1. ભારતના ચૂંટણી પંચ (ECI)એ નાગરિકોના ચૂંટણી સંબંધિત તમામ પ્રશ્નો/ફરિયાદોનું નિરાકરણ લાવવાના ઉદ્દેશ્યથી રાષ્ટ્રીય મતદાર હેલ્પલાઇન અને તમામ 36 રાજ્ય અને જિલ્લા-સ્તરીય હેલ્પલાઇન સક્રિય કરી છે.
2. રાષ્ટ્રીય સંપર્ક કેન્દ્ર (NCC) બધા રાજ્યો અને કેન્દ્રશાસિત પ્રદેશો માટે કેન્દ્રીય હેલ્પલાઇન તરીકે સેવા આપશે. તે દરરોજ સવારે 8:00 થી રાત્રે 8:00 વાગ્યા સુધી ટોલ-ફ્રી નંબર 1800-11-1950 દ્વારા કાર્યરત છે. કોલ્સનું સંચાલન પ્રશિક્ષિત અધિકારીઓ દ્વારા કરવામાં આવે છે જેઓ નાગરિકો અને અન્ય હિસ્સેદારોને ચૂંટણી સેવાઓ અને પ્રશ્નોમાં મદદ કરે છે.
3. ECI એ દરેક રાજ્ય/કેન્દ્રશાસિત પ્રદેશ અને જિલ્લાને સમયસર અને સ્થાનિક પ્રતિભાવો સુનિશ્ચિત કરવા માટે અનુક્રમે પોતાનું રાજ્ય સંપર્ક કેન્દ્ર (SCC) અને જિલ્લા સંપર્ક કેન્દ્ર (DCC) સ્થાપવા સૂચનાઓ જારી કરી છે. આ કેન્દ્રો આખા વર્ષ દરમિયાન તમામ કાર્યકારી દિવસોમાં કાર્યાલયના સમય દરમિયાન કાર્યરત રહે છે, જે રાજ્ય/કેન્દ્રશાસિત પ્રદેશની પ્રાદેશિક ભાષાઓમાં સહાય પૂરી પાડે છે.
4. બધી ​​ફરિયાદો અને પ્રશ્નો રાષ્ટ્રીય ફરિયાદ સેવા પોર્ટલ (NGSP 2.0) દ્વારા રેકોર્ડ અને ટ્રેક કરવામાં આવે છે.
5. વધુમાં, ECI એ ‘Book-a-Call with BLO’ સુવિધા પણ શરૂ કરી છે જેનો ઉપયોગ કરીને નાગરિકો ECINET પ્લેટફોર્મ પર ઉપલબ્ધ સુવિધા દ્વારા તેમના સંબંધિત બૂથ લેવલ ઓફિસર (BLO)નો સીધો સંપર્ક કરી શકે છે.
6. નાગરિકો ECINet એપનો ઉપયોગ કરીને ચૂંટણી અધિકારીઓ સાથે પણ જોડાઈ શકે છે. ECI એ તમામ CEO, DEO, EROને નિયમિતપણે પ્રગતિનું નિરીક્ષણ કરવા અને 48 કલાકની અંદર વપરાશકર્તાઓની વિનંતીઓનો ઝડપી નિકાલ સુનિશ્ચિત કરવા નિર્દેશ આપ્યો છે.
7. આ સુવિધાઓ ચૂંટણી સંબંધિત ફરિયાદોના નિરાકરણ માટે હાલની પદ્ધતિઓ ઉપરાંત છે. નાગરિકો complaints@eci.gov.in પર ઇમેઇલ પણ મોકલી શકે છે.
8. ચૂંટણી પંચ તમામ મતદારોને તેમની ચિંતાઓના ઝડપી અને પારદર્શક નિરાકરણ માટે ચૂંટણી સંબંધિત તમામ માહિતી, પ્રતિસાદ, સૂચનો અને ફરિયાદો માટે ‘Book-a-Call with BLO’ અને સમર્પિત મતદાર હેલ્પલાઇન નંબર - 1950 સુવિધાઓનો ઉપયોગ કરવા પ્રોત્સાહિત કરે છે.

​​​​​​​SM/NP/GP/JD