بروقت بحالی اور مشاورت کی سہولت دستیاب ہونے سے افراد کو ذاتی اور سماجی و اقتصادی چیلنجوں پر قابو پانے اور اپنی زندگی کو دوبارہ سنوارنے میں اہم مدد مل سکتی ہے۔ مسلسل طبی نگہداشت، خاندان کی معاونت اور بعد از علاج خدمات صحت یابی اور مستحکم روزگار کی جانب آگے بڑھنے کے لیے درکار حوصلہ فراہم کر سکتی ہیں۔

بہار کے بانکا سے تعلق رکھنے والے او بی سی برادری کے 28 سالہ بٹو (نام تبدیل کیا گیا ہے) کو متعدد سماجی و اقتصادی چیلنجوں کا سامنا تھا، جن سے اس کی ذاتی زندگی، سماجی تعلقات اور ترقی کے مجموعی مواقع بری طرح متاثر ہو رہے تھے۔ ان حالات نے اس کی روزمرہ زندگی، جذباتی بہبود اور مجموعی استحکام کو بھی متاثر کیا، جس کے نتیجے میں صحت مند اور فعال زندگی گزارنے میں رکاوٹیں پیدا ہو رہی تھیں۔

اس کی صحت یابی میں مدد کے لیے بٹو نے نیشنل ایکشن پلان فار ڈرگ ڈیمانڈ ریڈکشن کے تحت بانکا کے ڈرگ ڈی ایڈکشن سینٹر سے معاونت حاصل کی۔ مرکز نے بحالی اور معاونت کی خدمات فراہم کیں، جن میں جسم سے منشیات کے مضر اثرات دور کرنے کا علاج، طبی نگہداشت، انفرادی مشاورت، نفسیاتی تعلیمی نشستیں، خاندانی مشاورت اور معاونت، رویے میں تبدیلی کے لیے حوصلہ افزائی پر مبنی اقدامات، باقاعدہ فالو اپ اور دوبارہ نشے کی لت سے بچاؤ کے لیے معاونت شامل تھی۔

اس اقدام سے بٹو میں صحت یابی کے لیے تحریک پیدا ہوئی اور رویے میں مثبت تبدیلی کی حوصلہ افزائی ہوئی۔ جذباتی اور نفسیاتی مشاورت کے ساتھ خاندانی رہنمائی نے بحالی کے عمل کے دوران اسے ایک سازگار ماحول فراہم کیا۔ مشیروں اور طبی افسران کی جانب سے باقاعدہ فالو اپ نے بھی اسے صحت یابی کے عمل سے جڑے رہنے اور زیادہ استحکام برقرار رکھنے کی کوششوں میں مدد دی۔

فی الحال، بٹو صحت یابی کے مرحلے میں ہے اور ڈرگ ڈی ایڈکشن سینٹر کے ذریعے فراہم کی جانے والی مشاورت اور فالو اپ نشستوں میں باقاعدگی سے شرکت کر رہا ہے۔ اس کی حالت میں بتدریج بہتری آئی ہے اور وہ صحت مند اور مستحکم طرز زندگی برقرار رکھنے کے لیے مسلسل کوششیں کر رہا ہے۔

علاج اور بحالی کی معاونت حاصل کرنے کے بعد، بٹو نے پھل فروخت کرنے کے اپنے کاروبار کے ذریعے روزگار کے امور اور آمدنی کے استحکام میں بھی بہتری کا مظاہرہ کیا ہے۔ اس پیش رفت نے اسے اپنی صحت یابی کا سفر جاری رکھتے ہوئے زیادہ خود انحصاری کی جانب بڑھنے میں مدد دی ہے۔

اپنی خوشی کا اظہار کرتے ہوئے بٹو نے کہا، ’’مجھے حاصل ہونے والی معاونت اور مشاورت نے صحت یابی کے لیے میری حوصلہ افزائی برقرار رکھنے اور زیادہ صحت مند اور مستحکم زندگی کی جانب آگے بڑھنے میں میری مدد کی۔‘‘

بٹو کا سفر اس بات کی عکاسی کرتا ہے کہ مسلسل بحالی، طبی معاونت، مشاورت اور خاندانی رہنمائی کس طرح افراد کو مشکل حالات سے نمٹنے اور صحت یابی، استحکام اور معاشرے میں مثبت اور فعال شمولیت کی جانب بامعنی قدم اٹھانے میں مدد کر سکتی ہے۔ این اے پی ڈی ڈی آر اسکیم کے تحت ڈی ڈی اے سی کے ذریعے فراہم کی جانے والی معاونت نے ایک صحت مند اور زیادہ مستحکم مستقبل کی تعمیر کے لیے اس کی کوششوں کو مزید تقویت بخشی ہے۔

***********

ش ح۔ ک ح۔ ا ک م

U No. 4299

(ریلیز آئی ڈی: 2316573) وزیٹر کاؤنٹر : 15