પ્રધાનમંત્રીનું કાર્યાલય
પ્રધાનમંત્રી નરેન્દ્ર મોદીએ યુરોપિયન કાઉન્સિલના પ્રમુખ એન્ટોનિયો કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયન સાથે સંયુક્ત ટેલિફોન કોલ કર્યો
નેતાઓએ વેપાર, ટેકનોલોજી, રોકાણ, નવીનતા, ટકાઉપણું, સંરક્ષણ, સુરક્ષા અને પુરવઠા શૃંખલા સ્થિતિસ્થાપકતા જેવા મુખ્ય ક્ષેત્રોમાં દ્વિપક્ષીય સંબંધોમાં પ્રગતિનું સ્વાગત કર્યુ
નેતાઓએ ભારત-EU FTA ના વહેલા નિષ્કર્ષ માટે પ્રતિબદ્ધતાને પુનઃપુષ્ટિ કરી
નેતાઓએ યુક્રેનમાં સંઘર્ષનો અંત લાવવાના પ્રયાસો પર વિચારોનું આદાનપ્રદાન કર્યું
પ્રધાનમંત્રીએ આગામી ભારત-EU સમિટ માટે બંને નેતાઓને ભારતમાં આમંત્રણ આપ્યું
प्रविष्टि तिथि:
04 SEP 2025 6:29PM by PIB Ahmedabad
આજે, પ્રધાનમંત્રી શ્રી નરેન્દ્ર મોદીએ યુરોપિયન કાઉન્સિલના પ્રમુખ મહામહિમ એન્ટોનિયો કોસ્ટા અને યુરોપિયન કમિશનના પ્રમુખ મહામહિમ ઉર્સુલા વોન ડેર લેયન સાથે સંયુક્ત ટેલિફોન કોલ કર્યો હતો.
વિશ્વની સૌથી મોટી લોકશાહી શક્તિઓ તરીકે, ભારત અને EU વિશ્વાસ, સહિયારા મૂલ્યો અને ભવિષ્ય માટે એક સામાન્ય દ્રષ્ટિકોણ પર બનેલા મજબૂત અને ગાઢ સંબંધો ધરાવે છે. નેતાઓએ વૈશ્વિક મુદ્દાઓને સંયુક્ત રીતે સંબોધવામાં, સ્થિરતાને પ્રોત્સાહન આપવા અને પરસ્પર સમૃદ્ધિ માટે નિયમો-આધારિત વ્યવસ્થાને પ્રોત્સાહન આપવામાં ભારત-EU વ્યૂહાત્મક ભાગીદારીની ભૂમિકા પર ભાર મૂક્યો હતો.
નેતાઓએ વેપાર, ટેકનોલોજી, રોકાણ, નવીનતા, ટકાઉપણું, સંરક્ષણ, સુરક્ષા અને પુરવઠા શૃંખલા સ્થિતિસ્થાપકતા જેવા મુખ્ય ક્ષેત્રોમાં દ્વિપક્ષીય સંબંધોમાં પ્રગતિનું પણ સ્વાગત કર્યું, અને ભારત-EU FTA વાટાઘાટોના વહેલા નિષ્કર્ષ અને IMEEC કોરિડોરના અમલીકરણ માટે સહિયારી પ્રતિબદ્ધતાને પુનઃપુષ્ટિ કરી હતી.
ફેબ્રુઆરીમાં EU કોલેજ ઓફ કમિશનર્સની ભારતની ઐતિહાસિક મુલાકાતના આધારે, નેતાઓએ પરસ્પર સુવિધાના વહેલા સમયમાં ભારતમાં આગામી ભારત EU સમિટનું આયોજન કરવા અંગે ચર્ચા કરી. પીએમ મોદીએ બંને નેતાઓને આ માટે ભારત આમંત્રણ આપ્યું હતું.
નેતાઓએ યુક્રેનમાં સંઘર્ષનો અંત લાવવાના પ્રયાસો સહિત પરસ્પર હિતના પ્રાદેશિક અને વૈશ્વિક મુદ્દાઓ પર પણ વિચારોનું આદાન-પ્રદાન કર્યું. પીએમ મોદીએ સંઘર્ષના શાંતિપૂર્ણ ઉકેલ અને શાંતિ અને સ્થિરતાની વહેલી પુનઃસ્થાપના માટે ભારતના સતત સમર્થનનો પુનરોચ્ચાર કર્યો હતો.
નેતાઓ સંપર્કમાં રહેવા સંમત થયા હતા.
SM/NP/GP/JD
(रिलीज़ आईडी: 2163832)
आगंतुक पटल : 35
इस विज्ञप्ति को इन भाषाओं में पढ़ें:
Odia
,
English
,
Urdu
,
Marathi
,
हिन्दी
,
Bengali
,
Assamese
,
Manipuri
,
Punjabi
,
Tamil
,
Telugu
,
Kannada
,
Malayalam