56ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಕೊಲಂಬಿಯನ್ ಚಲನಚಿತ್ರ 'ಎ ಪೊಯೆಟ್' ನಲ್ಲಿನ ಪಾತ್ರಕ್ಕಾಗಿ ಶ್ರೀ ಉಬೇಮರ್ ರಿಯೋಸ್ ಅವರಿಗೆ ಅತ್ಯುತ್ತಮ ನಟ (ಪುರುಷ) ಪ್ರಶಸ್ತಿಯನ್ನು ನೀಡಲಾಗಿದೆ. ಈ ಪ್ರಶಸ್ತಿಯು ಅಂತರರಾಷ್ಟ್ರೀಯ ಸ್ಪರ್ಧಾ ವಿಭಾಗದಲ್ಲಿ ಅವರ ಆಕರ್ಷಕ ಚಿತ್ರಣಕ್ಕಾಗಿ ನೀಡಲಾಗುವ ಬೆಳ್ಳಿಯ ನವಿಲು ಟ್ರೋಫಿ, ಪ್ರಮಾಣಪತ್ರ ಮತ್ತು ₹10,00,000 ನಗದು ಬಹುಮಾನವನ್ನು ಹೊಂದಿದೆ. ಈ ಪ್ರಶಸ್ತಿಯನ್ನು ಗೋವಾ ಮುಖ್ಯಮಂತ್ರಿ ಶ್ರೀ ಪ್ರಮೋದ್ ಸಾವಂತ್ ಮತ್ತು ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಮತ್ತು ಸಂಸದೀಯ ವ್ಯವಹಾರಗಳ ರಾಜ್ಯ ಖಾತೆ ಸಚಿವರಾದ ಡಾ. ಎಲ್. ಮುರುಗನ್ ಅವರು, ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ ಶ್ರೀ ಸಂಜಯ್ ಜಾಜು, ಐ.ಎಫ್.ಎಫ್.ಐ. ತೀರ್ಪುಗಾರರ ತಂಡದ ಅಧ್ಯಕ್ಷರಾದ ಶ್ರೀ ರಾಕೇಶ್ ಓಂಪ್ರಕಾಶ್ ಮೆಹ್ರಾ ಮತ್ತು ಉತ್ಸವ ನಿರ್ದೇಶಕ ಶ್ರೀ ಶೇಖರ್ ಕಪೂರ್ ಅವರರುಗಳ ಸಮ್ಮುಖದಲ್ಲಿ ಪ್ರದಾನ ಮಾಡಿದರು.

ಚಲನಚಿತ್ರದ ನಿರ್ದೇಶಕ ಶ್ರೀ ಸೈಮನ್ ಮೇಸಾ ಸೊಟೊ ಪ್ರಶಸ್ತಿಯನ್ನು ಪಡೆದರು

"ಎ ಪೊಯೆಟ್ ಕಲೆ ಮತ್ತು ಬದುಕುಳಿಯುವಿಕೆಯ ನಡುವಿನ ಹಳೆಯ ಘರ್ಷಣೆಯನ್ನು ಅನನ್ಯ ಮತ್ತು ಅನಿರೀಕ್ಷಿತ ರೀತಿಯಲ್ಲಿ ಅನ್ವೇಷಿಸುತ್ತದೆ. ಆಸ್ಕರ್ ಒಂದು ಕಾಲದಲ್ಲಿ ಪ್ರಸಿದ್ಧ ಕವಿಯಾಗಿದ್ದು, ಒಮ್ಮೆ ಅವರನ್ನು ಬೆಂಬಲಿಸಿದವರ ಬಗ್ಗೆ ಅವರ ಕಹಿ ಅಸಮಾಧಾನದಿಂದಾಗಿ ಅವರು ಅಪಕೃಪೆಗೆ ಬಿದ್ದಿದ್ದಾರೆ. ನಟ ಉಬೇಮರ್ ರಿಯೋಸ್ ಅವರ ಮೊದಲ ಬಾರಿಗೆ ಅದ್ಭುತ ಪ್ರದರ್ಶನವು ಗಂಭೀರ ಭಾವನಾತ್ಮಕ ಬಿಕ್ಕಟ್ಟಿನಲ್ಲಿ ಬಳಲುತ್ತಿರುವ, ಸೋಲಿಸಲ್ಪಟ್ಟ ಆಸ್ಕರ್ ಅನ್ನು ಬಹಿರಂಗಪಡಿಸುತ್ತದೆ, ಅವರು ತಮ್ಮ ಜೀವನವನ್ನು ಬದಲಾಯಿಸುವ ಪ್ರತಿಭಾನ್ವಿತ ಹದಿಹರೆಯದವರನ್ನು ಭೇಟಿಯಾಗುವವರೆಗೆ. ಮುಂದೆ ಸವಾಲುಗಳಿವೆ, ಆದರೆ ಚಲನಚಿತ್ರ ಮತ್ತು ಉಬೇಮರ್ ಅವರ ಚಿತ್ರಣವು ಅತ್ಯಂತ ಉನ್ನತಿಗೇರಿಸುವ ಮತ್ತು ಅಂತಿಮವಾಗಿ ಅದ್ಭುತವಾಗಿ ಉದ್ಧರಿಸುವಂತಿದೆ." ಎಂದು ತೀರ್ಪಗಾರರ ತಂಡ ಗಮನಿಸಿದರು.

