नवी दिल्‍ली, 23 मार्च 2026

1. भारतीय निवडणूक आयोगाने, आसाम, केरळ, पुदुचेरी, तामिळनाडू आणि पश्चिम बंगाल या राज्यांतील विधानसभा निवडणुकांसाठी, लोकप्रतिनिधित्व अधिनियम, 1951 मधील कलम 39ए अंतर्गत दूरदर्शन आणि आकाशवाणीवरील मोफत प्रक्षेपण/प्रसारण कालावधीच्या वितरणासाठी राष्ट्रीय तसेच राज्यांतील पक्षांना दिशानिर्देश जारी केले.
2. त्यानुसार, विधानसभा निवडणुका होऊ घातलेली 5 राज्ये तसेच केंद्रशासित प्रदेशांमध्ये सर्व मान्यताप्राप्त राष्ट्रीय आणि राज्यांतील राजकीय पक्षांना माहिती तंत्रज्ञान मंचाच्या माध्यमातून डिजिटल 'टाइम व्हाउचर्स' वितरीत करण्यात आले आहेत.
3. निवडणुका होऊ घातलेली 5 राज्ये तसेच केंद्रशासित प्रदेशांमध्ये प्रत्येक टप्प्यात निवडणुकीला उभे असलेल्या उमेदवारांची यादी प्रकाशित झाल्याची तारीख आणि निवडणूक होण्यापूर्वी दोन दिवस आधीपर्यंत, या दरम्यानच्या काळात प्रक्षेपण/प्रसारण कालावधी निश्चित केला जाईल. संबंधित राज्ये/ केंद्रशासित प्रदेशांच्या मुख्य निवडणूक अधिकाऱ्यांच्या कार्यालयात, आगाऊ पद्धतीने राजकीय पक्षांचे अधिकृत प्रतिनिधी तसेच अधिकारी यांच्या उपस्थितीत राज्य/ केंद्रशासित प्रदेश पातळीवर लॉटरी पद्धतीने लॉट्स निश्चित करण्यात येतील.
4. या योजनेंतर्गत, प्रत्येक पक्षासाठी राज्यांमध्ये प्रादेशिक नेटवर्कवर एकसमान पद्धतीने, दूरदर्शन तसेच आकाशवाणी अशा दोन्ही सेवांवर 45 मिनिटांच्या मुलभूत वेळेमध्ये मोफत प्रक्षेपण अथवा प्रसारण सुविधा वापरता येतील.
5. संबंधित राज्यांमध्ये/केंद्रशासित प्रदेशांमध्ये यापूर्वी झालेल्या विधानसभा निवडणुकांमधील निवडणूक कामगिरीच्या आधारावर राजकीय पक्षांना अतिरिक्त कालावधी देण्यात येईल.
6. राजकीय पक्षांनी संबंधित मार्गदर्शक तत्वांचे पालन करून, त्यांचे ट्रान्स्क्रिप्ट्स आणि रेकॉर्डिंग्ज आधीच सादर करणे अनिवार्य आहे. दूरदर्शन/आकाशवाणी केंद्रे अथवा प्रसार भारतीने विहित केलेली तांत्रिक प्रमाणके पूर्ण करणाऱ्या स्टुडीओत ही रेकॉर्डिंग्ज केलेली असावीत.
7. पक्षांच्या प्रदर्शनासह, प्रसार भारती महामंडळ दूरदर्शन/ आकाशवाणीवर दोन गट चर्चा आणि / अथवा वादविवाद यांचे अयोजन करेल. प्रत्येक पात्र राजकीय पक्षाने या कार्यक्रमात सहभागी होण्यासाठी एक प्रतिनिधी नामनिर्देशित करावा. सदर कार्यक्रम मान्यताप्राप्त समन्वयकाद्वारे संचालित केला जाईल.  

* * *

नितीन फुल्लुके/संजना चिटणीस/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai