ভাৰত চৰকাৰৰ তথ্য আৰু সম্প্ৰচাৰ মন্ত্ৰালয়ৰ প্ৰকাশন বিভাগে প্ৰকাশন ক্ষেত্ৰত উৎকৃষ্টতাৰ বাবে ২০২৬ চনৰ ফেডাৰেচন অৱ ইণ্ডিয়ান পাব্লিচাৰ্ছ (এফআইপি) উৎকৃষ্ট গ্ৰন্থ প্ৰস্তুতকৰণ বঁটাত সাতটা বঁটা লাভ কৰিছে। বিভাগটোৰ হিন্দী, ইংৰাজী আৰু উৰ্দু ভাষাৰ আলোচনী, গ্ৰন্থ আৰু তথ্য-সমলভিত্তিক প্ৰকাশনসমূহে বিভিন্ন শাখাত স্বীকৃতি লাভ কৰিছে।

প্ৰকাশন বিভাগৰ সঞ্চালক প্ৰধান ড০ ধীৰাজ কাকাড়িয়াই বঁটাপ্ৰাপ্ত গ্ৰন্থ আৰু আলোচনীসমূহৰ সম্পাদকসকলক সম্বৰ্ধনা জনোৱাৰ লগতে এই সফলতাৰ সৈতে জড়িত সকলো বিষয়া আৰু কৰ্মচাৰীক অভিনন্দন জ্ঞাপন কৰে।

এই উপলক্ষে ড০ ধীৰাজ কাকাড়িয়াই কয়, “প্ৰকাশন বিভাগে লাভ কৰা সাতটা বঁটা ইয়াৰ বিষয়া আৰু কৰ্মচাৰীসকলৰ সামূহিক কঠোৰ পৰিশ্ৰম, নিষ্ঠা আৰু উৎকৃষ্টতাৰ প্ৰমাণ। এই স্বীকৃতিয়ে আমাক উচ্চমানৰ, বিশ্বাসযোগ্য আৰু উপযোগী সমল প্ৰকাশ কৰিবলৈ অধিক উৎসাহিত কৰিছে। জ্ঞান, সাহিত্য, সংস্কৃতি আৰু ৰাষ্ট্ৰীয় উন্নয়নৰ সৈতে জড়িত গুৰুত্বপূৰ্ণ ধাৰণা আৰু দৃষ্টিভংগী বহন কৰা উৎকৃষ্ট গ্ৰন্থ আৰু আলোচনীৰ জৰিয়তে হিন্দী, ইংৰাজী আৰু উৰ্দু ভাষাৰ পাঠকৰ কাষ চাপিবলৈ প্ৰকাশন বিভাগ প্ৰতিশ্ৰুতিবদ্ধ।”

তেওঁ লগতে কয় যে বিভাগটোৱে প্ৰকাশ কৰা গ্ৰন্থ আৰু আলোচনীসমূহে ৰাষ্ট্ৰীয় উন্নয়ন, জ্ঞান আৰু বিজ্ঞান, সাহিত্য, সংস্কৃতি, কলা আৰু সমসাময়িক বিষয়ৰ সৈতে জড়িত বৈচিত্ৰ্যপূৰ্ণ আৰু মূল্যৱান সমল পাঠকৰ কাষলৈ লৈ যোৱাত গুৰুত্বপূৰ্ণ ভূমিকা পালন কৰে।

সাতটা বঁটাৰ ভিতৰত চাৰিটা দ্বিতীয় পুৰস্কাৰ আৰু তিনিটা তৃতীয় পুৰস্কাৰ আছে। এই সাফল্যই প্ৰকাশন, সম্পাদকীয় মানদণ্ড আৰু সমলৰ বৈচিত্ৰ্যৰ ক্ষেত্ৰত প্ৰকাশন বিভাগৰ উৎকৰ্ষ সাধনৰ প্ৰতি অব্যাহত প্ৰতিশ্ৰুতিক প্ৰতিফলিত কৰে।

দ্বিতীয় পুৰস্কাৰ লাভ কৰা প্ৰকাশনসমূহ

• ‘ভাৰত ২০২৬’ (হিন্দী)-এ তথ্য-সমলভিত্তিক গ্ৰন্থ—হিন্দী শাখাত দ্বিতীয় পুৰস্কাৰ লাভ কৰে।
• ‘উইংছ টু আৱাৰ হোপছ – ভলিউম ২’-এ সাধাৰণ আৰু বাণিজ্যিক গ্ৰন্থ—ইংৰাজী শাখাত দ্বিতীয় পুৰস্কাৰ লাভ কৰে।
• ‘যোজনা – জুলাই ২০২৬’ (হিন্দী), ‘বিকশিত ভাৰত@২০৪৭’ বিষয়বস্তুৰ ওপৰত আধাৰিত, আলোচনী আৰু হাউছ মেগাজিন—হিন্দী শাখাত দ্বিতীয় পুৰস্কাৰ লাভ কৰে।
• ‘কুৰুক্ষেত্ৰ – এ ৰুৰেল ডেভেলপমেণ্ট মান্থলি ছিন্স ১৯৫২’-এ আলোচনী আৰু হাউছ মেগাজিন—ইংৰাজী শাখাত দ্বিতীয় পুৰস্কাৰ লাভ কৰে।

তৃতীয় পুৰস্কাৰ লাভ কৰা প্ৰকাশনসমূহ

• ‘ধৰিত্ৰী কি সেহত’-এ শিশুৰ গ্ৰন্থ (সাধাৰণ আগ্ৰহ) (০–১০ বছৰ)—হিন্দী শাখাত তৃতীয় পুৰস্কাৰ লাভ কৰে।
• ‘ৰংগোলী ৰূপ সুৰ লয় কি’-এ কলা আৰু কফি টেবল গ্ৰন্থ—হিন্দী শাখাত তৃতীয় পুৰস্কাৰ লাভ কৰে।
• ‘আজকাল উৰ্দু – জুলাই ২০২৬’-এ আলোচনী আৰু হাউছ মেগাজিন, ভাৰতীয় ভাষা (উৰ্দু) শাখাত তৃতীয় পুৰস্কাৰ লাভ কৰে।

এই বঁটাসমূহে বিশ্বাসযোগ্য, তথ্যসমৃদ্ধ আৰু সাংস্কৃতিকভাৱে সমৃদ্ধিশালী সমল প্ৰকাশ আৰু প্ৰচাৰৰ ক্ষেত্ৰত প্ৰকাশন বিভাগৰ ভূমিকাক অধিক শক্তিশালী কৰিছে। এই স্বীকৃতিয়ে প্ৰামাণিক আৰু জনমুখী সমলৰ সৈতে উচ্চমানৰ গ্ৰন্থ, আলোচনী আৰু তথ্য-সমলভিত্তিক প্ৰকাশন পাঠকৰ কাষলৈ লৈ যোৱাৰ কাম অব্যাহত ৰাখিবলৈ বিভাগটোক উৎসাহিত কৰিব।

‘ভাৰত ২০২৬’ (হিন্দী)-এ তথ্য-সমলভিত্তিক গ্ৰন্থ—হিন্দী শাখাত দ্বিতীয় পুৰস্কাৰ লাভ কৰে।

‘উইংছ টু আৱাৰ হোপছ – ভলিউম ২’-এ সাধাৰণ আৰু বাণিজ্যিক গ্ৰন্থ—ইংৰাজী শাখাত দ্বিতীয় পুৰস্কাৰ লাভ কৰে।

‘যোজনা হিন্দী – জুলাই ২০২৬’, ‘বিকশিত ভাৰত@২০৪৭’ বিষয়বস্তুৰ ওপৰত আধাৰিত, আলোচনী আৰু হাউছ মেগাজিন—হিন্দী শাখাত দ্বিতীয় পুৰস্কাৰ লাভ কৰে।

‘কুৰুক্ষেত্ৰ – এ ৰুৰেল ডেভেলপমেণ্ট মান্থলি ছিন্স ১৯৫২’-এ আলোচনী আৰু হাউছ মেগাজিন—ইংৰাজী শাখাত দ্বিতীয় পুৰস্কাৰ লাভ কৰে।

‘ধৰিত্ৰী কি সেহত’-এ শিশুৰ গ্ৰন্থ (সাধাৰণ আগ্ৰহ) (০–১০ বছৰ)—হিন্দী শাখাত তৃতীয় পুৰস্কাৰ লাভ কৰে।

‘ৰংগোলী ৰূপ সুৰ লয় কি’-এ কলা আৰু কফি টেবল গ্ৰন্থ—হিন্দী শাখাত তৃতীয় পুৰস্কাৰ লাভ কৰে।

‘আজকাল উৰ্দু – জুলাই ২০২৬’-এ আলোচনী আৰু হাউছ মেগাজিন, ভাৰতীয় ভাষা (উৰ্দু) শাখাত তৃতীয় পুৰস্কাৰ লাভ কৰে।”

ফেডাৰেচন অৱ ইণ্ডিয়ান পাব্লিচাৰ্ছ (এফআইপি)ৰ বিষয়ে

ফেডাৰেচন অৱ ইণ্ডিয়ান পাব্লিচাৰ্ছ হৈছে ইংৰাজী, হিন্দী আৰু অন্যান্য আঞ্চলিক ভাষাৰ প্ৰকাশকসকলৰ প্ৰতিনিধিত্বমূলক সংস্থা। সমগ্ৰ ভাৰতৰ পৰা ইয়াৰ সদস্য আছে আৰু ই প্ৰকাশন উদ্যোগৰ ৮০ শতাংশতকৈ অধিক অংশক প্ৰতিনিধিত্ব কৰে। দেশৰ সকলো আগশাৰীৰ প্ৰকাশক ইয়াৰ প্ৰত্যক্ষ সদস্য, আনহাতে অন্যান্য প্ৰকাশকসকল বিভিন্ন স্থানীয় সংস্থাৰ জৰিয়তে প্ৰতিনিধিত্ব কৰে।

*****

Mahesh Kumar/ Aparajita Priyadarshini/AA