ભારતીય માનક બ્યુરો દ્વારા દર વર્ષની જેમ માનક મહોત્સવની ઉજવણી વિશ્વ માનક દિવસ 2025 ની ઉજવણી માનકીકરણમાં વિશ્વભરમાં સંકળાયેલા હજારો નિષ્ણાતોના સહયોગી પ્રયાસોને સ્વીકારવા અને ભવિષ્યના માર્ગ પર વિચાર કરવા માટે કરી હતી.

માનક મહોત્સવની મહિના સુધી ઉજવણી ના ભાગ રૂપે, ક્વોલિટી રન/વોક, કન્ઝ્યુમર અને જ્વેલર્સ જાગૃતિ પ્રોગ્રામ, સ્ટાન્ડર્ડ કાર્નિવલ, સ્ટેકહોલ્ડર્સ કોન્ક્લેવ, સ્ટાન્ડર્ડ ક્લબ પ્રવૃત્તિઓ, નુક્કડનાટક, આરડબ્લ્યુએ પ્રોગ્રામ્સ, ગુણવત્તા અભિયાનના પગલાં, અને ગ્રામ પંચાયત સેન્સિટાઇઝેશનનું આયોજન " અવર શેર્ડ વિઝન ફોર એ બેટર વર્લ્ડ " થીમ પર કરવામાં આવી હતી. આ પ્રવૃત્તિઓનો હેતુ સંયુક્ત રાષ્ટ્ર દ્વારા અપનાવવામાં આવેલા  ટકાઉ વિકાસ લક્ષ્યો (SDGs) ના અમલીકરણમાં BIS દ્વારા કરવામાં આવતા વિવિધ પ્રયાસો વિશે જાગૃતિ વધારવાનો છે.

ઑક્ટોબર 08, 2025 ના રોજ, ભારતીય માનક બ્યુરો અમદાવાદ દ્વારા હિમતનગરમા હોટેલ વિંટાના, NH-48, હિમતનગર  ખાતે “શેર્ડ વિઝન ફોર એ બેટર વર્લ્ડ - સ્પોટલાઇટ ઓન એસ.ડી.જી. 17 - પાર્ટનરશીપ ફોર ધ ગોલ્સ” થીમ સાથે સેમિનારનું આયોજન કરવામાં આવ્યું હતું. આ સેમિનારમાં સરકારી કચેરીઓ, ઉદ્યોગો, NGO, ઝવેરીઓ, ટેકનિકલ સંસ્થાઓ વગેરેના લગભગ 150 સહભાગીઓએ ભાગ લીધો હતો. આ કાર્યક્રમમાં માનનીય સંસદ સભ્ય શ્રીમતી શોભનાબેન બારૈયા મુખ્ય મહેમાન તરીકે અને હિંમતનગરના ધારાસભ્ય શ્રી વિનેન્દ્રસિંહ ઝાલા અતિથિ વિશેષ તરીકે ઉપસ્થિત રહ્યા હતા.

શ્રી સુમિત સેંગર, નિદેશક  અને પ્રમુખ એ કાર્યક્રમ દરમિયાન તમામ મહાનુભાવો અને સહભાગીઓનું સ્વાગત કર્યું. તેમણે 1લી થી 14મી ઓક્ટોબર 2025 દરમિયાન વિશ્વ માનક દિવસ 2025 દરમિયાન BIS અમદાવાદ દ્વારા કરવામાં આવેલી વિવિધ પ્રવૃત્તિઓ વિશે માહિતી આપી હતી.

તેમણે આપણા જીવનમાં માનકો અને માનકીકરણની ભૂમિકા પર ભાર મૂક્યો હતો. તેમણે એ પણ માહિતી આપી હતી કે ભારત આપણા માનનીય પ્રધાનમંત્રી શ્રી નરેન્દ્ર મોદીના માર્ગદર્શન હેઠળ 2030 સુધીમાં ટકાઉ વિકાસ લક્ષ્યો હાંસલ કરવા માટે ઉત્સુક છે. 2047 માં વિકસિત દેશ બનવાના લક્ષ્યને હાંસલ કરવા માટે BIS એ મહત્વપૂર્ણ ભૂમિકા ભજવી છે.

આ પ્રસંગના મુખ્ય મહેમાન શ્રીમતી. શોભનાબેન બારૈયા, માનનીય સંસદ સભ્ય(MP), સાબરકાંઠા એ 1947માં BISની શરૂઆતથી તેનાં યોગદાનની પ્રશંસા કરી અને આપણા રોજિંદા જીવનમાં માનકોની ભૂમિકા પર ભાર મૂક્યો.

હિંમતનગરના ધારાસભ્ય(MLA) શ્રી વિનેન્દ્રસિંહ ઝાલાએ સસ્ટેનેબિલિટી અંગે ગ્રાહકના દૃષ્ટિકોણ પર ભાર મૂક્યો અને   માનકો  દ્વારા સસ્ટેનેબિલિટી સુનિશ્ચિત કરવામાં BIS ની ભૂમિકા બદલ અભિનંદન આપ્યા.

