ઉપરાષ્ટ્રપતિ શ્રી સી.પી. રાધાકૃષ્ણન 31 ઓક્ટોબર, 2025ના રોજ વારાણસીની એક દિવસની મુલાકાત લેશે.

આ મુલાકાત દરમિયાન, ઉપરાષ્ટ્રપતિ વારાણસીના સિગરામાં નવા સત્રમ ભવનના ઉદ્ઘાટન સમારોહમાં મુખ્ય મહેમાન તરીકે ઉત્તર પ્રદેશના મુખ્યમંત્રી શ્રી યોગી આદિત્યનાથ સાથે જોડાશે.

શ્રી કાશી નટ્ટુકોટ્ટાઈ નગર સત્રમ મેનેજમેન્ટ સોસાયટીએ ₹60 કરોડના ખર્ચે 140 રૂમ ધરાવતું 10 માળનું સત્રમ ભવન બનાવ્યું છે. વારાણસીમાં સોસાયટી દ્વારા બાંધવામાં આવેલું આ બીજું સત્રમ છે અને તેનો હેતુ મુલાકાતી ભક્તોની સેવા કરવાનો અને યુવા પેઢીને આ પવિત્ર શહેરની મુલાકાત લેવા માટે પ્રોત્સાહિત કરવાનો છે.

આ પહેલ એક ભારત, શ્રેષ્ઠ ભારતની ભાવનામાં ઊંડા કાશી-તમિલ જોડાણનું પ્રતીક છે, જે કાશી અને તમિલનાડુ વચ્ચેના સદીઓ જૂના આધ્યાત્મિક અને સાંસ્કૃતિક સંબંધોને પ્રતિબિંબિત કરે છે.

ઉદ્ઘાટન પછી, ઉપરાષ્ટ્રપતિ કાશી વિશ્વનાથ મંદિરની મુલાકાત લેશે અને પૂજા-અર્ચના કરશે.

SM/NP/GP/JD