سماجی انصاف و تفویض اختیارات کی وزارت کے سکریٹری اور ڈی نوٹیفائڈ، خانہ بدوش اور نیم خانہ بدوش برادریاں کے ترقیاتی اور فلاحی بورڈ (ڈی ڈبلیو بی ڈی این سی) کے چیئرمین جناب سُدھانش پنت کل قومی دارالحکومت میں بورڈ کی گورننگ باڈی کے نئے مقرر کیے گئے اراکین جناب نارائن دیواسی اور جناب سوروپ سنگھ بنجارہ کو عہدے کا حلف دلائیں گے۔

جناب نارائن دیواسی اور جناب سوروپ سنگھ بنجارہ کو وزارتِ سماجی انصاف و تفویض اختیارات کے محکمہ برائے سماجی انصاف و تفویض اختیارات کی جانب سے ڈی ڈبلیو بی ڈی این سی کی گورننگ باڈی کا رکن، عہدہ سنبھالنے کی تاریخ سے تین سال کی مدت کے لیے یا اگلے احکامات تک (جو بھی پہلے ہو)، مقرر کیا گیا ہے۔ جناب نارائن دیواسی نے 25 ستمبر 2026 کو جبکہ جناب سوروپ سنگھ بنجارہ نے 17 ستمبر 2026 کو اپنا عہدہ سنبھالا۔

نوٹیفائڈ، خانہ بدوش اور نیم خانہ بدوش برادریاں کے ترقیاتی اور فلاحی بورڈ (ڈی ڈبلیو بی ڈی این سی) ان برادریوں کے فلاحی اور ترقیاتی مسائل کو حل کرنے کی سمت میں کام کرتا ہے اور ان کی سماجی و اقتصادی ترقی اور بااختیار بنانے کے لیے کئے گئے اقدامات کی حمایت کرتا ہے۔

حلف برداری کی یہ تقریب نئے مقرر کیے گئے اراکین کی جانب سے باضابطہ طور پر ذمہ داریاں سنبھالنے کی علامت ہوگی اور اس سے ڈی ڈبلیو بی ڈی این سی  کی گورننگ باڈی کو اپنے مشن کو آگے بڑھانے اور ڈی نوٹیفائڈ، خانہ بدوش اور نیم خانہ بدوش برادریوں کی فلاح و بہبود، سماجی و اقتصادی ترقی اور انہیں بااختیار بنانے کے اقدامات کو مزید فروغ دینے میں مزید تقویت ملے گی۔

*****

ش ح۔ک ح۔ن ع

U. No. 4771

(ریلیز آئی ڈی: 2320208) وزیٹر کاؤنٹر : 9