સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) એ ગુજરાત પોલીસ, વિદેશ મંત્રાલય અને ગૃહ મંત્રાલયના સહયોગથી 05.09.2025ના રોજ વોન્ટેડ ભાગેડુ હર્ષિત બાબુલાલ જૈનને યુએઈથી પરત લાવવાનું સફળતાપૂર્વક સંકલન કર્યું છે.

ગુજરાત પોલીસ કરચોરી, ગેરકાયદેસર જુગાર અને મની લોન્ડરિંગના સંબંધમાં હર્ષિત બાબુલાલ જૈનને શોધી રહી હતી. અગાઉ, ગુજરાત પોલીસની વિનંતી પર 09.08.2023ના રોજ સીબીઆઈએ ઇન્ટરપોલ દ્વારા હર્ષિત બાબુલાલ જૈન વિરુદ્ધ રેડ નોટિસ પ્રકાશિત કરી હતી. તેને યુએઈથી પ્રત્યાર્પણ કરવામાં આવ્યો હતો અને 05.09.2025ના રોજ અમદાવાદ આંતરરાષ્ટ્રીય એરપોર્ટ પર ગુજરાત પોલીસને સોંપવામાં આવ્યો હતો.

ઇન્ટરપોલ દ્વારા ઈશ્યૂ કરવામાં આવતી રેડ નોટિસ વોન્ટેડ ભાગેડુઓને ટ્રેક કરવા માટે વિશ્વભરની તમામ કાયદા અમલીકરણ એજન્સીઓને મોકલવામાં આવે છે.

ભારતમાં ઇન્ટરપોલ માટે રાષ્ટ્રીય કેન્દ્રીય બ્યુરો તરીકે, સીબીઆઈ ઇન્ટરપોલ ચેનલો દ્વારા સહાય માટે ભારતપોલ દ્વારા ભારતની તમામ કાયદા અમલીકરણ એજન્સીઓ સાથે સંકલન કરે છે. છેલ્લા કેટલાક વર્ષોમાં ઇન્ટરપોલ ચેનલો દ્વારા સંકલન કરીને 100 થી વધુ વોન્ટેડ ગુનેગારોને ભારત પાછા લાવવામાં આવ્યા છે.

 

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 2164181) Visitor Counter : 2