بہت چھوٹی، چھوٹی اور اوسط درجہ کی صنعتوں کی وزارت نے 17 ستمبر سے 2 اکتوبر 2026 تک ‘سوچھتا ہی سیوا 2026’ مہم چلائی، جس کا اختتام 2 اکتوبر 2026 کو سوچھ بھارت دیوس کے موقع پر ہوا۔ ‘‘سوچھتا میں سہبھاگ، سوچھ بھارت، وکست بھارت’’ کے موضوع کے تحت اس مہم کا مقصد وزارت، اس کے منسلک دفاتر اور خود مختار اداروں میں صفائی، ماحولیاتی پائیداری اور عوامی شراکت داری کو فروغ دینا تھا۔

اس مہم کے تحت بہت چھوٹی، چھوٹی اور اوسط درجہ کی صنعتوں کے مرکزی وزیر جناب جیتن رام مانجھی، وزارت کے سکریٹری جناب بھرت کھیڑا اور ایڈیشنل سکریٹری و ترقیاتی کمشنر (ایم ایس ایم ای) ڈاکٹر رجنیش نے یکم اکتوبر 2026 کو ’ایک دن، ایک گھنٹہ، ایک ساتھ‘ پہل کے تحت کناٹ پلیس میں ایم ایس ایم ای-ڈی ایف او، بال سہیوگ میں صفائی مہم میں حصہ لیا۔ صفائی مہم میں 150 سے زائد افراد نے شرکت کی، جس سے عوامی مقامات کو صاف ستھرا رکھنے کے لیے اجتماعی کوششوں کی اہمیت اجاگر ہوئی۔‘ایک پیڑ ماں کے نام’ پہل کے تحت شجرکاری بھی کی گئی، جس سے ماحولیاتی تحفظ اور پائیدار ترقی کے تئیں وزارت کے عزم کو تقویت ملی۔

مہم کا آغاز ایڈیشنل سکریٹری و ترقیاتی کمشنر (ایم ایس ایم ای) ڈاکٹر رجنیش کے ذریعے صفائی کا عہد دلانے کے ساتھ ہوا۔ وزارت اور اس کے علاقائی دفاتر کے تقریباً 250 افسران نے حلف برداری میں حصہ لیا اور صفائی ستھرائی اورسوچھ بھارت کے تصور کے تئیں اپنے عزم کا اعادہ کیا۔

بیداری پیدا کرنے اور لوگوں کو حساس بنانے کی سرگرمیوں کے تحت وزارت نے اپنے منسلک دفاتر، خود مختار اداروں اور علاقائی دفاتر کے افسران اور نمائندوں کو ’سوچھتا ہی سیوا 2026‘ کے مقاصد اور اہمیت سے آگاہ کیا۔ اس مہم کے ذریعے حصہ لینے والے اداروں کی حوصلہ افزائی کی گئی کہ وہ اپنے دفاتر اور آس پاس کے علاقوں میں بامقصد صفائی مہمات، بیداری پروگرام اور پائیدار اقدامات کریں۔

مہم کے دوران وزارت اور اس کے ملک بھر میں پھیلے علاقائی دفاتر نے کئی اہم شعبوں کے تحت سرگرمیاں انجام دیں۔ ان میں صفائی کے لیے مخصوص مقامات کی تبدیلی اور عوامی مقامات کو صاف ستھرا بنانا، ’سوچھ پاٹھ شالا‘، صفائی  مترسرکشا ایوم سمان شور،سوچھتا کےلئےجن بھاگیداری اور ’سوچھتا سے سمردھی‘ شامل ہیں۔ ان اقدامات سے عوامی شراکت داری کو مضبوط بنانے، صفائی ستھرائی کے بارے میں بیداری پیدا کرنے اور سوچھ بھارت کے لیے پائیدار اور اجتماعی کوششوں کی اہمیت کو اجاگر کرنے میں مدد ملی۔

*****

ش ح۔ع ح۔ ف ر

U-5065

(ریلیز آئی ڈی: 2322628) وزیٹر کاؤنٹر : 13