ಈ ಮನ್ನಣೆಯೊಂದಿಗೆ, ಶ್ರೀ ಉಬೇಮರ್ ರಿಯೋಸ್ ಅವರ ಅಭಿನಯವು 56ನೇ ಐ.ಎಫ್.ಎಫ್.ಐ.ನ ಅತ್ಯಂತ ಗಮನಾರ್ಹ ನಟನಾ ಗೌರವಗಳಲ್ಲಿ ಒಂದಾಗಿ ಗುರುತಿಸಲಾಗಿದೆ.

“ಎ ಪೊಯೆಟ್” ಚಲನಚಿತ್ರದ ಸಾರಾಂಶ

ಆಸ್ಕರ್ ರೆಸ್ಟ್ರೆಪೊ ಒಬ್ಬ ಮರೆತುಹೋದ ಕೊಲಂಬಿಯಾದ ಕವಿ, ಬಡತನ ಮತ್ತು ಭಾವನಾತ್ಮಕ ಪ್ರಕ್ಷುಬ್ಧತೆಯಲ್ಲಿ ವಾಸಿಸುತ್ತಿದ್ದಾರೆ. ಒಮ್ಮೆ ಗೌರವಗಳಿಂದ ಆಚರಿಸಲ್ಪಟ್ಟ ಅವರು, ಈಗ ಮೆಡೆಲಿನ್ ನಲ್ಲಿ ವಾಸಿಸುತ್ತಿದ್ದಾರೆ, ಕುಟುಂಬದಿಂದ ಅಪಹಾಸ್ಯಕ್ಕೊಳಗಾಗುತ್ತಾರೆ ಮತ್ತು ಸಾಹಿತ್ಯ ಪ್ರಪಂಚದಿಂದ ನಿರ್ಲಕ್ಷಿಸಲ್ಪಡುತ್ತಾರೆ. ಬಡ ಹಿನ್ನೆಲೆಯಿಂದ ಬಂದ ಪ್ರತಿಭಾನ್ವಿತ ಹದಿಹರೆಯದ ಕವಿ ಯುರ್ಲಾಡಿ ಅವರನ್ನು ಭೇಟಿಯಾದಾಗ ಅವರ ಜೀವನ ಬದಲಾಗುತ್ತದೆ. ಆಸ್ಕರ್ ತನ್ನ ಕಳೆದುಹೋದ ಕನಸುಗಳನ್ನು ಪುನರುಜ್ಜೀವನಗೊಳಿಸುವ ಆಶಯದೊಂದಿಗೆ ಅವಳಿಗೆ ಮಾರ್ಗದರ್ಶನ ನೀಡುತ್ತಾನೆ. ಯುರ್ಲಾಡಿ ವೃತ್ತಿಪರವಾಗಿ ಯಶಸ್ಸಿನ ಹಂತ ತಲುಪುತ್ತಿದ್ದಂತೆ, ಗಣ್ಯ ಸಂಸ್ಥೆಗಳು ಪ್ರತಿಷ್ಠೆಗಾಗಿ ಅವಳ ಇಮೇಜ್ ಅನ್ನು ಬಳಸಿಕೊಳ್ಳುತ್ತವೆ, ಆದರೆ ಅವಳು ತನ್ನ ಕುಟುಂಬಕ್ಕೆ ಸಹಾಯ ಮಾಡುವತ್ತ ಗಮನಹರಿಸುತ್ತಾಳೆ. ಈ ಚಿತ್ರವು ವಿಡಂಬನೆ ಮತ್ತು ಭಾವನೆಗಳನ್ನು ಸಂಯೋಜಿಸುತ್ತದೆ, ವಿಫಲವಾದ ಮಹತ್ವಾಕಾಂಕ್ಷೆ, ಮಾರ್ಗದರ್ಶನ ಮತ್ತು ಕಲೆ ಮತ್ತು ಬದುಕುಳಿಯುವಿಕೆಯ ನಡುವಿನ ಘರ್ಷಣೆಯನ್ನು ಅನ್ವೇಷಿಸುತ್ತದೆ.  

