આયુષ મંત્રાલય આરોગ્ય અને પરિવાર કલ્યાણ મંત્રાલય દ્વારા શરૂ કરવામાં આવી રહેલા રાષ્ટ્રીય આરોગ્ય અભિયાન, સ્વસ્થ નારી સશક્ત પરિવાર અભિયાનમાં ભાગ લઈ રહ્યું છે. રાજ્ય અને કેન્દ્રશાસિત પ્રદેશો (UT) વહીવટીતંત્રો, આયુષ સંશોધન સંસ્થાઓ, શૈક્ષણિક સંસ્થાઓ, ઉદ્યોગો અને ખાનગી ક્ષેત્ર, સંગઠનો, NGO અને સહકારી સંસ્થાઓ સાથે મળીને, મંત્રાલય મહિલા આરોગ્ય પ્રમોશન અને વિવિધ રોગો માટે સ્ક્રીનીંગ પર કેન્દ્રિત અનેક પ્રવૃત્તિઓનું આયોજન કરશે.

આ 16 દિવસીય અભિયાનમાં બિન-ચેપી રોગો (NCDs), કેન્સર, એનિમિયા, ક્ષય રોગ અને સિકલ સેલ રોગ માટે આરોગ્ય તપાસ અને સ્ક્રીનીંગ કેમ્પ; માતૃત્વ અને બાળ આરોગ્ય સેવાઓ; પોષણ અને સ્વચ્છતા પર જાગૃતિ કાર્યક્રમો અને જાહેર આરોગ્ય પ્રયાસોને ટેકો આપવા માટે સ્વૈચ્છિક રક્તદાન ઝુંબેશનો સમાવેશ થશે. આ અભિયાન મહિલાઓ અને બાળકોમાં એનિમિયા, NCDs અને પોલિસિસ્ટિક અંડાશય રોગ (PCOD) માટે આયુષ દ્વારા સારવાર પદ્ધતિઓ પર પણ ધ્યાન કેન્દ્રિત કરી રહ્યું છે.

આ રાષ્ટ્રીય આરોગ્ય અભિયાન જીવનશૈલી પરામર્શ, યોગ સત્રો અને "પ્રકૃતિ પરીક્ષા" માટે સમર્પિત કાયોસ્ક દ્વારા મહિલા સ્વાસ્થ્ય અને સશક્તિકરણ પર ધ્યાન કેન્દ્રિત કરશે. રાજ્યો અને કેન્દ્રશાસિત પ્રદેશો શાળાઓમાં જાગૃતિ શિબિરો, રેડિયો અને ટેલિવિઝન કાર્યક્રમો તેમજ સોશિયલ મીડિયા ઝુંબેશ ચલાવીને વિશાળ પ્રેક્ષકો સુધી પહોંચશે. લોકોમાં ઘરેલું ઉપચાર અને પોષણ કીટનું વિતરણ કરવામાં આવશે, જ્યારે વિવિધ પ્રવૃત્તિઓ દ્વારા મહિલાઓના સ્વાસ્થ્ય માટે સામાન્ય ઔષધીય છોડ અને હર્બલ ચાના સ્વાસ્થ્ય લાભો પ્રકાશિત કરવામાં આવશે. આ અભિયાન આયુર્વેદ-પ્રેરિત સુખાકારી કાર્યક્રમો અને યોગ-આધારિત માઇન્ડફુલનેસ પ્રેક્ટિસ દ્વારા કોર્પોરેટ બર્નઆઉટનો સામનો કરવા પર પણ ભાર મૂકે છે.

પંચાયત સ્તરે સ્વ-સહાય જૂથો સમુદાયોને એકત્ર કરવા માટે જાગૃતિ રેલીઓ અને શપથવિધિ કાર્યક્રમોનું આયોજન કરશે. આ અભિયાન ગર્ભાવસ્થાથી લઈને ઉપશામક સંભાળ સુધી મહિલાઓ માટે વ્યાપક આરોગ્યસંભાળ સુનિશ્ચિત કરશે. આ અંતર્ગત, એનિમિયા મુક્ત મહિલાઓ, સ્વસ્થ માતા, તણાવ મુક્ત મહિલાઓ, હર્બલ પોષણ અને હાડકાના સ્વાસ્થ્ય જેવા વિષયો પર દૈનિક આયુષ આરોગ્ય ટિપ્સ સોશિયલ મીડિયા પર શેર કરવામાં આવશે જેથી મહિલાઓને તેમની સ્વાસ્થ્ય ચિંતાઓને અસરકારક રીતે સંબોધવામાં મદદ મળે.

SM/NP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com