'ಭೈಮೋನ್ ದಾ' (ಫೀಚರ್ ಫಿಲ್ಮ್) ಮತ್ತು 'ಪತ್ರಲೇಖಾ' (ನಾನ್-ಫೀಚರ್ ಶಾರ್ಟ್ ಫಿಲ್ಮ್) ಎಂಬ ಎರಡು ಗಮನಾರ್ಹ ಅಸ್ಸಾಂ ಚಿತ್ರಗಳಲ್ಲಿ ಕೆಲಸ ಮಾಡಿದವರು ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ 2025(ಐ.ಎಫ್.ಎಫ್.ಐ‌ 2025)ರಲ್ಲಿ ಪ್ರೇಕ್ಷಕರಿಗೆ ಮೋಡಿ ಮಾಡಿದರು. ಈ ಚಲನಚಿತ್ರಗಳಿಗೆ ಸಂಬಂಧಿಸಿದಂತೆ ವಿವರ ನೀಡಲು ನಡೆದ ಪತ್ರಿಕಾಗೋಷ್ಠಿಯಲ್ಲಿ ಪ್ರೀತಿ, ಭಾವನೆಗಳ ಮಾತುಗಳು ತುಂಬಿದ್ದವು. ಅಸ್ಸಾಂನ ಸಾಂಸ್ಕೃತಿಕತೆಯನ್ನು ಜೀವಾಳವಾಗಿ ಹೊಂದಿರುವ ಈ ಎರಡೂ ಚಲನಚಿತ್ರಗಳು ಎರಡು ಅತ್ಯುನ್ನತ ಕಲಾತ್ಮಕ ದೈತ್ಯರಿಗೆ ಹೃತ್ಪೂರ್ವಕ ಗೌರವಗಳಾಗಿವೆ: ಅವು ಅಸ್ಸಾಂ ಸಿನಿಮಾದ ಪ್ರೀತಿಯ ಭೈಮೋನ್ ದಾ ಮುನಿನ್ ಬರುವಾ ಮತ್ತು ತಲೆಮಾರುಗಳಾದ್ಯಂತ ಪ್ರತಿಧ್ವನಿಸುತ್ತಿರುವ ಸಂಗೀತ ಮಾಂತ್ರಿಕ ಡಾ. ಭೂಪೇನ್ ಹಜಾರಿಕಾ. ಅವರ ಪರಂಪರೆಯು ಅಸ್ಸಾಂ ಚಿತ್ರಗಳ ಕಥೆಗಳು, ದೃಶ್ಯಗಳು ಮತ್ತು ಭಾವನೆಗಳ ಮೂಲಕ ಮಿಡಿಯಿತು, ಆ ಕ್ಷಣವನ್ನು ಕೇವಲ ಚಲನಚಿತ್ರೋತ್ಸವ ಕಾರ್ಯಕ್ರಮವಾಗಿ ಮಾತ್ರವಲ್ಲದೆ, ಅಸ್ಸಾಂನ ನಿರಂತರ ಸೃಜನಶೀಲ ಮನೋಭಾವದ ಆಚರಣೆಯನ್ನಾಗಿ ಪರಿವರ್ತಿಸಿದವು. 

ಭೈಮೋನ್ ದಾ: ಮುನಿನ್ ಬರುವಾ ಮತ್ತು 90 ವರ್ಷಗಳ ಅಸ್ಸಾಂ ಸಿನಿಮಾಗೆ ಒಂದು ಹೆಗ್ಗುರುತು ಗೌರವ

ನಿರ್ದೇಶಕ ಸಸಂಕ ಸಮೀರ್ 'ಭೈಮೊನ್ ದಾ' ವನ್ನು ಅಸ್ಸಾಂ ಚಲನಚಿತ್ರ ನಿರ್ದೇಶಕ ಮುನಿನ್ ಬರುವಾ ಅವರ ಮೊದಲ ಜೀವನಚರಿತ್ರೆ ಆಧರಿಸಿದ ಕಮರ್ಷಿಯಲ್ ಚಿತ್ರ ಎಂದು ಪರಿಚಯಿಸಿದರು, ಅವರನ್ನು ಪ್ರೀತಿಯಿಂದ ಭೈಮೋನ್ ದಾ ಎಂದು ಕರೆಯಲಾಗುತ್ತದೆ. ಅಸ್ಸಾಂ ಚಿತ್ರರಂಗದ ಅತ್ಯುನ್ನತ ವ್ಯಕ್ತಿಯಾಗಿದ್ದ ಬರುವಾ ಅವರ ಚಲನಚಿತ್ರಗಳು ಈ ಪ್ರದೇಶದಲ್ಲಿ ಮುಖ್ಯವಾಹಿನಿಯ ಕಥೆ ಹೇಳುವಿಕೆಯನ್ನು ಮರು ವ್ಯಾಖ್ಯಾನಿಸಿದವು, ಪೀಳಿಗೆಯ ಪ್ರೇಕ್ಷಕರ ಮೇಲೆ ಅಳಿಸಲಾಗದ ಗುರುತು ಮೂಡಿಸಿವೆ.

