એશિયા-પેસિફિક ઇન્વેસ્ટિગેશન ગ્રુપ (APAC-AIG)ની બેઠક 28-31 ઓક્ટોબર, 2025 દરમિયાન વર્કશોપની સાથે યોજાશે. કેન્દ્રીય નાગરિક ઉડ્ડયન મંત્રી શ્રી રામ મોહન નાયડુ આ કાર્યક્રમનું ઉદ્ઘાટન કરશે.

APAC-AIG બેઠક દર વર્ષે યોજાય છે અને તેમાં એશિયા-પેસિફિક ક્ષેત્રના ICAO સભ્ય દેશો તેમજ વિવિધ આંતરરાષ્ટ્રીય સંગઠનો ભાગ લે છે. આ બેઠક સામાન્ય રીતે APAC ક્ષેત્રના ICAO સભ્ય દેશોમાંથી એક દ્વારા યોજવામાં આવે છે.

ભારત પહેલીવાર APAC-AIG બેઠકનું આયોજન કરશે. ICAOના આશરે 90 પ્રતિનિધિઓ, એશિયા-પેસિફિક દેશોના વિમાન અકસ્માત તપાસ અધિકારીઓ સાથે ભાગ લેશે.

આ બેઠકમાં વિમાન અકસ્માત તપાસના વિવિધ પાસાઓ પર ચર્ચા કરવામાં આવશે, જેમાં પ્રક્રિયાઓ અને રિપોર્ટિંગનો સમાવેશ થાય છે. જૂથની બેઠકોનો ઉદ્દેશ અકસ્માત/ઘટના તપાસ અધિકારીઓ વચ્ચે કુશળતા, અનુભવ અને જ્ઞાનના આદાનપ્રદાનને પ્રોત્સાહન આપવાનો અને એશિયા-પેસિફિક ક્ષેત્રમાં અકસ્માત/ઘટના તપાસ ક્ષમતાઓને સુધારવા માટે તેમની વચ્ચે સહયોગ વિકસાવવા અને મજબૂત કરવાનો છે.

વિમાન અકસ્માત તપાસ સંબંધિત વિષયો પર ચર્ચા કરવા માટે 28-29 ઓક્ટોબર 2025ના રોજ વર્કશોપ યોજાશે. વર્કશોપમાં AAIB અને DGCAના અધિકારીઓ તેમજ આંતરરાષ્ટ્રીય સહભાગીઓ સામેલ હશે.

એશિયા-પેસિફિક ક્ષેત્રના ICAO સભ્ય દેશોના પ્રતિનિધિઓ અને AAIBના અધિકારીઓ 30 અને 31 ઓક્ટોબરના રોજ ચર્ચામાં ભાગ લેશે.

SM/GP/DK/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com