કેન્દ્રીય ગૃહ અને સહકારિતા મંત્રી શ્રી અમિત શાહે 'કેન્દ્રીય ગૃહમંત્રી કાર્યક્ષમતા ચંદ્રક 2025' થી સન્માનિત તમામ પોલીસ કર્મચારીઓને અભિનંદન પાઠવ્યા.

X પ્લેટફોર્મ પર એક પોસ્ટમાં, કેન્દ્રીય ગૃહ અને સહકારિતા મંત્રી શ્રી અમિત શાહે કહ્યું, "'કેન્દ્રીય ગૃહમંત્રી કાર્યક્ષમતા ચંદ્રક 2025' થી સન્માનિત તમામ પોલીસ કર્મચારીઓને અભિનંદન." તેમણે કહ્યું કે, રાજ્યો, કેન્દ્રશાસિત પ્રદેશો, કેન્દ્રીય સશસ્ત્ર પોલીસ દળો અને કેન્દ્રીય પોલીસ સંગઠનોના કર્મચારીઓએ વિશેષ કામગીરી, તપાસ, ગુપ્તચર અને ફોરેન્સિક વિજ્ઞાનમાં અનુકરણીય ધોરણો સ્થાપિત કરીને આપણા રાષ્ટ્રને વધુ સ્થિતિસ્થાપક અને સુરક્ષિત બનાવવામાં યોગદાન આપ્યું છે. શ્રી શાહે કહ્યું કે, 2024 માં ગૃહ મંત્રાલય દ્વારા હિંમત, પ્રતિબદ્ધતા અને સમર્પિત સેવાને માન્યતા આપવા માટે સ્થાપિત કરાયેલ આ પુરસ્કાર વધુ લોકોને રાષ્ટ્રીય સેવાના માર્ગ પર ચાલવા માટે પ્રેરણા આપશે.

SM/NP/GP/JD