ಸಾಮಾನ್ಯ ಆರಂಭದಿಂದ ಸಿನಿಮೀಯ ಪಾಂಡಿತ್ಯವರೆಗೆ ಬರುವಾ ಅವರ ವೃತ್ತಿ ಪಯಣವನ್ನು ವಿವರಿಸುವ ಈ ಚಿತ್ರವು ಅವರ ಹೋರಾಟಗಳು, ಸೃಜನಶೀಲ ವಿಕಸನ ಮತ್ತು ಬಿಜು ಫುಕನ್, ಮೃದುಲಾ ಬರುವಾ, ಜುಬೀನ್ ಗಾರ್ಗ್ ಮತ್ತು ಜತಿನ್ ಬೋರಾ ಅವರಂತಹ ದಿಗ್ಗಜರನ್ನು ಒಳಗೊಂಡ ಅಮೂಲ್ಯ ಚಲನಚಿತ್ರಗಳಿಂದ ಹಿಡಿದು ತೆರೆಮರೆಯ ಕ್ಷಣಗಳನ್ನು ಮರುಪರಿಶೀಲಿಸುತ್ತದೆ. ತನ್ನ ಹಳೆಯ ಮೋಡಿ ಮತ್ತು ಭಾವನಾತ್ಮಕ ಬೆಸುಗೆಯೊಂದಿಗೆ, ಭೈಮೊನ್ ದಾ ಅವರನ್ನು ವ್ಯಕ್ತಿಯಾಗಿ ಮತ್ತು ಅವರು ನಿರ್ಮಿಸಲು ಸಹಾಯ ಮಾಡಿದ ಸುವರ್ಣ ಪರಂಪರೆ ಎರಡನ್ನೂ ಗೌರವಿಸುತ್ತದೆ.

ಪತ್ರಿಕಾಗೋಷ್ಠಿಯಲ್ಲಿ, ಸಮೀರ್ ಅವರು ಚಿತ್ರ ನಿರ್ಮಾಣ ಪ್ರಕ್ರಿಯೆಯ ಬಗ್ಗೆ ಉತ್ಸಾಹದಿಂದ ಮಾತನಾಡಿದರು: “ಮುನಿನ್ ಬರುವಾ ತಮ್ಮ ಇಡೀ ಜೀವನವನ್ನು ಅಸ್ಸಾಂ ಚಿತ್ರರಂಗಕ್ಕೆ ಅರ್ಪಿಸಿದರು. ಅವರ ಉತ್ಸಾಹ, ಅವರ ಕನಸುಗಳು ಮತ್ತು ಅವರ ತ್ಯಾಗಗಳು ನಮ್ಮ ಚಲನಚಿತ್ರ ಸಂಸ್ಕೃತಿಯನ್ನು ರೂಪಿಸಿದವು. ನಾನು ಅವರ ಪಯಣ ಮಾತ್ರವಲ್ಲದೆ, ನಮ್ಮ 90 ವರ್ಷಗಳ ಸಿನಿಮಾ ಇತಿಹಾಸದ ಚೈತನ್ಯವನ್ನು ಸೆರೆಹಿಡಿಯಲು ಬಯಸಿದ್ದೆ.” ಎಂದರು.

