প্রধানমন্ত্রীগী লোইশঙ
প্রধান মন্ত্রীনা শ্রী নানা পাতেকর জিনা লৈখিদবদা অৱাবা ফোংদোকখ্রে
থাগৎখিবা:
08 OCT 2026 12:23PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভেতরান এক্তর, শ্রী নানা পাতেকর জিনা লৈখিদবদা অৱাবা ফোংদোকখ্রে।
প্রধান মন্ত্রীনা হায়খি মদুদি শ্রী নানা পাতেকর জিদা লৈরমবা ইন্তেন্সিতী, মহাক্কী তোপ-তোপ্পা মগুন অমসুং কাওঙমদ্রবা মওং-মতৌ অদু এক্তর খরা খক্তদা লৈ। মহাক্না রোল খুদিংমক্তা তোপ-তোপ্পা ভর্সাতিলিতী অমসুং ক্রিয়েতিবিতী পুরকপগা লোইননা মীরোল কয়া ফাওবা নিংশিংদুনা লৈহৌরগদবা কেরেক্তরশিং মীয়ামদা পীখি হায়বা অদু পল্লদুনা, শ্রী মোদীনা মখাতানা হায়খি মদুদি মহাক্কী অশেংবা অমসুং ময়েক শেংবা ৱাখল্লোনশিংগীদমকসু মহাকপু চপ মান্ননা পাম্নখি, মহাক্না মহাক্কী থাজবা অদু ফোংদোকপদা কৈদৌঙৈদসু চিংনবা লৈখিদে।
হিন্দী অমসুং মারাথী সিনেমাগীদমক মহাক্না লৌখিবা অচৌবা থৌদাং অদু নিংশিংলদুনা, প্রধান মন্ত্রীনা হায়খি মদুদি মহাক্না লৈখিদবা অসিনা অচৌবা অৱাৎপা অমা লৈহৌরে। মহাক্না মহাক্কী ইমুং-মনুং, মরুপ-মপাং অমসুং মহাকপু পামজবা মীওই কয়াগী মফমদা অৱাবা ফোংদোকখি।
Xকী পোস্ত অমদা, প্রধান মন্ত্রীনা অসুম্না শিয়র তৌখি:
“শ্রী নানা পাতেকর জিদা লৈরমবা ইন্তেন্সিতী, তোপ-তোপ্পা মগুন অমসুং কাওঙমদ্রবা মওং-মতৌ অদু এক্তর খরা খক্তদা লৈ। মহাক্না রোল খুদিংমক্তা তোপ-তোপ্পা ভর্সাতিলিতী অমসুং ক্রিয়েতিবিতী পুরকখি অমসুং মীরোল কয়া ফাওবা নিংশিংদুনা লৈহৌরগদবা কেরেক্তরশিং ঐখোয়দা পীখি। মহাক্কী অশেংবা অমসুং ময়েক শেংবা ৱাখল্লোনশিংগীদমকসু মহাকপু পাম্নখি, মহাক্না মআক্কী থাজবা অদু ফোংদোকপদা কৈদৌঙৈদসু চিংনবা লৈখিদে।
হিন্দী অমসুং মারাথী সিনেমাগীদমক শ্রী নানা পাতেকরনা লৌখিবা থৌদাং অদু য়াম্না চাউই। মহাক্না লৈখিদবা অসিনা অচৌবা অৱাৎপা অমা লৈহৌরে। মহাক্কী ইমুং-মনুং, মরুপ-মপাং অমসুং মহাকপু পামজবা মীওই কয়াগী মফমদা ঐহাক্না অৱাবা ফোংদোকচরি। ওম শান্তি।”
***
(রিলিজ আই.দি.: 2322637)
ভিজিতর কাউন্তর : 6
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam