પી એમ શ્રી કેન્દ્રીય વિદ્યાાલય, અમદાવાદ કેન્ટના વિદ્યાર્થીઓ અને સ્ટાફે શિક્ષણ મંત્રાલય, ભારત સરકાર દ્વારા આયોજિત વિકસિત ભારત બિલ્ડાથોન 2025 ના મેગા લોન્ચ ઇવેન્ટના લાઇવ પ્રસારણમાં ઉત્સાહપૂર્વક ભાગ લીધો.

આ કાર્યક્રમનો ઉદ્દેશ વિદ્યાર્થીઓ અને યુવાન નવપ્રવર્તકોને વિકસિત ભારત@2047 માટે તેમના વિચારો અને ટેકનોલોજી આધારિત સમાધાન દ્વારા યોગદાન આપવા માટે પ્રેરિત કરવાનો હતો. વિદ્યાર્થીઓએમાનનીય મહાનુભાવોના સંબોધનને ધ્યાનપૂર્વક સાંભળ્યું અને નવીનતા, ડિજિટલ પરિવર્તન તથા રાષ્ટ્રીય નિર્માણ વિષે મહત્વપૂર્ણ માહિતી મેળવી.

લાઇવ પ્રસારણે શાળાના પરિસરમાં ઉત્સાહ અને રાષ્ટ્રીય ગૌરવનું વાતાવરણ સર્જ્યું. વિદ્યાર્થીઓએ બિલ્ડાથોન અંતર્ગત આગામી પ્રવૃત્તિઓમાં ભાગ લેવા માટે નવીન યોજનાઓ અને ઉમંગ દાખવ્યો.

પ્રિન્સીપાલ શ્રી સચિન કુમાર સિંહ રાઠૌરે વિદ્યાર્થીઓ અને શિક્ષકોના સક્રિય સહભાગી થવા બદલ પ્રશંસા વ્યક્ત કરી અને તેમને વિકસિત ભારતના સપનાને સાકાર કરવા માટે અર્થપૂર્ણ યોગદાન આપવા પ્રેરણા આપી.

 

(रिलीज़ आईडी: 2178507) आगंतुक पटल : 63