1. ભારતના ચૂંટણી પંચે 6 ઓક્ટોબર, 2025ના રોજ બિહાર વિધાનસભાની સામાન્ય ચૂંટણી અને 8 ACમાં પેટાચૂંટણીઓ માટે સમયપત્રક જાહેર કર્યું છે.
2. આગામી ચૂંટણીઓમાં નાણાંકીય શક્તિ, મફત વસ્તુઓ તેમજ ડ્રગ્સ, માદક દ્રવ્યો અને દારૂના ઉપયોગને રોકવા માટે, પંચે રાજ્ય પોલીસ વિભાગ, રાજ્ય આબકારી વિભાગ, આવકવેરા વિભાગ, FIU-IND, RBI, SLBC, DRI, CGST, SGST, કસ્ટમ્સ, ED, NCB, RPF, CISF, SSB, BCAS, AAI, પોસ્ટ વિભાગ, રાજ્ય વન વિભાગ અને રાજ્ય સહકારી વિભાગ સહિત તમામ અમલીકરણ એજન્સીઓને નિર્દેશો જારી કર્યા છે.
3. ઉમેદવારો દ્વારા કરવામાં આવતા ચૂંટણી ખર્ચનું નિરીક્ષણ કરવા માટે ખર્ચ નિરીક્ષકો પહેલાંથી જ નિંમણૂક કરવામાં આવ્યા છે અને તેઓ ચૂંટણીની જાહેરાતના દિવસે પોતપોતાના મતવિસ્તારોમાં પહોંચી ગયા છે. મુલાકાત દરમિયાન તેઓ ખર્ચ દેખરેખમાં રોકાયેલી બધી ટીમોને મળશે.
4. મતદારોને આકર્ષવા માટે નાણાંકીય પાવર અથવા અન્ય પ્રલોભનોનો ઉપયોગ કરવામાં આવી રહ્યો હોવાના કોઈપણ શંકાસ્પદ કિસ્સાઓ પર નજર રાખવા માટે ફ્લાઇંગ સ્ક્વોડ, સર્વેલન્સ ટીમો, વિડીયો સર્વેલન્સ ટીમો ચોવીસ કલાક સતર્ક રહેશે.
5. ચૂંટણી સમયગાળા દરમિયાન FS, SST અને અમલીકરણ એજન્સીઓ દ્વારા કરવામાં આવેલા અવરોધ/જપ્તીની રીઅલ-ટાઇમ ધોરણે જાણ કરવા માટે કમિશને ઇલેક્શન સીઝર મેનેજમેન્ટ સિસ્ટમ (ESMS) નામની ઓનલાઈન સિસ્ટમ પણ સક્રિય કરી છે.
6. 6 ઓક્ટોબર, 2025ના રોજ ચૂંટણીની જાહેરાત થયા પછી, વિવિધ અમલીકરણ એજન્સીઓ દ્વારા કુલ  રૂ. 33.97 કરોડની રોકડ, દારૂ, ડ્રગ્સ અને મફત વસ્તુઓ જપ્ત કરવામાં આવી છે.
7. આયોગે એ પણ ભાર મૂક્યો હતો કે અમલીકરણ અધિકારીઓએ ખાતરી કરવી જોઈએ કે આ નિર્દેશોના અમલીકરણ માટે ચેકિંગ અને નિરીક્ષણ દરમિયાન સામાન્ય નાગરિકોને અસુવિધા કે હેરાનગતિ ન થાય.
8. જનતાનો કોઈપણ સભ્ય C-Vigil એપ દ્વારા આવા કોઈપણ ઉલ્લંઘન અંગે ફરિયાદ પણ કરી શકે છે.

SM/IJ/GP/DK

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com