ಈ ಚಿತ್ರವು ಸುಮಾರು ಐದು ವರ್ಷಗಳ ಸಂಶೋಧನೆ ಮತ್ತು ಅಭಿವೃದ್ಧಿಯ ಫಲಿತಾಂಶವಾಗಿದೆ. ಇದರಲ್ಲಿ ವ್ಯಾಪಕವಾದ ದಾಖಲೆಯ ಕೆಲಸಗಳು, ಸಂದರ್ಶನಗಳು ಮತ್ತು ರಾಜ್ಯಾದ್ಯಂತ ಮಾಡಿದ ಪಯಣಗಳು ಸೇರಿವೆ. 120 ಕ್ಕೂ ಹೆಚ್ಚು ಶೂಟಿಂಗ್ ಸ್ಥಳಗಳು ಮತ್ತು 360 ಪ್ರದರ್ಶಕರನ್ನು ಒಳಗೊಂಡ ಭೈಮೊನ್ ದಾ ಅಸ್ಸಾಂ ಚಲನಚಿತ್ರ ಇತಿಹಾಸದಲ್ಲಿ ಅತ್ಯಂತ ಮಹತ್ವಾಕಾಂಕ್ಷೆಯ ನಿರ್ಮಾಣಗಳಲ್ಲಿ ಒಂದಾಗಿದೆ. “ಇದು ಕೇವಲ ಜೀವನಚರಿತ್ರೆಯಲ್ಲ - ಇದು ಅಸ್ಸಾಂ ಚಿತ್ರರಂಗವನ್ನು ಜೀವಂತವಾಗಿಟ್ಟ ಪ್ರತಿಯೊಬ್ಬ ಕಲಾವಿದ, ತಂತ್ರಜ್ಞ ಮತ್ತು ಪ್ರೇಕ್ಷಕರಿಗೆ ಗೌರವವಾಗಿದೆ. ಈ ಚಿತ್ರ ಅವರಿಗೆ ಸೇರಿದೆ ಎಂದು ಸಮೀರ್ ಹೇಳಿದರು.

ಪತ್ರಲೇಖಾ: ಭೂಪೇನ್ ಹಜಾರಿಕಾ ಅವರ ಪ್ರೇರಣಾದಾಯಕ ಗೀತೆಯಿಂದ ಪ್ರೇರಿತವಾದ ಭಾವಗೀತಾತ್ಮಕ ಧ್ಯಾನ ಇದು 

ನಿರ್ದೇಶಕಿ ಮತ್ತು ಲೇಖಕಿ ನಮ್ರತಾ ದತ್ತ ಅವರು ತಮ್ಮ ಪ್ರೇರಣಾದಾಯಕ ಕಿರುಚಿತ್ರ 'ಪತ್ರಲೇಖಾ'ವನ್ನು ಬಿಡುಗಡೆ ಮಾಡಿದರು. ಈ ಕೃತಿಯು ಡಾ. ಭೂಪೇನ್ ಹಜಾರಿಕಾ ಅವರ ಕಾಡುವ ಅಮೂರ್ತ ಹಾಡಿಗೆ ಸಿನಿಮೀಯ ಜೀವನವನ್ನು ಉಸಿರಾಡುತ್ತದೆ, ಹಂಬಲ, ಅಪೂರ್ಣ ವಾತ್ಸಲ್ಯ ಮತ್ತು ಎಂದಿಗೂ ಮಾತನಾಡದ ಪದಗಳ ನೋವಿನಿಂದ ತುಂಬಿದ ಮಧುರ ಹಾಡು ಕೇವಲ ನೆನಪು ಮತ್ತು ಮೌನದ ನಡುವೆ ಪ್ರೀತಿಯನ್ನು ಸೂಚಿಸುತ್ತದೆ, ಒಂದು ಕಾಲದಲ್ಲಿ ಹೆಣೆದುಕೊಂಡಿದ್ದ ಆದರೆ ಈಗ ಸನ್ನಿವೇಶದ ಶಾಂತ ಅಲೆಯಿಂದ ಬೇರ್ಪಟ್ಟ ಎರಡು ಆತ್ಮಗಳ ಸೂಕ್ಷ್ಮ, ಭಾವನಾತ್ಮಕವಾಗಿ ರಚನೆಯ ನಿರೂಪಣೆಯಾಗಿ ನಮ್ರತಾ ದತ್ತಾ ರೂಪಾಂತರಗೊಳಿಸಿದ್ದಾರೆ.

ಪತ್ರಲೇಖಾದಲ್ಲಿ, ದೃಶ್ಯ ಭಾಷೆ ತನ್ನದೇ ಆದ ಕಥೆಗಾರನಾಗುತ್ತದೆ.

