.

અમદાવાદ રાઉન્ડટેબલ કોન્ફરન્સે મેનેજમેન્ટ શિક્ષણને દેશની આર્થિક જરૂરિયાતો સાથે સુસંગત બનાવવાના ભારતીય પ્રબંધન સંસ્થાન જમ્મુના મિશનને વધુ મજબૂત બનાવ્યું છે અને સંસ્થા માટે શૈક્ષણિક અભ્યાસ અને ઉદ્યોગપ્રયોગ વચ્ચેના પુલ તરીકેની ભૂમિકાને વધુ અસરકારક બનાવ્યું છે, જેથી વિદ્યાર્થીઓ, સંસ્થાઓ અને ઉદ્યોગ જગતને ફાયદો થાય તેવા પરિણામો અને ભાગીદારી ઉભી થાય.

(Release ID: 2161847) Visitor Counter : 34