ಎ ಪೊಯೆಟ್ – ಈ ಚಲನಚಿತ್ರದ ಪತ್ರಿಕಾ ಸಮಾವೇಶ

ಐ.ಎಫ್.ಎಫ್.ಐ. ಬಗ್ಗೆ

1952ರಲ್ಲಿ ಪ್ರಾರಂಭವಾದ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ.) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಆಚರಣೆಯಾಗಿ ಅತ್ಯಂತ ಗೌರವದಿಂದ ಹೆಮ್ಮೆಯಾಗಿ ನಿಂತಿದೆ. ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ , ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ, ಭಾರತ ಸರ್ಕಾರ ಮತ್ತು ಗೋವಾ ರಾಜ್ಯ ಸರ್ಕಾರ, ಗೋವಾ ಮನರಂಜನಾ ಸೊಸೈಟಿ  ಜಂಟಿಯಾಗಿ ಆಯೋಜಿಸಿರುವ ಈ ಚಲನಚಿತ್ರ ಉತ್ಸವವು ಜಾಗತಿಕ ಸಿನಿಮೀಯ ಶಕ್ತಿ ಕೇಂದ್ರವಾಗಿ ಬೆಳೆದಿದೆ - ಅಲ್ಲಿ ಪುನಃಸ್ಥಾಪಿಸಲಾದ ಕ್ಲಾಸಿಕ್ಗಳು ದಿಟ್ಟ ಪ್ರಯೋಗಗಳನ್ನು ಎದುರಿಸುತ್ತವೆ ಮತ್ತು ಪೌರಾಣಿಕ ಕಲಾವಿದರು ನಿರ್ಭೀತ ಮೊದಲ ಬಾರಿಗೆ ಬರುವವರೊಂದಿಗೆ ಜಾಗವನ್ನು ಹಂಚಿಕೊಳ್ಳುತ್ತಾರೆ. ಐ.ಎಫ್.ಎಫ್.ಐ. ಅನ್ನು ನಿಜವಾಗಿಯೂ ಹೊಳೆಯುವಂತೆ ಮಾಡುವುದು ಅದರ ಸೃಜನಶೀಲ ಮಿಶ್ರಣ - ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್ಕ್ಲಾಸ್ಗಳು, ಗೌರವಗಳು ಮತ್ತು ಕಲ್ಪನೆಗಳು, ಒಪ್ಪಂದಗಳು ಮತ್ತು ಸಹಯೋಗಗಳು ಹಾರುವ ಉನ್ನತ-ಶಕ್ತಿಯ ವೇವ್ಸ್ ಫಿಲ್ಮ್ ಬಜಾರ್.  ನವೆಂಬರ್ 20 ರಿಂದ 28, 2025 ರವರೆಗೆ ಗೋವಾದ ಬೆರಗುಗೊಳಿಸುವ ಅತ್ಯಾಕರ್ಷಕ ಕರಾವಳಿ ಹಿನ್ನೆಲೆಯಲ್ಲಿ ಪ್ರದರ್ಶಿಸಲಾಗುವ 56ನೇ ಆವೃತ್ತಿಯು ಭಾಷೆಗಳು, ಪ್ರಕಾರಗಳು, ನಾವೀನ್ಯತೆಗಳು ಮತ್ತು ಧ್ವನಿಗಳ ಅದ್ಭುತ ವರ್ಣಪಟಲವನ್ನು ಭರವಸೆ ನೀಡುತ್ತದೆ - ಇದು ವಿಶ್ವ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ತಲ್ಲೀನಗೊಳಿಸುವ ವಿಶೇಷ ಆಚರಣೆಯಾಗಿದೆ.

ಹೆಚ್ಚಿನ ಮಾಹಿತಿಗಾಗಿ, ಕ್ಲಿಕ್ ಮಾಡಿ:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****