ಮಧ್ಯಾಹ್ನದ ಬಿಸಿಲಿನ ಪ್ರಜ್ವಲಿಸುವಿಕೆಯ ಅಡಿಯಲ್ಲಿ ಸೆರೆಹಿಡಿಯಲಾದ ಹಳ್ಳಿಯ ಸನ್ನಿವೇಶಗಳು, ಮಹಿಳೆಯನ್ನು ತನ್ನ ಮನೆಗೆ ಮತ್ತು ಅವಳ ಅನಾರೋಗ್ಯ ಪೀಡಿತ ತಾಯಿಗೆ ಆಧಾರವಾಗಿಟ್ಟುಕೊಳ್ಳುವ ಸ್ಪಷ್ಟವಾದ ಭಾರವನ್ನು ಹೊರಸೂಸುತ್ತವೆ: ಬಿಸಿ, ನಿಶ್ಚಲತೆ, ಜವಾಬ್ದಾರಿಗಳ ತೂಕ, ಇದಕ್ಕೆ ತದ್ವಿರುದ್ಧವಾಗಿ, ಮುಸ್ಸಂಜೆಯ ಮೃದುವಾದ ವಿಷಣ್ಣತೆ ಮತ್ತು ರಾತ್ರಿಯ ಚಿಂತನಶೀಲ ಶಾಂತತೆಯಲ್ಲಿ ಚಿತ್ರೀಕರಿಸಲಾದ ನಗರದ ದೃಶ್ಯಗಳು, ಮನುಷ್ಯನ ಏಕಾಂತತೆಯನ್ನು ಪ್ರತಿಬಿಂಬಿಸುತ್ತವೆ. ಸಂಜೆಗಳು ಚಿತ್ರಕಲೆ, ಗಿಟಾರ್ ಸ್ವರಗಳು ಮತ್ತು ಪಿಸುಗುಟ್ಟುವ ನೆನಪುಗಳಲ್ಲಿ ಮುಳುಗಿ ಹೋಗಿವೆ. 

ಬೆಳಕು ಮತ್ತು ನೆರಳಿನ ಈ ವ್ಯತಿರಿಕ್ತ ಪ್ರಪಂಚಗಳ ಮೂಲಕ, ನವ್ರತಾ ದತ್ತಾ ಹಂಬಲತೆ, ಜೀವನವು ಅವರನ್ನು ಬೇರ್ಪಡಿಸಿದ ನಂತರವೂ ಜನರನ್ನು ಬಂಧಿಸುವ ದುರ್ಬಲವಾದ ಎಳೆಗಳ ಬಗ್ಗೆ ಹೃದಯಸ್ಪರ್ಶಿ ಪ್ರತಿಬಿಂಬವನ್ನು ರಚಿಸುತ್ತಾರೆ.

ತನ್ನ ಸ್ಫೂರ್ತಿಯ ಬಗ್ಗೆ ಮಾತನಾಡಿದ ನಮ್ರತಾ ದತ್ತಾ: “ಆ ಹಾಡು ವಿಚಿತ್ರವಾದ, ಹೇಳಲಾಗದ ನೋವನ್ನು ಹೊಂದಿತ್ತು, ಪ್ರೀತಿಯನ್ನು ಉಳಿಸಿಕೊಂಡಿತ್ತು. ಸಾಹಿತ್ಯವು ಸೂಚಿಸಿದ್ದಕ್ಕೆ ಆಕಾರ ನೀಡಲು, ಆ ಕಥೆಯನ್ನು ಮುಂದುವರಿಸಿಕೊಂಡು ಹೋಗುವ ಮನಸ್ಸು ಉಂಟಾಯಿತು”ಎಂದರು. 

ಛಾಯಾಗ್ರಾಹಕ ಮತ್ತು ಸಹ-ನಿರ್ಮಾಪಕ ಉತ್ಪಲ್ ದತ್ತ ಚಿತ್ರದ ವಿಶಿಷ್ಟ ಚಿತ್ರಣದ ಬಗ್ಗೆ ಚರ್ಚಿಸಿದರು: ಜೀವನದ ಮುಸ್ಸಂಜೆಯಲ್ಲಿ ಹೊರೆಯಾಗಿದ್ದರೂ ಭರವಸೆಯಿಂದ ಕೂಡಿದೆ. ನಮ್ಮ ಬೆಳಕು ಆ ಭಾವನಾತ್ಮಕ ಭೂದೃಶ್ಯವನ್ನು ಪ್ರತಿಬಿಂಬಿಸುತ್ತದೆ.” ಎಂದರು. 

ಚಿತ್ರದ ಕನಿಷ್ಠ ಬಜೆಟ್ ಇಂದಿನ ಚಿತ್ರ ನಿರ್ಮಾಣದ ಸವಾಲಿನ ಬಗ್ಗೆ ವಸ್ತುಸ್ಥಿತಿಯನ್ನು ತೆರೆದಿಡಲು ಪ್ರಯತ್ನಿಸಿದ ಉತ್ಫಲ್ ದತ್ತ: “ನಮ್ಮಂತಹ ಹಣವಿಲ್ಲದ ಜನರು ಚಲನಚಿತ್ರಗಳನ್ನು ನಿರ್ಮಿಸಬಾರದು - ಆದರೆ ಸಿನಿಮಾ ಮೇಲಿನ ಪ್ರೀತಿ ನಮ್ಮನ್ನು ನಿರ್ಭೀತರನ್ನಾಗಿ ಮಾಡುತ್ತದೆ. ನಾವು ಎಷ್ಟು ಖರ್ಚು ಮಾಡಿದ್ದೇವೆ ಎಂದು ಲೆಕ್ಕ ಹಾಕಲಿಲ್ಲ. ನಾವು ನಂಬಿದ್ದ ಚಿತ್ರವನ್ನು ನಾವು ಸರಳವಾಗಿ ಮಾಡಿದ್ದೇವೆ.” ಎಂದರು. 

