નેશનલ ઇન્સ્ટિટ્યૂટ ઑફ ફેશન ટેક્નોલોજી (NIFT) દમણ કેમ્પસ દ્વારા એક સીમાચિહ્નરૂપ પ્રાદેશિક ઉદ્યોગ બેઠક અને VisioNxt પર વર્કશોપનું આયોજન કરવામાં આવ્યું હતું, જેમાં મુંબઈ, દાદરા અને નગર હવેલી, દમણ, સિલ્વાસા, સુરત, NIFT ભૂતપૂર્વ વિદ્યાર્થીઓના સભ્યો અને શૈક્ષણિક સમુદાયના 115 પ્રતિનિધિઓએ ભાગ લીધો હતો. આ ઇવેન્ટમાં VisioNxt નું પ્રદર્શન કરવામાં આવ્યું હતું, જે એક અગ્રણી ભારતીય ફેશન ફોરકાસ્ટિંગ પહેલ છે જે AI અને ભાવનાત્મક બુદ્ધિ (Emotional Intelligence) નો લાભ લઈને ભૌગોલિક-વિશિષ્ટ, સાંસ્કૃતિક રીતે સૂક્ષ્મ વલણ (trend) આંતરદૃષ્ટિ પ્રદાન કરે છે, જે દેશભરના ડિઝાઇનર્સ, રિટેલર્સ, કારીગરો અને વણકરોને સશક્ત બનાવે છે.

વર્કશોપમાં એક આકર્ષક, ભવિષ્યલક્ષી પ્રશ્ન-જવાબ સત્ર યોજાયું હતું જેને સહભાગીઓ તરફથી ઉત્તમ પ્રતિસાદ મળ્યો હતો. ઉદ્યોગ નિષ્ણાતોએ તેમનો ઉત્સાહ વ્યક્ત કર્યો હતો અને ઝડપથી વિકસતા ફેશન લેન્ડસ્કેપમાં સ્પર્ધાત્મક અને આગળ રહેવા માટે ભવિષ્યમાં આવા વધુ સત્રો યોજવા વિનંતી કરી હતી.

માનનીય પ્રધાનમંત્રી શ્રી નરેન્દ્ર મોદીના વિઝન હેઠળ, બેઠકમાં ભાર મૂકાયો કે ભારત હવે માત્ર પશ્ચિમી ફેશન ટ્રેન્ડનું અનુસરણ કરતું નથી, પરંતુ પોતાની સંસ્કૃતિ અને હસ્તકલા પર આધારિત વૈશ્વિક વલણોને આત્મવિશ્વાસપૂર્વક આકાર આપી રહ્યું છે. “મેક ઇન ઇન્ડિયા” થી “મેક ફોર ધ વર્લ્ડ” તરફના પરિવર્તનને આગળ ધપાવતા VisioNxt અને NIFTની AI આધારિત પહેલો ભારતને આંતરરાષ્ટ્રીય ટ્રેન્ડ સેવાઓના માત્ર ગ્રાહક તરીકે નહીં, પરંતુ સ્વદેશી આગાહી (indigenous forecasting) દ્વારા વિશ્વને વલણ દર્શાવતાં જ્ઞાન નેતા તરીકે સ્થાન અપાવી રહી છે.

 

આ વિઝનને વધુ મજબૂત બનાવતા, NIFT ના ડાયરેક્ટર જનરલ, શ્રીમતી તનુ કશ્યપ, IAS, એ સતત ભાર મૂક્યો છે કે AI-સંચાલિત ફેશન ફોરકાસ્ટિંગ પરના આવા વર્કશોપ્સ એક એવી ઇકોસિસ્ટમ બનાવે છે જે ભારતની પોતાની ડિઝાઇન ભાષા બોલે છે અને દાદરા અને નગર હવેલી, દમણ અને દીવ, મહારાષ્ટ્ર અને ગુજરાતના ઉદ્યોગ નેતાઓને વૈશ્વિક બજારમાં સર્જનાત્મકતા, સાંસ્કૃતિક બુદ્ધિ અને તકનીકી નવીનતા સાથે નેતૃત્વ કરવા માટે સશક્ત બનાવે છે.

NIFTના ડાયરેક્ટર ડૉ. બ્રિજેશ દેઓરે જનરેટિવ AI પર ધ્યાન કેન્દ્રિત કરીને એક આઉટરીચ પ્રોગ્રામનું આયોજન કરવાની યોજનાઓની જાહેરાત કરીને ભવિષ્ય માટે તૈયાર શિક્ષણ પ્રત્યે NIFTની પ્રતિબદ્ધતા પર ભાર મૂક્યો હતો. તેમણે કહ્યું, "આ પહેલ ઉદ્યોગ વ્યાવસાયિકોને સ્પર્ધાત્મક વૈશ્વિક બજારમાં વિકાસ માટે અદ્યતન કૌશલ્યોથી સજ્જ કરશે."

આ ઇવેન્ટમાં ડીએનએચ અને ડીડીના ડાયરેક્ટર-કમ-જોઇન્ટ સેક્રેટરી (ઉચ્ચ અને તકનીકી શિક્ષણ) એ હાજરી આપી હતી, જેમનો ટેકો ટેકનિકલ શિક્ષણ અને ઉદ્યોગની પ્રગતિ વચ્ચેના સહયોગને સતત મજબૂત કરી રહ્યો છે. ડૉ. કૌસ્તવ સેન ગુપ્તા, VisioNxt ના વડા, એ પ્લેટફોર્મની અનન્ય ક્ષમતાઓનું પ્રદર્શન કર્યું અને ભારતના વિવિધ સામાજિક-આર્થિક અને સાંસ્કૃતિક માળખામાં મૂળ ધરાવતા AI-સંચાલિત ફેશન ફોરકાસ્ટિંગની ઍક્સેસને લોકશાહી બનાવવા (democratizing access) માં તેની ભૂમિકા પર ભાર મૂક્યો.

આ બેઠક ઉદ્યોગના નેતાઓ, શિક્ષણવિદો, કારીગરો, NIFT ફેકલ્ટી, સ્ટાફ, વિદ્યાર્થી સ્વયંસેવકો અને ભાગીદારોના મિશ્રણને એકસાથે લાવી હતી, જેણે ફેશન ક્ષેત્રે નવીનતા અને વૃદ્ધિને આગળ વધારવા માટે વિચારો અને સહયોગનું જીવંત આદાનપ્રદાન કર્યું હતું. NIFT દમણ કેમ્પસ આવી પહેલો દ્વારા ઉદ્યોગ અને શિક્ષણ જગતને જોડવાની, ફેશન મેનેજમેન્ટ અને ટેકનોલોજીમાં અર્થપૂર્ણ પ્રગતિને આગળ વધારવાની તેની પ્રતિબદ્ધતાને પુનઃપુષ્ટ કરે છે. કેમ્પસના પ્રાદેશિક ઉદ્યોગ સંયોજક, ડૉ. વિધુ શેખર પી, એ ઔપચારિક રીતે સભાનું સ્વાગત કર્યું હતું અને કાર્યક્રમના સમાપન પર ડૉ. રાહુલ કુશવાહા એ આભાર પ્રસ્તાવ રજૂ કર્યો હતો.

 

(रिलीज़ आईडी: 2198804) आगंतुक पटल : 21