પ્રધાનમંત્રી શ્રી નરેન્દ્ર મોદીએ છત્તીસગઢની તેમની મુલાકાતના અંશો શેર કર્યા, જેમાં આદિવાસી ગૌરવ, વિકાસની યાત્રા અને જન કલ્યાણ પર પ્રકાશ પાડવામાં આવ્યો.

X પર અલગ અલગ પોસ્ટમાં, શ્રી મોદીએ કહ્યું;

"આજે, મેં નવા રાયપુર અટલ નગરમાં આદિવાસી સ્વતંત્રતા સેનાની સંગ્રહાલયનું ઉદ્ઘાટન કર્યું, જે છત્તીસગઢના આદિવાસી સમુદાયોના અદમ્ય સાહસ, બલિદાન અને દેશભક્તિને સમર્પિત છે. સંગ્રહાલયની મુલાકાત લેવાની સાથે મને શહીદ વીર નારાયણ સિંહ સ્મારકનું ઉદ્ઘાટન અને તેમની પ્રતિમાનું અનાવરણ કરવાનો પણ લહાવો મળ્યો."

"નવા રાયપુર અટલ નગરમાં રજત જયંતિ પ્રદર્શનમાં છત્તીસગઢની અઢી દાયકા લાંબી વિકાસ યાત્રાનો સાક્ષી બનીને મને ખૂબ આનંદ થાય છે."

"છત્તીસગઢમાં મારા ગરીબ ભાઈ-બહેનોને મળીને મને ખૂબ જ સંતોષ થયો, જેમને હવે કાયમી ઘર મળ્યા છે. ઘરની ચાવીઓ મળ્યા પછી તેમના ચહેરા પરનો આનંદ સ્પષ્ટ દેખાઈ રહ્યો હતો."

"છત્તીસગઢની સ્થાપનાની રજત જયંતિ પર મને આશીર્વાદ આપવા આવેલા રાજ્યના મારા પરિવારના સભ્યોને ખૂબ ખૂબ અભિનંદન!

જય જોહર!"

"છત્તીસગઢની રચના સાથે 25 વર્ષ પહેલાં પૂજ્ય અટલજીએ વાવેલા બીજ હવે વિકાસના વટવૃક્ષમાં ખીલી ઉઠ્યા છે. આ સમય દરમિયાન, અહીંના મારા ભાઈઓ અને બહેનોએ અસંખ્ય સિદ્ધિઓ પ્રાપ્ત કરી છે જે મને ગર્વ કરાવે છે!"

"છત્તીસગઢમાં આપણા આદિવાસી સમુદાયે ભારતના વારસા અને વિકાસમાં અજોડ યોગદાન આપ્યું છે. આજે ઉદ્ઘાટન કરાયેલ, તેમને સમર્પિત શહીદ વીર નારાયણ સિંહ સ્મારક અને આદિવાસી સ્વતંત્રતા સેનાની સંગ્રહાલય, આવનારી પેઢીઓને પ્રેરણા આપતું રહેશે."

"અગિયાર વર્ષ પહેલાં, અમે છત્તીસગઢ અને સમગ્ર દેશને નક્સલવાદી અને માઓવાદી આતંકથી મુક્ત કરાવવાનું વચન આપ્યું હતું, જેના પરિણામો આજે આખો દેશ જોઈ રહ્યો છે. મને ખુશી છે કે છત્તીસગઢના તે વિસ્તારોમાં પણ વિકાસનો પ્રવાહ વહેતો થઈ રહ્યો છે જે દાયકાઓથી આ આતંકનો ગઢ હતો."

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com