ಚಿತ್ರದ ಟ್ರೇಲರ್‌ ಇಲ್ಲಿ ವೀಕ್ಷಿಸಿ:

https://drive.google.com/file/d/1JUEriNpdgKjdaVlqygNvGZH1aW5Ktgfa/view?usp=drive_link

ಐ.ಎಫ್.ಎಫ್.ಐಬಗ್ಗೆ: 

1952ರಲ್ಲಿ ಭಾರತೀಯ ಅಂತeರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಆಚರಣೆಯಾಗಿ ಆರಂಭಗೊಂಡು ನೆಲೆನಿಂತಿದೆ. ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ (ಎನ್.ಎಫ್.ಡಿ.ಸಿ), ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯ, ಗೋವಾ ರಾಜ್ಯ ಸರ್ಕಾರ, ಗೋವಾ ಮನರಂಜನಾ ಸೊಸೈಟಿ (ಇ.ಎಸ್.ಜಿ) ಜಂಟಿಯಾಗಿ ಆಯೋಜಿಸಿರುವ ಈ ಉತ್ಸವವು ಜಾಗತಿಕ ಸಿನಿಮೀಯ ಶಕ್ತಿ ಕೇಂದ್ರವಾಗಿ ಇಂದು ಬೆಳೆದಿದೆ. ಅಲ್ಲಿ ಪುನಃಸ್ಥಾಪಿಸಲಾದ ಉತ್ಕೃಷ್ಟ ದರ್ಜೆಯ ಸಿನಿಮಾಗಳು ದಿಟ್ಟ ಪ್ರಯೋಗಗಳನ್ನು ಪೂರೈಸುತ್ತವೆ. ದಿಗ್ಗಜ ಕಲಾವಿದರು ನಿರ್ಭೀತರಾಗಿ ಯುವ ಕಲಾವಿದರೊಂದಿಗೆ ವೇದಿಕೆ ಹಂಚಿಕೊಳ್ಳುತ್ತಾರೆ. ಐ.ಎಫ್.ಎಫ್.ಐ ನಿಜವಾಗಿಯೂ ಮಿಂಚುವಂತೆ ಮಾಡುವುದು ವಿದ್ಯುತ್ಕಾಂತೀಯ ಕಾರ್ಯಕ್ರಮಗಳಾದ ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್‌ಕ್ಲಾಸ್‌ಗಳು, ಗೌರವಗಳು ಮತ್ತು ಹೆಚ್ಚಿನ ಶಕ್ತಿಯ ವೇವ್ಸ್ ಫಿಲ್ಮ್ ಬಜಾರ್, ಅಲ್ಲಿನ ಕಲ್ಪನೆಗಳು, ಅಲ್ಲಿ ನಡೆಯುವ ಒಪ್ಪಂದಗಳು ಮತ್ತು ಸಹಯೋಗಗಳಿಂದ. ನವೆಂಬರ್ 20 ರಿಂದ 28 ರವರೆಗೆ ಗೋವಾದ ಬೆರಗುಗೊಳಿಸುವ ಕರಾವಳಿ ಹಿನ್ನೆಲೆಯಲ್ಲಿ ಪ್ರದರ್ಶನಗೊಳ್ಳುವ 56ನೇ ಆವೃತ್ತಿಯು ಭಾಷೆಗಳು, ಪ್ರಕಾರಗಳು, ನಾವೀನ್ಯತೆಗಳು ಮತ್ತು ಧ್ವನಿಗಳ ಬೆರಗುಗೊಳಿಸುವ ವರ್ಣಪಟಲವನ್ನು ಭರವಸೆ ನೀಡುತ್ತದೆ. ವಿಶ್ವ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ತಲ್ಲೀನಗೊಳಿಸುವ ಆಚರಣೆ ಇದು.

ಹೆಚ್ಚಿನ ಮಾಹಿತಿಗೆ ಇಲ್ಲಿ ಕ್ಲಿಕ್ ಮಾಡಿ:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****