સાબરકાંઠા-હિંમતનગરના જિલ્લા વિકાસ અધિકારી(DDO) શ્રી હર્ષદ વોરા (IAS) એ સ્ટાર્ટઅપ્સ અને નવીન સેગમેન્ટ્સ માટે ધોરણોના મહત્વ પર ભાર મૂક્યો અને જણાવ્યું હતું કે આવા કાર્યક્રમોનું આયોજન આત્મનિર્ભર ભારતનું વિઝન વધુ મજબૂત બનાવશે.

એરોઈન હેલ્થકેરના શ્રી દર્શક પટેલે ટકાઉપણાના મહત્વ પર પ્રકાશ પાડતું ભાષણ આપ્યું, જેમાં માત્ર ઔદ્યોગિક પ્રથાઓમાં જ નહીં પરંતુ આપણા રોજિંદા જીવનમાં પણ તેના મહત્વ પર ભાર મૂકવામાં આવ્યો.

AGL દાલપુર પ્લાન્ટના જનરલ મેનેજર શ્રી ચેતન સુથારે AGL ટાઇલ્સ દ્વારા ટકઉ વિકાસ લક્ષ્યો (SDGs) પ્રાપ્ત કરવા માટે હાથ ધરવામાં આવેલી પહેલો પર પ્રકાશ પાડતું વક્તવ્ય આપ્યું.

ભારતના ગ્રાહક પરિષદના રાષ્ટ્રીય પ્રમુખ શ્રીમતી પ્રીતિ પંડ્યાએ આપણા રોજિંદા જીવનમાં ધોરણોના મહત્વ પર પ્રકાશ પાડતો ભાષણ આપ્યો. તેમણે ઉત્પાદનો ખરીદતી વખતે ગ્રાહક જાગૃતિની જરૂરિયાત પર ભાર મૂક્યો અને ઉત્પાદકોને ગુણવત્તા માનકોનું પાલન કરવા વિનંતી કરી અને એક જાગૃત ગ્રાહક તરીકે BIS કેર એપ ડાઉનલોડ કરવા અપિલ કરી.

BIS, અમદાવાદના સંયુક્ત નિદેશક શ્રી રાહુલ પુષ્કર દ્વારા BIS દ્વારા હાથ ધરવામાં આવતી પ્રમાણભૂત પ્રમોશન પ્રવૃત્તિઓ પર વિગતવાર પ્રસ્તુતિ આપી. તેમણે ધોરણોના મહત્વ અને ઉત્પાદન ગુણવત્તા, સલામતી અને વિશ્વસનીયતા સુનિશ્ચિત કરવામાં તેમની ભૂમિકા વિશે જાહેર જાગૃતિ વધારવાના હેતુથી વિવિધ પહેલો પર વિગતવાર માહિતી આપી.

BIS, અમદાવાદના સંયુક્ત નિદેશક શ્રી વિપિન ભાસ્કરે હિસ્સેદારોના યોગદાન અને અપેક્ષાઓ પર સમજદારીભર્યું પ્રેઝન્ટેશન આપ્યું. તેમણે માનકીકરણ પ્રક્રિયામાં સ્ટેકહોલ્ડર્સ મહત્વપૂર્ણ ભૂમિકાની ચર્ચા કરી અને એકંદર ગુણવત્તા વૃદ્ધિ માટે માનકો વિકસાવવા, અમલમાં મૂકવા અને પ્રોત્સાહન આપવામાં તેમની સક્રિય ભાગીદારીના મહત્વ પર ભાર મૂક્યો.

BIS અમદાવાદ દ્વારા એક માનક મંથનનું પણ આયોજન કરવામાં આવ્યું હતું. માનક મંથન દરમિયાન IS 848 ના ડ્રાફ્ટ સિન્થેટિક રેઝિન એડહેસિવ્ઝ ફોર પ્લાયવુડ (ફેનોલિક, એમિનોપ્લાસ્ટિક એન્ડ બાયો-મટિરિયલ્સ બેઝ્ડ) — સ્પેસિફિકેશન પર ઇન્ટરેક્ટિવ સત્રનું આયોજન BIS, અમદાવાદના સંયુક્ત નિદેશક શ્રી વિપિન ભાસ્કર દ્વારા કરવામાં આવ્યું હતું. 

ઇવેન્ટ દરમિયાન, BIS ના મહત્વના સ્ટેકહોલ્ડર્સ માટે એક સન્માન સમારોહ કરવામાં આવ્યો હતો. ટૂંકા પ્રશ્નોત્તરી સત્ર પછી, સત્ર શ્રી પ્રમોદ કુમાર, સહાયક નિદેશક, BIS, અમદાવાદ દ્વારા આભાર માનીને સમાપ્ત થયું. એજીએલ ટાઇલ્સ ફેક્ટરી અને એરોલમ પ્રાઇવેટ લિમિટેડ, હિમ્મતનગર ખાતે માનક મહોત્સવના ભાગરૂપે વૃક્ષારોપણ ઝુંબેશ અને ગુણવત્તા પ્રતિજ્ઞા સમારોહ પણ યોજાયો હતો

(Release ID: 2176521) Visitor Counter : 10